ICC Test Rankings: ఐసీసీ టెస్టు ర్యాంకింగ్స్ విడుదల.. టీమిండియాకు బిగ్ షాక్..!
కేప్ టౌన్ వేదికగా దక్షిణాఫ్రికాతో జరిగిన చారిత్రాత్మక టెస్టులో విజయం సాధించిన భారత జట్టు ఐసీసీ ర్యాంకింగ్స్ (ICC Test Rankings)లో అగ్రస్థానంలో నిలవలేకపోయింది.
- Author : Gopichand
Date : 05-01-2024 - 6:15 IST
Published By : Hashtagu Telugu Desk
ICC Test Rankings: కేప్ టౌన్ వేదికగా దక్షిణాఫ్రికాతో జరిగిన చారిత్రాత్మక టెస్టులో విజయం సాధించిన భారత జట్టు ఐసీసీ ర్యాంకింగ్స్ (ICC Test Rankings)లో అగ్రస్థానంలో నిలవలేకపోయింది. కేప్టౌన్లో జరిగిన మ్యాచ్లో దక్షిణాఫ్రికాపై భారత జట్టు 7 వికెట్ల తేడాతో విజయం సాధించి చరిత్రాత్మక విజయాన్ని నమోదు చేసింది. కేప్టౌన్లో జరిగిన టెస్టు మ్యాచ్లో టీమిండియా తొలిసారి విజయం సాధించింది. అయితే ఈ అద్భుత, చారిత్రాత్మక విజయం తర్వాత కూడా టీమ్ ఇండియా ఐసీసీ ర్యాంకింగ్స్లో నంబర్వన్గా నిలవలేకపోయింది. వరుసగా రెండు టెస్టుల్లో పాకిస్థాన్ను ఓడించిన ఆస్ట్రేలియా నంబర్వన్ కిరీటాన్ని కైవసం చేసుకుంది.
దక్షిణాఫ్రికాతో జరుగుతున్న రెండు మ్యాచ్ల టెస్టు సిరీస్లో తొలి మ్యాచ్లో ఓడి రెండో మ్యాచ్లో నెగ్గిన భారత జట్టు ఐసీసీ ర్యాంకింగ్స్లో 117 రేటింగ్తో 3746 పాయింట్లతో రెండో స్థానంలో ఉంది. ఆస్ట్రేలియా 118 రేటింగ్తో 3534 పాయింట్లతో అగ్రస్థానంలో ఉంది. ర్యాంకింగ్లో ముందుకు సాగుతున్న ఇంగ్లండ్ జట్టు 115 రేటింగ్తో, 4941 పాయింట్లతో మూడో స్థానంలో ఉంది. దక్షిణాఫ్రికా జట్టు ర్యాంకింగ్లో 106 రేటింగ్తో 2536 పాయింట్లతో నాలుగో స్థానంలో ఉంది. న్యూజిలాండ్ 95 రేటింగ్, 2471 పాయింట్లతో ఐదో స్థానంలో ఉంది.
Also Read: T20 World Cup 2024: టీ20 ప్రపంచకప్.. జూన్ 9న న్యూయార్క్లో భారత్-పాక్ మధ్య మ్యాచ్..?
టెస్టు ర్యాంకింగ్స్లో పాకిస్థాన్ పరిస్థితి మరీ దారుణంగా ఉంది. పాక్ జట్టు 92 రేటింగ్తో 2304 పాయింట్లతో ఆరో స్థానంలో ఉంది. తొలి రెండు టెస్టుల్లో ఓడిపోయిన పాకిస్థాన్ ప్రస్తుతం ఆస్ట్రేలియా పర్యటనలో ఉంది. వరుసగా రెండు టెస్టుల్లో ఓడిపోవడంతో పాకిస్థాన్ ర్యాంకింగ్స్లో చాలా నష్టపోయింది. కేప్ టౌన్ వేదికగా జరిగిన రెండో టెస్టులో భారత జట్టు ఏకపక్షంగా 7 వికెట్ల తేడాతో దక్షిణాఫ్రికాపై విజయం సాధించింది. ఈ మ్యాచ్లో తొలుత బ్యాటింగ్కు దిగిన టీమిండియా దక్షిణాఫ్రికాను 55 పరుగులకు ఆలౌట్ చేసి తొలి ఇన్నింగ్స్లో 153 పరుగులకు ఆలౌటైంది. దీని తర్వాత దక్షిణాఫ్రికా రెండో ఇన్నింగ్స్లో బోర్డుపై 176 పరుగులు ఉంచి, భారత్కు 79 పరుగుల లక్ష్యాన్ని నిర్దేశించింది. దీనిని టీమిండియా 12 ఓవర్లలో 3 వికెట్ల నష్టానికి సాధించి గెలిచింది.
We’re now on WhatsApp. Click to Join.
Follow us
