Wrestler Life Ban: కెరీర్ నాశనం చేసుకున్న భారత రెజ్లర్…రిఫరీని కొట్టడంతో జీవిత కాలం నిషేధం..!!

సర్వీసెస్ రెజ్లర్ సతేందర్ మాలిక్ జీవితకాల నిషేధానికి గురయ్యారు. ఈ ఏడాది బర్మింగ్ హోం లో నిర్వహించబోయే కామన్ వెల్త్ గేమ్స్ -2022కోసం ఢిల్లీలో నిర్వహిస్తున్న ట్రయల్స్ లో అతడు మ్యాచ్ రిఫరీ మీద దాడికి పాల్పడ్డాడు. మంగళవారం ఢిల్లీలోని కేడీ జాదవ్ స్టేడియంలో..రెజ్లింగ్ ఫెడరేషన్ ఆఫ్ ఇండియా నిర్వహిస్తున్న ట్రయల్స్ లో సతేందర్…ఎయిర్ ఫోర్స్ రెజ్ మోహిత్ గ్రెవాల్ తో పోటీ పడ్డాడు. 125 కేజీల విభాగంలో పోటీ పడి… మ్యాచ్ మరో 18 సెకండ్లలో ముగుస్తుందనగా సీనియర్ మ్యాచ్ రిఫరీ జగ్బీర్ సింగ్ తో గొడవకు దిగాడు. ఈ గొడవతో అతని కెరీర్ నాశనం అయ్యింది.

ఏం జరిగిందంటే.. మోహిత్ తో జరిగిన మ్యాచ్ లో 3-0తో ముందంజలో ఉన్న సతేందర్ 18 సెకండ్లలో పోటీ ముగుస్తుందన్న సమయంలో గొడవకు దిగాడు. చివరిలో సతేందర్ ను టేక్ డౌన్ మూవ్ ద్వారా మ్యాట్ బయటకు నెట్టాడు మోహిత్. నిబంధనల ప్రకారమైతే మోహిత్ కు దీని ద్వారా 3 పాయింట్లు రావాలంటూ అతడు ఆర్గ్యూ చేశాడు. రిఫరీ వీరేందర్ మాలిక్ మాత్రం ఒకటే పాయింట్ ఇవ్వడంతో..నిరాశకు గురైన మోహిత్.. రిఫరీ నిర్ణయాన్ని సవాల్ చేస్తూ..టీవీ రిప్లై ల ద్వారా దీనిని సీనియర్ రిఫరీ జగ్బీర్ సింగ్ పర్యవేక్షించాడు . వాటిని పరిశీలించాక మోహిత్ కు 3 పాయింట్లు కేటాయించాడు. దీంతో స్కోరు 3-3 గా సమమైంది.

ఈ నిర్ణయంతో సతేందర్ కు కోపం కట్టలుతెచ్చుకుంది. అప్పటిదాకా ఓ పక్కన నిల్చున్న సతేందర్.. జగ్బీర్ సింగ్ తో గొడవకుదిగాడు. అది కాస్తా సీరియస్ గా మారింది. చివరికి అతడు జగ్బీర్ ను కొట్టే స్థాయికి వెళ్లింది. ఈ మ్యాచ్ కు సమాంతరంగా పక్కనే 57 కేజీల ఫైనల్ ఈవెంట్ లో భాగంగా రవిదహియా, అమన్ ల మధ్య జరుగుతున్న మరో పోరులోని బౌట్ లోకి జగ్బీర్ ను తీసుకెళ్లి అతడిపై దాడి చేశాడు. ఎవరూ ఊహించని ఈ ఘటన పై WFI తీవ్రంగా స్పందించింది. సతేందర్ మాలిక్ చేసిన చర్య ఉపేక్షించరానిదని.. అతడిపై జీవిత కాల నిషేధం విధిస్తున్నట్టు ప్రకటించింది. దాడి చేసినందుకు గాను జగ్బీర్.. సతేందర్ పై కేసు నమోదు చేయనున్నాడు.