CSK vs SRH: చెపాక్ లో హైదరాబాద్ ని చిత్తుగా ఓడించిన చెన్నై
చెపాక్ వేదికగా జరిగిన మ్యాచ్ లో చెన్నై సూపర్ కింగ్స్ చేతిలో సన్ రైజర్స్ హైదరాబాద్ చిత్తుగా ఓడింది. 78 పరుగుల తేడాతో రుతురాజ్ సేన పాట్ కమిన్స్ నేతృత్వంలోని హైదరాబాద్ ను మట్టికరిపించింది. ఈ మ్యాచ్ లో చెన్నై 200 స్కోర్ చేయడం ద్వారా టీ20 క్రికెట్లో చెన్నై 35వ సారి 200 ప్లస్ స్కోర్ చేసింది.
- By Praveen Aluthuru Published Date - 12:18 AM, Mon - 29 April 24
CSK vs SRH: చెపాక్ వేదికగా జరిగిన మ్యాచ్ లో చెన్నై సూపర్ కింగ్స్ చేతిలో సన్ రైజర్స్ హైదరాబాద్ చిత్తుగా ఓడింది. 78 పరుగుల తేడాతో రుతురాజ్ సేన పాట్ కమిన్స్ నేతృత్వంలోని హైదరాబాద్ ను మట్టికరిపించింది. ఈ మ్యాచ్ లో చెన్నై 200 స్కోర్ చేయడం ద్వారా టీ20 క్రికెట్లో చెన్నై 35వ సారి 200 ప్లస్ స్కోర్ చేసింది. అంతకుముందు సోమర్ సెట్ 34 సార్లు 200 ప్లస్ స్కోర్ చేసింది.
తొలుత బ్యాటింగ్ చేసిన చెన్నై సూపర్ కింగ్స్ 20 ఓవర్లలో 212 పరుగులు చేసింది. కెప్టెన్ రుతురాజ్ గైక్వాడ్ 98 పరుగులతో ఇన్నింగ్స్ ఆడగా, డారిల్ మిచెల్ 52 పరుగులు చేశాడు. రహానే 9 పరుగుల వద్ద ఔటయ్యాడు. రితురాజ్ గైక్వాడ్ డారిల్ మిచెల్తో కలిసి సెంచరీ భాగస్వామ్యాన్ని నెలకొల్పి జట్టుపై పట్టు సాధించాడు.అయితే జాగ్రత్తగా ఆడుతున్న డారిల్ మిచెల్ 52 పరుగులు చేసి పెవిలియన్ చేరాడు. కెప్టెన్ రుతురాజ్ గైక్వాడ్ 98 పరుగులతో కెప్టెన్సీ ఇన్నింగ్స్ ఆడాడు. శివమ్ దూబే 20 బంతుల్లో 39 పరుగులతో అజేయంగా నిలిచాడు. ఎంఎస్ ధోనీ అజేయంగా ఐదు పరుగులు చేశాడు.
We’re now on WhatsApp. Click to Join
213 పరుగుల లక్ష్య ఛేదనలో సన్ రైజర్స్ హైదరాబాద్ వరుస వికెట్లను సమర్పించుకుంది. ట్రావిస్ హెడ్ 13, అభిషేక్ శర్మ 15, నితీష్ కుమార్ రెడ్డి 15 పరుగులతో దారుణంగా విఫలమయ్యారు. ఫలితంగా 8 ఓవర్ల సమయానికి సన్ రైజర్స్ 4 వికెట్లు కోల్పోయి 70 పరుగులు చేసింది. హెన్రిచ్ క్లాసేన్ 20 పరుగులతో సరిపెట్టాడు. 32 పరుగుల వద్ద మార్కరం అవుట్ అయ్యాడు. చివర్లో వచ్చిన అబ్దుల్ సమద్ 19 పరుగులతో రాణించాడు. మిగతా బ్యాటర్లు స్వల్ప స్కోరుకే పెవిలియన్ చేరడంతో 18.05 ఓవర్ల నాటికి 10 వికెట్లు కోల్పోయి 134 పరుగులకే ఆలౌట్ అయింది.
చెన్నై సూపర్ కింగ్స్ జట్టు: అజింక్యా రహానే, రుతురాజ్ గైక్వాడ్ , డారిల్ మిచెల్, మొయిన్ అలీ, శివమ్ దూబే, రవీంద్ర జడేజా, మహేంద్ర సింగ్ ధోనీ , దీపక్ చాహర్, తుషార్ దేశ్పాండే, ముస్తాఫిజుర్ రెహమాన్, మతీషా పతిరానా.
ఇంపాక్ట్ సబ్-సమీర్ రిజ్వీ, శార్దూల్ ఠాకూర్, షేక్ రషీద్, రచిన్ రవీంద్ర, మిచెల్ సాంట్నర్.
సన్రైజర్స్ హైదరాబాద్ జట్టు: అభిషేక్ శర్మ, ట్రావిస్ హెడ్, ఐడెన్ మార్క్రామ్, హెన్రిచ్ క్లాసెన్ , నితీష్ రెడ్డి, అబ్దుల్ సమద్, షాబాజ్ అహ్మద్, పాట్ కమిన్స్, భువనేశ్వర్ కుమార్, జయదేవ్ ఉనద్కత్, నటరాజన్.
ఇంపాక్ట్ సబ్- ఉమ్రాన్ మాలిక్, మయాంక్ మార్కండే, అన్మోల్ప్రీత్ సింగ్, గ్లెన్ ఫిలిప్స్, వాషింగ్టన్ సుందర్.
Also Read: Kejriwal Wife: సీఎం కేజ్రీవాల్ ని కలిసేందుకు భార్యకు అనుమతి రద్దు
Related News
IPL 2024 Playoffs Race: ప్లేఆఫ్ రేసు: 6 జట్ల మధ్య రసవత్తర పోరు
ప్లే ఆఫ్స్లో మిగిలిన 3 స్థానాల కోసం 6 జట్ల మధ్య పోరు సాగుతోంది. ఆ జట్లలో రాజస్థాన్ రాయల్స్, చెన్నై సూపర్ కింగ్స్, సన్రైజర్స్ హైదరాబాద్, రాయల్ ఛాలెంజర్స్ బెంగళూరు, ఢిల్లీ క్యాపిటల్స్ మరియు లక్నో సూపర్ జెయింట్స్ ఉన్నాయి. గుజరాత్, కేకేఆర్ మ్యాచ్ రద్దు చేయడం వల్ల 7 జట్లు ప్రయోజనం పొందాయి. కేకేఆర్కే తొలి ప్రయోజనం దక్కింది