Koneru Humpy : ప్రధాని మోడీని కలిసిన చెస్ గ్రాండ్ మాస్టర్ కోనేరు హంపి
Koneru Humpy : హంపి.. ప్రధానితో తన క్రీడా ప్రయాణం, విజయాలు, మరియు భవిష్యత్తు ప్రణాళికల గురించి చర్చించారు
- Author : Sudheer
Date : 03-01-2025 - 9:08 IST
Published By : Hashtagu Telugu Desk
ప్రపంచ ర్యాపిడ్, బ్లిట్జ్ చెస్ చాంపియన్షిప్లో విజేతగా నిలిచిన భారత చెస్ గ్రాండ్ మాస్టర్ కోనేరు హంపి (Chess champion Koneru Humpy ) ప్రధాని నరేంద్ర మోదీ(PM Modi)ని కలిశారు. ఈ సందర్భంగా ప్రధానమంత్రి హంపి విజయాన్ని ప్రశంసిస్తూ, ఆమె ప్రతిభకు అభినందనలు తెలిపారు. ఈ సమావేశంలో హంపి.. ప్రధానితో తన క్రీడా ప్రయాణం, విజయాలు, మరియు భవిష్యత్తు ప్రణాళికల గురించి చర్చించారు. భారతదేశ కీర్తిని అంతర్జాతీయ స్థాయిలో నిలబెట్టినందుకు ఈ సందర్బంగా ప్రధాని మోదీ ఆమెను ప్రత్యేకంగా అభినందించారు. తన విజయానికి క్రీడా కుటుంబం, కోచ్లు, మరియు కుటుంబ సభ్యుల సహకారం ప్రధాన కారణమని హంపి పేర్కొన్నారు. ఈ భేటీకి సంబంధించిన ఫోటోలను కోనేరు హంపి సోషల్ మీడియాలో పోస్ట్ చేయగా అవి విపరీతంగా వైరలయ్యాయి. చెస్ ప్రియులు, క్రీడాభిమానులు ఆమెకు శుభాకాంక్షలు తెలియజేస్తున్నారు.
Duddilla Sridhar Babu : బ్యాడ్మింటన్ అసోసియేషన్ ఆఫ్ తెలంగాణ అధ్యక్షుడిగా మంత్రి శ్రీధర్ బాబు
2024 ఫీడే మహిళల వరల్డ్ ర్యాపిడ్ చెస్ ఛాంపియన్షిప్ విజయం నేపథ్యంలో ప్రధాని మోదీ హంపిని అభినందించారు. డిసెంబర్ 29న న్యూయార్క్లో జరిగిన ఈ ఛాంపియన్షిప్లో హంపి రెండవ వరల్డ్ ర్యాపిడ్ టైటిల్ను సాధించారు. మొదటి రోజున ఓటమితో ప్రారంభించిన ఆమె, మూడవ రోజున 11 రౌండ్లలో 8.5 పాయింట్లతో అగ్రస్థానంలో నిలిచారు. తుదిరౌండ్లో ఆమె ఇరిన్ సుకండర్పై కీలక విజయం సాధించి టైటిల్ను దక్కించుకున్నారు.
ఈ విజయంపై ప్రధాన మంత్రి ట్విట్టర్ ద్వారా హర్షం వ్యక్తం చేశారు. “@humpy_koneru గారికి 2024 ఫీడే మహిళల వరల్డ్ ర్యాపిడ్ ఛాంపియన్షిప్ విజయం సాధించినందుకు హృదయపూర్వక అభినందనలు! మీ పట్టుదల, ప్రతిభ కోట్లాది మందికి ప్రేరణగా నిలుస్తుంది. ఇది ఆమె రెండవ వరల్డ్ ర్యాపిడ్ టైటిల్ కావడం మరింత ప్రత్యేకం,” అని మోదీ తెలిపారు.
JC Vs Madhavi Latha : వయసైపోయిన మనిషి అంటూ జేసీ పై మాధవీలత ఫైర్
ఈ విజయంతో హంపి రెండుసార్లు మహిళల వరల్డ్ ర్యాపిడ్ టైటిల్ గెలుచుకున్న చరిత్రలో రెండవ క్రీడాకారిణిగా నిలిచారు. 2019లో మాస్కోలో తొలిసారి ఈ టైటిల్ గెలిచిన ఆమె, 2024లో రెండవ టైటిల్ సాధించి చెస్ ప్రపంచంలో తన స్థిరత్వాన్ని చాటుకున్నారు. 2023లో సమర్కండ్లో జరిగిన ఛాంపియన్షిప్లో రజత పతకాన్ని గెలిచిన హంపి, ఇప్పుడు మరొక ఘనతను తన ఖాతాలో చేర్చుకున్నారు. 2022లో మహిళల వరల్డ్ బ్లిట్జ్ చెస్ ఛాంపియన్షిప్లో రజత పతకాన్ని సాధించడంతో పాటు, 2024 మహిళల కాండిడేట్స్ టోర్నమెంట్లో రెండో స్థానంలో నిలిచారు. హంపి విజయాలు భారత చెస్ క్రీడకు గర్వకారణంగా నిలుస్తున్నాయని చెప్పొచ్చు.
Follow us
