Mohammad Shami: టీమిండియా బౌలర్‌ షమీపై భార్య హసిన్ సంచలన ఆరోపణలు.. అరెస్ట్ చేయాలంటూ సుప్రీంకోర్టులో పిటిషన్ దాఖలు

Resizeimagesize (1280 X 720) (1) 11zon

టీమిండియా స్టార్ బౌలర్‌ మొహమ్మద్ షమీ (Mohammad Shami) కష్టాలు మరింత పెరిగే అవకాశం ఉంది. భారత క్రికెట్ జట్టు ఫాస్ట్ బౌలర్ మహమ్మద్ షమీ, అతని భార్య హసిన్ జహాన్ (Hasin Jahan)మధ్య కొనసాగుతున్న వివాదం ఇప్పుడు కొత్త మలుపు తిరిగింది. క్రికెటర్‌ను అరెస్ట్ చేయాలంటూ షమీ భార్య హసిన్ జహాన్ సుప్రీంకోర్టు (Supreme Court)ను ఆశ్రయించింది. షమీపై జారీ చేసిన అరెస్ట్ వారెంట్‌పై సెషన్స్ కోర్టు స్టేను సమర్థించిన కలకత్తా హైకోర్టు ఆదేశాలను హాసిన్ జహాన్ తన పిటిషన్‌లో సవాలు చేసింది.

షమీ భార్య తన లాయర్లు దీపక్ ప్రకాష్, నచికేత్ వాజ్‌పేయి, దివ్యాంగనా మాలిక్ వాజ్‌పేయి ద్వారా ఈ పిటిషన్‌ను దాఖలు చేయడం గమనార్హం. షమీ ఆమెను వరకట్నం డిమాండ్ చేసేవాడని, బీసీసీఐ సంబంధిత పర్యటనల్లో బోర్డు అందించిన గదుల్లో వేశ్యలతో అక్రమ సంబంధాలు పెట్టుకున్నాడని ఆరోపణలు చేసింది. టీమ్ ఇండియా పర్యటనల సందర్భంగా బీసీసీఐ అందించిన హోటల్ గదుల్లో షమీ ఇలా చేశాడని వారు పేర్కొంటున్నారు. ఇప్పటి వరకు ఇలాగే చేస్తున్నారని హసిన్ ఆరోపించింది.

Also Read: Jaydev Unadkat: ఐపీఎల్ నుంచి మరో ఆటగాడు ఔట్.. ఎడమ భుజం గాయం కారణంగా ఉనద్కత్ దూరం

ఈ కేసులో షమీపై 2019 ఆగస్టు 29న అలీపూర్ అదనపు చీఫ్ జ్యుడీషియల్ మేజిస్ట్రేట్ కోర్టు అరెస్ట్ వారెంట్ జారీ చేసిందని పిటిషన్ పేర్కొంది. అయితే, షమీ ఈ నిర్ణయాన్ని సెషన్స్ కోర్టులో సవాలు చేశాడు. ఇది మొత్తం కేసులో అరెస్ట్ వారెంట్, తదుపరి చర్యలపై స్టే విధించింది. దీని తరువాత హసిన్ జహాన్ కలకత్తా హైకోర్టును ఆశ్రయించారు. అయితే అరెస్ట్ వారెంట్‌పై స్టే ఎత్తివేసేందుకు హైకోర్టు నిరాకరించింది.

చట్టం ప్రకారం ఏ సెలబ్రిటీకి ప్రత్యేక హోదా రాకూడదని హసిన్ జహాన్ పిటిషన్‌లో పేర్కొంది. త్వరితగతిన విచారణ జరిపే హక్కుకు ప్రాముఖ్యతనిస్తూ, న్యాయస్థానం ఆదేశాలను చట్టంలో స్పష్టంగా తప్పు అని పిటిషన్‌లో పేర్కొన్నారు. క్రికెటర్ల విషయంలో నాలుగేళ్ల నుంచి ఎలాంటి పురోగతి లేదని అన్నారు. షమీ ప్రస్తుతం IPL 2023లో గుజరాత్ టైటాన్స్ తరపున ఆడుతున్నాడు. అలాగే షమీ వచ్చే నెలలో జరిగే వరల్డ్ టెస్ట్ ఛాంపియన్‌షిప్ ఫైనల్‌ కూడా ఆడనున్నాడు.

Follow us