Fever Phone: బాబోయ్ ఫోన్లో అదిరిపోయే ఫీచర్.. ఇకపై ధర్మోమీటర్ మన మొబైల్ లోనే?

మనకు ఫీవర్ వచ్చింది అంటే చాలు వెంటనే వైద్యం దగ్గరకు వెళ్తాము. అక్కడికి వెళ్ళిన తర్వాత వైద్యుడు జ్వరం చెక్ చేయడం కోసం థర్మామీటర్ ని ఉపయోగిస్తూ ఉంటారు. థర్మామీటర్ ను మొదట నోట్లో నాలుక కింద పెట్టి కాసేపు అగి టెంపరేచర్ను చెక్ చేస్తూ ఉంటారు. లేదంటే చంకల కింద థర్మామీటర్ ను పెట్టి చెక్ చేస్తూ ఉంటారు. తర్వాత అందుకు అనుగుణంగా టాబ్లెట్స్ రాసిస్తూ ఉంటారు. ప్రతిసారి టెంపరేచర్ను తెలుసుకోవడానికి డాక్టర్ దగ్గరికి వెళ్ళకుండా ఒక అద్భుతమైన ఫీచర్ ని కనుగొన్నారు. ఇక మీదట డాక్టర్ దగ్గరికి వెళ్లకుండా మీ మొబైల్ ఫోన్ లోనే థర్మామీటర్ ద్వారా ఫీవర్ ని చెక్ చేసుకోవచ్చు.

అందుకోసం మీరు చేయాల్సిందల్లా ఒక యాప్ ను మీ ఫోన్లో ఇన్ స్టాల్ చేయడమే. అసలు ఆ యాప్ ఏంటి? అది ఎలా పనిచేస్తుంది? అన్న విషయాల గురించి ఇప్పుడు మనం తెలుసుకుందాం.. యాప్ పేరు ఫీవర్ ఫోన్ యాప్. యూనివర్సిటీ ఆఫ్ వాషింగ్టన్ శాస్త్రవేత్తలు ఫీవర్ ఫోన్ పేరుతో ఒక కొత్త యాప్ ను తయారు చేశారు. ఫోన్ లో టచ్ స్క్రీన్, బ్యాటరీ టెంపరేచర్ ను కనుకునేందుకు ఉపయోగపడే సెన్సార్ల సాయంతో ఈ యాప్ పనిచేస్తుంది. ఆ సెన్సార్ల సహాయంతో బాడీ టెంపరేచర్ ను కొలిచి మెషిన్ లెర్నింగ్ సాయంతో థర్మామీటర్ లా సాయపడుతుంది.

అయితే, ఇందులో ప్రత్యేకంగా ఎలాంటి అదనపు హార్డ్ వేర్ వాడాల్సిన అవసరం లేదట. మరి ఈ యాప్ ను ఎలా వాడాలి అన్న విషయానికి వస్తే.. జ్వరం ఉన్న వ్యక్తికి నుదిటికి కొంత దూరంగా మొబైల్ ను ఉంచి కెమెరా సహాయంతో టెంపరేచర్ ను తెలుసుకోవచ్చు. కేవలం 90 సెకన్లలోనే ఈ యాప్ రిజల్ట్ చూపిస్తుంది. ఈ యాప్ టెస్టింగ్ లో భాగంగా 37 మందిపై ప్రయోగించారు. వాళ్లలో 95శాతం కరెక్ట్ రిజల్ట్ చూపించింది. సుమారుగా 0.41 డిగ్రీల ఫారన్ హీట్ అనగా 23 డిగ్రీల సల్సీయస్ టెంపరేచర్ మాత్రమే తేడా చూపించింది. క్లినికల్ గా 0.5శాతం వరకూ తేడాను అనుమతిస్తారు.