Whatsapp Updates: ఇకపై వాట్సాప్ నుంచి హెచ్డీ రిజల్యూషన్ లో ఫొటోస్ పంపండిలా?

రోజురోజుకీ వాట్సాప్ వినియోగదారుల సంఖ్య అంతకంతకూ పెరుగుతూనే ఉంది. దాంతో వాట్సాప్ సంస్థ కూడా వినియోగదారులను ఆకర్షించడం కోసం కొత్త కొత్త ఫీచర్ లను అందుబాటులోకి తీసుకువస్తూనే ఉంది. ఈ నేపథ్యంలోనే తాజాగా మరో సరికొత్త ఫీచర్ ని తీసుకువచ్చింది. మామూలుగా మనం వాట్సాప్ లో మన కాంటాక్ట్ లో ఉన్న వారికి ఫోటోలను పంపిస్తూ ఉంటాం. కొన్ని కొన్ని సార్లు ఆ ఫోటోలు క్లారిటీ లేవని చెబుతూ ఉంటారు. అందుకే చాలామంది డాక్యుమెంట్ రూపంలో పెట్టమని చెబుతూ ఉంటారు. దాంతో చాలా మంది చిత్రాలను డాక్యూమెంట్ మోడ్‌లో పంపించడం ద్వారా ఈ సమస్యను చెక్ పెడుతుంటారు.

అయితే వాట్సాప్ సంస్థ కొత్త అప్‌డేట్‌తో ఈ సమస్యను పరిష్కరించింది. చిత్రాలను ఇప్పుడు హెచ్డీ రిజల్యూషన్‌లో పంపవచ్చు. ఫీచర్ త్వరలో వీడియోలకు కూడా అందుబాటులో ఉంటుంది. మెటా యాజమాన్య సంస్థ ద్వారా హెచ్డీ వీడియో షేరింగ్ సామర్ధ్యం త్వరలో అందుబాటులోకి రానుంది. కాగా వాట్సాప్ ద్వారా హెచ్‌డీ రిజల్యూషన్‌లో చిత్రాలను ఎలా పంపాలి? ఇందుకోసం ముందుగా వాట్సాప్‌ను అప్‌డేట్ చేసుకోవాలి. ఆ తర్వాతే మీరు హెచ్‌డీ క్వాలిటీలో చిత్రాలను పంపించుకోవడానికి ఛాన్స్ ఉంటుంది. ఇలాంటి సమయంలో ముందుగా మీరు ఉపయోగిస్తున్న వాట్సప్‌ను ఒకసారి అప్‌డేట్ చేస్తే సరిపోతుంది.

వెంటనే మీ వాట్సప్ నుంచి హెచ్‌డీ క్వాలిటీలో ఫోటోలను పంపించుకోవచ్చు. ఇందుకోసం మీరు ముందుగా వాట్సాప్ తెరిచి, మీరు చిత్రాన్ని పంపాలనుకుంటున్న వ్యక్తి చాట్‌ను ఓపెన్ చేసి తర్వాత అటాచ్‌మెంట్ ఐకాన్ పై క్లిక్ చేయాలి. తర్వాత మీరు పంపించాలని అనుకుంటున్న ఫోటోను ఎంచుకోవాలి. తదుపరి విండో ఎగువన హెచ్డీ బటన్‌ను కలిగి ఉంటుంది. దానిపై క్లిక్ చేసినప్పుడు, ప్రామాణిక నాణ్యత ఎంపిక చేయబడుతుంది. అంటే చిత్రం అసలు క్లారిటీలో ఉండదు. హెచ్‌డీ నాణ్యతలో చిత్రాన్ని పంపడానికి హెచ్‌డీ నాణ్యత ఎంపికను ఎంచుకోవాలి. అప్పుడు మీరు కోరుకున్నట్లుగా హెచ్‌డీ ఫోటో పంపితే సరిపోతుంది.