SriLanka: సూపర్ 12కు శ్రీలంక క్వాలిఫై
టీ ట్వంటీ వరల్డ్ కప్ లో శ్రీలంక సూపర్ 12 స్టేజ్ కు అర్హత సాధించింది. కీలక మ్యాచ్ లో ఆ జట్టు నెదర్లాండ్స్ పై 16 పరుగుల తేడాతో విజయం
- Author : Naresh Kumar
Date : 20-10-2022 - 3:49 IST
Published By : Hashtagu Telugu Desk
టీ ట్వంటీ వరల్డ్ కప్ లో శ్రీలంక సూపర్ 12 స్టేజ్ కు అర్హత సాధించింది. కీలక మ్యాచ్ లో ఆ జట్టు నెదర్లాండ్స్ పై 16 పరుగుల తేడాతో విజయం సాధించింది. మొదట బ్యాటింగ్ కు దిగిన లంక ఆరు వికెట్లు కోల్పోయి 162 పరుగులు చేసింది. ఓపెనర్ కుసల్ మెండిస్ 44 బంతుల్లో 5 సిక్స్ లు, 5 ఫోర్లతో 79 పరుగులతో రాణించాడు. అసలంక 31 , రాజపక్సే 19, నిస్సానక 14 పరుగులు చేశారు. తర్వాత 163 పరుగుల విజయ లక్ష్యంతో బరిలోకి దిగిన నెదర్లాండ్స్ 20 ఓవర్లలో 9 వికెట్లు కోల్పోయి 146 పరుగులే చేయగలిగింది.
ఆరంభంలో దూకుడుగా ఆడినా లంక బౌలర్లు కట్టడి చేశారు. లంక బౌలర్లలో హసరంగ 3 వికెట్లు తీయగా.. మహేష్ తిక్షణ 2 వికెట్లు పడగొట్టాడు. ఫెర్నాండో, కుమార్ ఒక్కో వికెట్ తీశారు. ఈ విజయంతో గ్రూప్ ఏ నుంచీ అగ్రస్థానంలో నిలిచిన లంక సూపర్-12కు క్వాలిఫై కాగా.. నెదర్లాండ్స్ నమీబియాలో ఒక జట్టు ముందంజ వేయనున్నాయి. యూఏఈపై నమీబియా గెలిస్తే గ్రూప్ ఎ నుంచి శ్రీలంక, నమీబియా సూపర్-12కు వెళ్తాయి.
Follow us
