Team India Schedule: 2024లో టీమిండియా ఫుల్ బిజీ.. పూర్తి షెడ్యూల్ ఇదే..!

Team India Schedule: 2023లో భారత జట్టు (Team India Schedule) అద్భుత ప్రదర్శన చేసింది. మూడు ఫార్మాట్లలో టీమ్ ఇండియా మెరిసింది. అయితే రెండు ఐసీసీ ఫైనల్స్‌లో భారత్ ఓటమిని చవిచూడాల్సి వచ్చింది. అయితే ఓవరాల్‌గా ఈ ఏడాది టీమిండియా విజయ గణాంకాలు అద్భుతంగా ఉన్నాయి. ఇప్పుడు 2024 సంవత్సరం వంతు వచ్చింది. ఇక్కడ భారతదేశం T20 ప్రపంచ కప్ 2024 ఆడాలి. అంతే కాకుండా 2025 WTC ఫైనల్‌కు ముందు టెస్ట్ క్రికెట్‌లో చాలా యాక్షన్ ఉంటుంది. ఏడాది మొత్తంలో భారత్ 16 టెస్టు మ్యాచ్‌లు ఆడాల్సి ఉంది. కేవలం 3 వన్డే మ్యాచ్‌లు మాత్రమే ఆడాల్సి ఉంది.

ఈ ఏడాది టీమిండియా చాలా టెస్టు క్రికెట్ ఆడనుంది. ఇంగ్లండ్‌తో ఐదు మ్యాచ్‌ల టెస్ట్ సిరీస్ జరగనున్న జనవరి నుంచి ఇది ప్రారంభమవుతుంది. దీంతో పాటు ప్రస్తుత దక్షిణాఫ్రికా టూర్‌లో రెండో టెస్టు మ్యాచ్ కూడా కొత్త సంవత్సరంలోనే జనవరి 3 నుంచి జరగనుంది. ఈ రెండు సిరీస్‌లు కాకుండా 2024లో బంగ్లాదేశ్, న్యూజిలాండ్‌లతో భారత క్రికెట్ జట్టు స్వదేశంలో టెస్ట్ సిరీస్‌లు ఆడనుంది. ఆ తర్వాత 2024 చివరిలో ఐదు మ్యాచ్‌ల టెస్టు సిరీస్‌ ఆడేందుకు టీమిండియా ఆస్ట్రేలియా వెళ్లాల్సి ఉంటుంది. దింతో 2024లో భారత్ మొత్తం 16 టెస్టులు ఆడనుంది.

Also Read: IND vs SA: దక్షిణాఫ్రికాలో రోహిత్-విరాట్ రికార్డు ఎలా ఉంది..? ఈ సిరీస్‌లో రాణిస్తారా..?

2024లో టీమిండియా షెడ్యూల్ ఇదే

– జనవరి- దక్షిణాఫ్రికాతో 1 టెస్టు, ఆఫ్ఘనిస్థాన్‌తో 3 టీ20లు (స్వదేశంలో)
– జనవరి నుండి మార్చి – ఇంగ్లండ్‌తో ఐదు టెస్టుల సిరీస్ (స్వదేశం)
– మార్చి నుండి మే వరకు – IPL 2024
– జూన్- T20 ప్రపంచ కప్ 2024 (USA, వెస్టిండీస్)
జూలై – శ్రీలంకతో 3 T20లు, 3 ODIలు (శ్రీలంకలో)
సెప్టెంబరు – బంగ్లాదేశ్‌తో రెండు టెస్టులు, మూడు టీ20లు (స్వదేశం)
అక్టోబర్- 3 న్యూజిలాండ్‌తో టెస్ట్ (స్వదేశం)
నవంబర్-డిసెంబర్ – ఆస్ట్రేలియాతో 5 టెస్టులు (ఆస్ట్రేలియాలో)

We’re now on WhatsApp. Click to Join.

ఇప్పుడు మూడు ఫార్మాట్‌లను విభజిస్తే వచ్చే ఏడాది జరగనున్న టీ20 ప్రపంచకప్‌తో పాటు టీమిండియా దృష్టి మొత్తం టెస్టు క్రికెట్‌పైనే ఉండబోతోంది. 2021, 2023 ప్రపంచ టెస్ట్ ఛాంపియన్‌షిప్‌ల ఫైనల్స్‌లో ఓడిపోయిన టీమ్ ఇండియా, గత రెండు పరాజయాలను మూడోసారి మర్చిపోవాలని చూస్తోంది. మొత్తంమీద భారత జట్టు 16 టెస్టులు, 3 వన్డేలు, 13 టీ20 ఇంటర్నేషనల్ మ్యాచ్‌లు ఆడనుంది.