Lunching Soon: ఏకంగా 500 కి.మీ మైలేజీ తో మార్కెట్ లోకి రెండు కార్లు.. ఫీచర్స్ మామూలుగా లేవుగా!

ప్రస్తుతం మార్కెట్లో టాటా కంపెనీ తర్వాత ఎక్కువగా సేల్ అవుతున్న కంపెనీ హ్యుందాయ్ అలాగే మారుతి. ఈ రెండు కంపెనీలకు సంబంధించిన వాహనాలు మార్కెట్ లో ఎక్కువగా సేల్ అవుతుండడంతో ఆయా కంపెనీలు కూడా అందుకు అనుగుణంగానే కొత్త కొత్త ఫీచర్స్ కలిగిన కార్లను మార్కెట్లోకి విడుదల చేస్తూనే ఉన్నాయి. మరి ముఖ్యంగా ఈ మధ్యకాలంలో ఎలక్ట్రిక్ కార్లను ఎక్కువగా విడుదల చేస్తున్నాయి. ఒకదానికొకటి పోటీ పడుతూ వరుసగా కొత్త కొత్త కార్లను విడుదల చేస్తూ వస్తున్నాయి. అందులో భాగంగానే త్వరలోనే ఈ రెండు కంపెనీలు మరో కారుని కూడా విడుదల చేసేందుకు సిద్ధం అయ్యాయి.

ఈ కారును ఎలక్ట్రిక్ వేరియంట్లలోనే అతి తక్కువ ధరలో అందుబాటులోకి రానున్నాయి. ఇకపోతే ఈ కార్లకు సంబంధించి మరిన్ని వివరాల్లోకి వెళితే.. త్వరలోనే ప్రముఖ ఆటో మొబైల్ కంపెనీ మారుతి eVX అనే హ్యాచ్ బ్యాక్ ఎలక్ట్రిక్ కారు ను అందుబాటులోకి తీసుకురాబోతోంది. ఈ కారు మార్కెట్లోకి లాంచ్ అయితే మారుతి సుజుకి విడుదల చేసిన మొట్ట మొదటి ఎలక్ట్రిక్ కారు అవుతుంది. దీనిని కంపెనీ వచ్చే సంవత్సరంలోని మొదటి నెలలో లేదా రెండవ నెలలో అందుబాటులోకి తీసుకువచ్చే అవకాశాలు ఉన్నట్లు తెలుస్తోంది. ఇక ఈ కారు ఫీచర్స్ విషయానికి వస్తే.. ఈ మారుతి సుజుకి eVX కారును ఒక్కసారి చార్జ్ చేస్తే దాదాపు 500 కిలో మీటర్ల వరకు మైలేజీని అందిస్తుంది.

అంతేకాకుండా ఇందులో అద్భుతమైన సెక్యూరిటీ ఫీచర్స్ కూడా అందుబాటులో ఉన్నట్టు తెలుస్తోంది. అయితే మారుతి సుజుకి కంపెనీ ఈ కారుకు సంబంధించిన ధరను ఇంకా అధికారికంగా వెల్లడించలేదు. అలాగే హ్యుందాయ్ కంపెనీ గతంలో విడుదల చేసిన క్రెటా మోడల్ కి మార్కెట్లో మంచి గుర్తింపు లభించింది. ఇది ప్రీమియం ఫీచర్లతో అద్భుతమైన మైలేజీతో అందుబాటులోకి రావడం వల్ల చాలామంది కొనుగోలు చేసేందుకు ఆసక్తి చూపారు. అయితే ఈ మోడల్ ను కంపెనీ మరోసారి ఎలక్ట్రిక్ వేరియంట్ లో అందుబాటులోకి తీసుకు రాబోతోంది. ఇక ఈ క్రెటా కారు కూడా ఎలక్ట్రిక్ వేరియంట్ లో మార్కెట్లోకి లాంచ్ అయితే దాదాపు టాటా కార్లకు సంబంధించిన ఎలక్ట్రిక్ వేరియంట్ లతో పోటీపడే అవకాశాలు ఉన్నట్లు తెలుస్తోంది. ఇక ఈ కారుకు సంబంధించిన ధర వివరాల్లోకి వెళితే దీని ధర రూ. 20 లక్షలకు పైగానే ఉండబోతున్నట్లు తెలుస్తోంది. ఇక మైలేజీ వివరాల్లోకి వెళితే.. మారుతి సుజుకి విడుదల చేసి ఎలక్ట్రిక్ కారుకు సమానంగా ఉంటుందని సమాచారం.