Aadhaar Lock: మీ ఆధార్ నంబర్ దుర్వినియోగం అవుతుందని అనుమాన పడుతున్నారా.. అయితే ఇలా చేయాల్సిందే?

ప్రస్తుత రోజుల్లో భారతీయులకు ఆధార్ కార్డు అన్నది ఒక ముఖ్యమైన డాక్యుమెంట్ గా మారిపోయింది. బ్యాంక్ అకౌంట్, ప్రభుత్వ పథకాలు, ప్రైవేట్ అకౌంట్, పాన్ కార్డ్, ఓటర్ కార్డ్ ఇలా ప్రతి ఒక్క దానికి కూడా ఆధార్ కార్డు అన్నది ఒక ముఖ్యమైన డాక్యుమెంట్ గా మారిపోయింది. అంతేకాకుండా ఆధార్ కార్డు ఎక్కడికి వెళ్లినా కూడా తీసుకెళ్లాల్సిన పరిస్థితి. మరి అంత ముఖ్యమైన డాక్యుమెంట్ లో చిన్న చిన్న తప్పులు ఉంటే సరి చేసుకోవడం అన్నది తప్పనిసరి. అలాగే మన ఆధార్ ఇతరులకు చేతికి వెళ్ళకుండా జాగ్రత్త పడాలి. ఎందుకంటే ఈ మధ్య కాలంలో చాలామంది ఆధార్ ని దుర్వినియోగం చేస్తున్నారు. అలాగే ఆధార్ ద్వారా జరిగే మోసాలు కూడా ఎక్కువ అవుతున్నాయి. కాబట్టి ఆధార్ జాగ్రత్తగా ఉంచుకోవాలి. మీరు మీ ఆధార్ దుర్వినియోగం అవుతుందని అనుమాన పడుతున్నారా, అయితే అప్పుడు ఏం చేయాలో ఇప్పుడు మనం తెలుసుకుందాం..

కాగా ఆధార్ నంబర్ భద్రతను పెంచడానికి ఆధార్ నంబర్ లాకింగ్, అన్‌లాకింగ్ సౌకర్యాన్ని అందిస్తోంది. యూఐడీఏఐ అధికారిక వెబ్‌సైట్ www.myaadhaar.uidai.gov.in లేదా mAadhaar యాప్‌ని ఉపయోగించి ఆధార్ వినియోగదారులు తమ UIDని లాక్ చేయవచ్చు. ఒకసారి లాక్ అయితే వారు ఓటీపీ , ఇతర ధృవీకరణ ప్రక్రియలను ఉపయోగించలేరు. ఇందుకోసం ముందుగా ఆధార్‌ను మళ్లీ అన్‌లాక్ చేయాలి. మీరు మీ మొబైల్‌ను లాక్ చేస్తే అన్‌లాక్ చేయకుండా ఉపయోగించలేరు. అంటే దీని తర్వాత ఆధార్‌ను అన్‌లాక్ చేయకుండా ఎవరూ ఏ ప్రక్రియను చేయలేరు. UIDని లాక్ చేయడానికి ఒక వ్యక్తి తప్పనిసరిగా 16 అంకెల VID నంబర్‌ని కలిగి ఉండాలి. మీ వద్ద ఇప్పటికే VID లేకపోతే వారు SMS లేదా UIDAI వెబ్‌సైట్‌ని ఉపయోగించి VID నంబర్‌ను పొందవచ్చు.ఆ తర్వాత మీరు UIDAI వెబ్‌సైట్ https://resident.uidai.gov.in/aadhaar-lockunlock కి వెళ్లాలి.

తర్వాత మీరు మై ఆధార్ పేజీకి వెళ్లి అక్కడ UID నంబర్‌తో అవసరమైన వ్యక్తిగత వివరాలను నింపి ఓటీపీ ని రూపొందించాలి. ఓటీపీ ధృవీకరణ తర్వాత వ్యక్తి ఆధార్ కార్డ్ లాక్ అవుతుంది. అన్‌లాక్ చేయడానికి ఇక్కడ కూడా అదే ప్రక్రియ చేయాల్సి ఉంటుంది. అధికారిక వెబ్‌సైట్‌ను సందర్శించి, UID నంబర్‌తో పాటు వ్యక్తిగత వివరాలను పూరించాలి. ఓటీపీ ధృవీకరణ తర్వాత ఆధార్ కార్డ్ మళ్లీ అన్‌లాక్ అవుతుంది. ఈ సేవ మై ఆధార్ సర్వీస్ యాప్‌లో కూడా అందుబాటులో ఉంది. ఒక వ్యక్తి తన VIDని మరచిపోయి, UIDని లాక్ చేయాలనుకుంటే అతనికి ఒక ఎంపిక లభిస్తుంది. అతను 16 అంకెల VIDని పొందడానికి SMS సేవను ఉపయోగించవచ్చు. ఆపై అతను రిజిస్టర్డ్ మొబైల్ నంబర్‌లో VIDని అందుకోవచ్చు. దాని కోసం అతను ఆధార్ రిజిస్టర్డ్ మొబైల్ నంబర్ నుండి 1947కి SMS పంపాలి. RVID స్పేస్ UID చివరి 4 లేదా 8 అంకెలు ఉదా- RVID 1234.