Twitter Verified: 4,20,000 మందిని అన్ ఫాలో చేసిన ట్విట్టర్ వెరిఫైడ్..!

ఎలాన్ మస్క్ ట్విట్టర్‌ (Twitter)ని తన చేతుల్లోకి తీసుకున్నప్పటి నుండి అతను కంపెనీలో మార్పులు చేయడం ప్రారంభించాడు. ట్విట్టర్‌లో మస్క్ ప్రపంచం మొత్తం దృష్టిని ఆకర్షించే పని చేస్తూనే ఉన్నాడు. కొద్ది రోజుల క్రితం పక్షి లోగో స్థానంలో కుక్క లోగోని పెట్టారు. ఇప్పుడు Twitter వెరిఫైడ్ చేసిన అన్ని వెరిఫైడ్ ఖాతాలను అన్‌ఫాలో చేసింది. ఇప్పుడు Twitter వెరిఫైడ్ ఎవరినీ అనుసరించడం లేదు.

Twitter గతంలో దాదాపు 4,20,000 ధృవీకరించబడిన ఖాతాలను అనుసరించింది. అదే సమయంలో, ట్విట్టర్ బ్లూ పాలసీని తీసుకువచ్చిన తర్వాత ఏప్రిల్ 1 నుండి అన్ని ధృవీకరించబడిన ఖాతాలను మూసివేయాలని, ఆ వ్యక్తులకు చెక్‌మార్క్ (బ్లూ టిక్) కూడా తీసివేయాలని కంపెనీ హెచ్చరించింది. ట్విట్టర్ బ్లూ మెంబర్‌షిప్ లేని వారి ఖాతా నుంచి బ్లూ టిక్‌ను తొలగిస్తామని ఎలాన్ మస్క్ స్పష్టం చేశారు. అయితే ఇప్పుడు ట్విటర్‌ అందరినీ అన్‌ఫాలో చేయడంతో ట్విట్టర్ వెరిఫైడ్‌ని ఫాలో అవుతున్నారా లేదా అనే విషయంపై స్పష్టత లేదు.

Also Read: WhatsApp: వాట్సాప్ లో మరో సరికొత్త ఫీచర్.. ఇకపై వాట్సాప్ లో అవి కనిపించవు?

సబ్‌స్క్రిప్షన్‌పై అనేక అదనపు ప్రయోజనాలు

ఇప్పటి వరకు ఒక సెలబ్రిటీ, ప్రభుత్వ సంస్థ లేదా ప్రసిద్ధ ముఖం మాత్రమే బ్లూ టిక్ పొందే వారని తెలిసిందే. అయితే ఇప్పుడు మస్క్ సబ్‌స్క్రిప్షన్ ప్లాన్ కింద ప్రతి నెలా చెల్లించి ఎవరైనా బ్లూ టిక్ తీసుకోవచ్చు. దీనితో పాటు బ్లూ టిక్ వినియోగదారులకు ట్వీట్ అక్షర పరిమితి పెరగడం వంటి కొన్ని అదనపు సౌకర్యాలు కూడా లభిస్తాయి. దీనితో పాటు ట్వీట్‌లో ఎడిట్ లేదా అన్‌డూ ఆప్షన్‌లు కూడా అందుబాటులో ఉంటాయి.