Balkampet : నేడు బ‌ల్కంపేట ఎల్ల‌మ్మ క‌ళ్యాణం… ఆల‌యం మార్గంలో ట్రాఫిక్ ఆంక్ష‌లు

Balkampet Yellamma

హైదరాబాద్: నేడు అంగ‌రంగ వైభ‌వంగా బల్కంపేట ఎల్లమ్మ కల్యాణమ‌హోత్స‌వం జ‌ర‌గ‌నుంది. క‌ళ్యాణం సందర్భంగా బల్కంపేట ఎల్లమ్మ దేవస్థానం వద్ద ఈ రోజు(సోమ‌వారం) నుంచి బుధవారం వరకు ట్రాఫిక్ ఆంక్షలు ఉంటాయని హైదరాబాద్ ట్రాఫిక్ పోలీసులు తెలిపారు. గ్రీన్‌ల్యాండ్స్, మాతా టెంపుల్, సత్యం థియేటర్ నుండి ఫతే నగర్ వైపు వెళ్లే ట్రాఫిక్‌ను SR నగర్ T జంక్షన్ వద్ద .. SR నగర్ కమ్యూనిటీ హాల్ – అభిలాషా టవర్స్ – BK గూడ క్రాస్ రోడ్ – శ్రీరామ్ నగర్ క్రాస్‌రోడ్స్ – సనత్ నగర్ / ఫతే నగర్ రోడ్డు వైపు మళ్లిస్తారు. అదేవిధంగా ఫతే నగర్ ఫ్లైఓవర్ నుండి బల్కంపేట వైపు వెళ్లే వాహనాలను అనుమతించరు. కొత్త వంతెన వద్ద కట్టమైసమ్మ దేవాలయం-బేగంపేట వైపు మళ్లిస్తారు. గ్రీన్‌ల్యాండ్స్ – బకుల్ అపార్ట్‌మెంట్‌లు – ఫుడ్ వరల్డ్ నుండి వచ్చే ట్రాఫిక్ బల్కంపేట్ వైపు అనుమతించబడదు. ఫుడ్ వరల్డ్ క్రాస్‌రోడ్‌లో సోనాబాయి టెంపుల్ – సత్యం థియేటర్ – మైత్రీవనం / SR నగర్ T జంక్షన్ వైపు మళ్లించ‌నున్నారు. బేగంపేట, కట్టమైసమ్మ దేవాలయం నుంచి బల్కంపేట్ వైపు వచ్చే వాహనదారులను అనుమతించబోమని, గ్రీన్‌ల్యాండ్స్ – మాతా టెంపుల్ – సత్యం థియేటర్ – ఎస్‌ఆర్ నగర్ టి జంక్షన్ ఎడమ మలుపులో ఎస్‌ఆర్ నగర్ కమ్యూనిటీ హాల్ వైపు మళ్లించ‌నున్న‌ట్లు ట్రాఫిక్ పోలీసులు తెలిపారు. SR నగర్ ‘T’ జంక్షన్ నుండి ఫతే నగర్ వరకు అన్ని ఉప-లేన్లు మరియు లింక్ రోడ్లు మూసివేయ‌నున్నారు.

Follow us