LPL : లంక ప్రీమియర్ లీగ్‌కు నాస్‌డాక్ సంస్థ విరాళం

Lpl T20

Lanka Premier League : శ్రీలంక క్రికెట్‌లో అత్యంత ప్రజాదరణ పొందిన లంక ప్రీమియర్ లీగ్ (LPL) 6వ సీజన్ జూలై 10 నుంచి ప్రారంభం కానున్న తరుణంలో ఈ టోర్నమెంట్‌కు అంతర్జాతీయ స్థాయిలో భారీ ఆర్థిక మద్దతు లభించింది. ఎల్‌పీఎల్ అధికారిక ప్రమోటర్ సంస్థ అయిన ఇన్నోవేటివ్ ప్రొడక్షన్ గ్రూప్ (IPG), అమెరికాకు చెందిన ఫ్లాష్ స్పోర్ట్స్ అండ్ మీడియా ఇంక్ (“Flash”) తో తమ వ్యూహాత్మక ఆల్-స్టాక్ విలీనాన్ని విజయవంతంగా పూర్తి చేసింది. ఈ విలీన ప్రక్రియ ద్వారా ఎల్‌పీఎల్‌తో సహా ఐపీజీ గ్రూప్ పరిధిలోని టీ20 లీగ్‌ల వాణిజ్య, మీడియా హక్కుల పోర్ట్‌ఫోలియో అమెరికా స్టాక్ ఎక్స్ఛేంజ్ నాస్‌డాక్‌లో నమోదైన UGRO (NASDAQ: UGRO) ప్లాట్‌ఫామ్‌లోకి చేరింది. ఈ చారిత్రాత్మక ఒప్పందంలో భాగంగా, రాబోయే రెండేళ్ల కాలంలో లంక ప్రీమియర్ లీగ్‌ను ప్రపంచవ్యాప్తంగా మరింత పెద్దదిగా, సాంకేతికంగా మెరుగ్గా తీర్చిదిద్దేందుకు ఐపీజీ గ్రూప్ సుమారు 20 మిలియన్ డాలర్ల (దాదాపు రూ. 167 కోట్లు) భారీ పెట్టుబడిని పెట్టబోతోంది.

ఈ పరిణామం లంక ప్రీమియర్ లీగ్‌ను మరింత వ్యవస్థీకృతమైన, అంతర్జాతీయ వృద్ధి-ఆధారిత దశకు తీసుకెళ్లనుంది. ఈ టోర్నమెంట్ యొక్క మేధో సంపత్తి హక్కులు (Intellectual Property) ఎప్పటికీ శ్రీలంక క్రికెట్ బోర్డు యాజమాన్యంలోనే ఉన్నప్పటికీ, ఐపీజీ కలిగి ఉన్న ప్రత్యేక వాణిజ్య, మీడియా హక్కులకు ఈ నిధులు కొత్త జవసత్వాలను ఇస్తాయి. ఐపీజీ గ్లోబల్ వ్యవస్థాపకుడు అనిల్ మోహన్, ఫ్లాష్ స్పోర్ట్స్ సీఈఓ బ్రాడ్లీ నాట్రాస్ మరియు సీఎఫ్ఓ ఎరిక్ షెర్బ్ తెలిపిన వివరాల ప్రకారం.. ఈ విలీనం వల్ల లీగ్‌లో పారదర్శకత, కార్పొరేట్ పాలనా ప్రమాణాలు మెరుగుపడటమే కాకుండా ఫ్రాంచైజీల మార్కెట్ విలువ కూడా గణనీయంగా పెరుగుతుంది. కేవలం శ్రీలంకలోనే కాకుండా మలేషియా, జింబాబ్వే వంటి అభివృద్ధి చెందుతున్న క్రికెట్ మార్కెట్లలో కూడా టీ20 లీగ్‌లను విస్తరించడానికి ఐపీజీ గ్రూప్ దీర్ఘకాలిక ప్రత్యేక ఒప్పందాలను కుదుర్చుకుంది. ఇది అంతర్జాతీయంగా పునరావృతమయ్యే స్థిరమైన ఆదాయ మార్గాలను నిర్మించడంలో కీలక పాత్ర పోషించనుంది.

Follow us