Flipkart Cancellation Fee: ఫ్లిప్‌కార్ట్ ఆర్డర్లను క్యాన్సిల్ చేస్తున్నారా.. అయితే ఈ విషయాలు తెలుసుకోవాల్సిందే!

Flipkart

మామూలుగా మనం ఈ కామర్స్ సంస్థలు అయినా ఫ్లిప్కార్ట్, అమెజాన్, మీ షో వంటి యాప్స్ లో మనకు నచ్చిన వస్తువులను ఆర్డర్ చేసుకుంటూ ఉంటాం. కొన్ని కొన్ని సార్లు చాలామంది ఆర్డర్ చేసుకొని కొన్ని కారణాల వల్ల క్యాన్సిల్ చేసుకుంటూ ఉంటారు. కొందరు వెంటనే క్యాన్సిల్ చేస్తే మరికొందరు ఆర్డర్ ఇంటి దగ్గరికి వచ్చే మూమెంట్ లో క్యాన్సిల్ చేస్తూ ఉంటారు. అయితే ఇలా ఆర్డర్ క్యాన్సిల్ చేసే వారిపై ఫ్లిప్‌కార్ట్ సంస్థ 20 రూపాయలను వసూలు చేస్తోంది అంటూ కొత్త రోజులుగా వార్తలు వినిపిస్తున్న విషయం తెలిసిందే. ఈ విషయంపై సోషల్ మీడియాలో తీవ్ర స్థాయిలో చర్చలు కొనసాగుతూ ఉన్నాయి. దీనికి సంబంధించి ఫ్లిప్‌కార్ట్ సోషల్ మీడియా పోస్ట్ ద్వారా క్లారిటీ ఇచ్చింది.

టిప్‌స్టర్ అభిషేక్ యాదవ్ సోషల్ మీడియాలో స్క్రీన్‌షాట్‌ ను షేర్ చేశారు. ఇ కామర్స్ దిగ్గజం కస్టమర్లు తమ ఆర్డర్‌ను రద్దు చేయడంపై రుసుము విధిస్తోందని సూచిస్తుంది. ఆర్డర్ రద్దు పై ఛార్జ్‌ విధించడంపై వినియోగదారులు షాకయ్యారు. దాంతో ఈ రద్దు విధానం వివాదస్పదమై తీవ్ర చర్చకు దారితీసింది. వివాదానికి ప్రతి స్పందనగా, రద్దు రుసుము ఇటీవలి మార్పు కాదని ఫ్లిప్‌కార్ట్ ధృవీకరించింది. ఈ పాలసీ రెండేళ్లుగా అమల్లో ఉందని, ఆర్డర్ చేసిన 24 గంటల తర్వాత రద్దు చేస్తే మాత్రమే వర్తిస్తుందని కంపెనీ స్పష్టం చేసింది. మొదటి 24 గంటలలోపు రద్దు చేసిన ఆర్డర్‌లపై ఎలాంటి రుసుము వసూలు చేయబడదు. కస్టమర్‌లు తమ మనసు మార్చుకోవడానికి ఫ్రీ విండోను అందుబాటులో ఉంచుతుంది. ఈ క్యాన్సిలేషన్ ఫీజు అనేది అమ్మకందారులు, లాజిస్టిక్స్ భాగస్వాముల షిప్‌మెంట్ కోసం ఆర్డర్‌ను రెడీ చేయడంలో చేసే ఖర్చులను కవర్ చేస్తుంది.

ఆర్డర్ ఇప్పటికే ప్రాసెస్ చేసిన తర్వాత రద్దు అయితే ఉత్పన్నమయ్యే ఖర్చులను భర్తీ చేసేందుకు రుసుము వర్తిస్తుందని కంపెనీ వివరించింది. రద్దు కారణంగా అది భరించే వాస్తవ ధరకు సమానంగా లేదా తక్కువగా ఉంటుందని ఫ్లిప్‌కార్ట్ చెబుతోంది. అలాగే రద్దు రుసుము విక్రేత, లాజిస్టిక్స్ ప్రొవైడర్లు వెచ్చించే శ్రమ, సమయం, వనరులకు పరిహారం చెల్లిస్తుందని పాలసీ ప్రత్యేకంగా పేర్కొంది. రద్దు చేసిన ఆర్డర్ కోసం కస్టమర్ చెల్లించిన మొత్తం నుంచి రుసుము తొలగిస్తుంది. పరిస్థితిని బట్టి రుసుమును సవరించడానికి లేదా మాఫీ చేయడానికి ఫ్లిప్‌కార్ట్ వెసులుబాటును కలిగి ఉంది. ఈ విధానం కొంతకాలంగా ఉన్నప్పటికీ, చాలా మంది కస్టమర్‌లకు ఇప్పటివరకు దీని గురించి తెలియదని స్పష్టంగా కనిపిస్తుంది. అయితే, ఫ్లిప్‌కార్ట్ ఈ పాలసీలో కొత్తది ఏమీ లేదని, ఆలస్యమైన రద్దుల వల్ల ఏర్పడే కార్యాచరణ నష్టాలను బ్యాలెన్స్ చేసేందుకు ఈ రుసుమును విధిస్తున్నట్టు ఫ్లిప్‌కార్ట్ స్పష్టం చేసింది.

Follow us