Paytm License: పేటీఎంకు మరో బిగ్ షాక్ తగలనుందా..?
రెగ్యులేటరీ చర్య తర్వాత నేడు కష్టాల్లో ఉన్న పేటీఎం (Paytm License) కంపెనీ షేర్లలో 10 శాతం పెరుగుదల కనిపించింది.
- Author : Gopichand
Date : 07-02-2024 - 1:03 IST
Published By : Hashtagu Telugu Desk
Paytm License: రెగ్యులేటరీ చర్య తర్వాత నేడు కష్టాల్లో ఉన్న పేటీఎం (Paytm License) కంపెనీ షేర్లలో 10 శాతం పెరుగుదల కనిపించింది. ఈరోజు ఉదయం మార్కెట్లో వ్యాపారం ప్రారంభించిన కొద్దిసేపటికే Paytm మాతృ సంస్థ వన్ 97 కమ్యూనికేషన్స్ లిమిటెడ్ షేర్లలో రూ.496.75 ధర కనిపించింది. పేటీఎం షేర్లు ఈరోజు ఒక్కో షేరుకు రూ.45.15 లాభంతో 496.75 గరిష్ట స్థాయిని తాకాయి. ఈ షేర్ ఉదయం 10.30 గంటలకు రూ.491.30 వద్ద ట్రేడవుతోంది.
Paytm పేమెంట్స్ బ్యాంక్ లైసెన్స్ను రద్దు చేయడాన్ని RBI పరిశీలిస్తుందా?
ఓ నివేదిక ప్రకారం.. ప్రస్తుతం సంక్షోభంలో ఉన్న పేటీఎం పేమెంట్స్ బ్యాంక్ లైసెన్స్ను రద్దు చేయడాన్ని రిజర్వ్ బ్యాంక్ ఆఫ్ ఇండియా కూడా పరిశీలిస్తోంది. వ్యాపారాన్ని మూసివేయడానికి, లావాదేవీలను సెటిల్ చేయడానికి Paytm పేమెంట్స్ బ్యాంక్కి RBI మార్చి 15, 2024 వరకు గడువు ఇచ్చింది. ఆ తర్వాత ఈ చర్య తీసుకోవచ్చు. ఈ సమయంలో ఆర్బిఐ ఉద్దేశం ఇదేనని వర్గాలు పేర్కొన్నాయి. ఈ వార్త పూర్తిగా నిజమైతే ఆర్థిక సమస్యల్లో కూరుకుపోయిన పేటీఎంకు కష్టాలు పెరిగే సూచనలు కనిపిస్తున్నాయి. రాబోయే కొద్ది రోజుల్లో దేశ సెంట్రల్ బ్యాంక్ ఈ చర్యకు సంబంధించి నిర్ణయం తీసుకోవచ్చని కూడా మూలం చెబుతోంది.
Also Read: Kumari Aunty : స్టార్ మా స్పెషల్ ఈవెంట్ కు ‘కుమారి ఆంటీ ‘ స్పెషల్ గెస్ట్..
Paytm పేమెంట్స్ బ్యాంక్ కు మార్చి 15 వరకు సమయం
పైప్లైన్లోని అన్ని లావాదేవీలు, నోడల్ ఖాతాలను మార్చి 15 లోగా పరిష్కరించాలని RBI.. Paytm పేమెంట్స్ బ్యాంక్ని కోరింది. ఈ తేదీ తర్వాత ఎటువంటి లావాదేవీలు చేయకూడదని ఆదేశించింది. మూలాల ప్రకారం.. Paytm పేమెంట్స్ బ్యాంక్ బోర్డును తొలగించే ఎంపికను కూడా రిజర్వ్ బ్యాంక్ పరిశీలిస్తోంది.
We’re now on WhatsApp : Click to Join
Paytm CEO ఆర్థిక మంత్రిని కలిసినట్లు వార్తలు
Paytm ప్రమోటర్ విజయ్ శేఖర్ శర్మ ఫిబ్రవరి 6న ఆర్థిక మంత్రి నిర్మలా సీతారామన్ను కలిశారని సమాచారం. ఈ వార్త ధృవీకరించబడలేదు. గతంలో పేటీఎం ఉన్నతాధికారులు కూడా ఆర్బీఐ అధికారులతో చర్చించారు. పేటీఎం పేమెంట్స్ బ్యాంక్పై ఆర్బీఐ ఆంక్షలు విధించడంతో వాటి నుంచి బయటపడేందుకు కంపెనీ మార్గాలను అన్వేషిస్తోంది. ఈ క్రమంలోనే సంస్థ సీఈవో విజయ్ శేఖర్ శర్మ.. కేంద్ర ఆర్థిక మంత్రి నిర్మలా సీతారామన్తో సమావేశమైనట్లు విశ్వసనీయ వర్గాలు వెల్లడించాయి. అయితే, ఈ వ్యవహారంలో కేంద్రం జోక్యం చేసుకునేది లేదని, ఆర్బీఐతోనే సమస్యను పరిష్కరించుకోవాలని నిర్మలమ్మ సూచించినట్లు సమాచారం.
Follow us
