Thumsup: థమ్స్ అప్ లోడ్ లారీ బోల్తా.. బాటిల్స్ మొత్తం ఖాళీ!

Thumsup

అసలే వేసవి కాలం. ఆపై థండర్ అయ్యే థమ్స్ అప్ బాటిల్స్ ఉన్న కేసులు కళ్లకెదురుగా ఉన్నాయి. ఇక జనం ఆగుతారా! లారీ లోడును కాస్తా కాసేపటిలోనే ఎత్తుకెళ్లిపోయారు. దెబ్బకు లారీ మొత్తం ఖాళీ అయిపోయింది. కాకపోతే ఇదేదో పోటీలో జరిగింది కాదు. డీటైల్స్ ఓసారి చెక్ చేస్తే.. రంగారెడ్డి జిల్లా అబ్దుల్లాపూర్ మెట్ మండలం తారామతిపేట్ సమీపంలో ఉంది ఓఆర్ఆర్. అక్కడ ఘటకేసర్ మార్గంలో ఓ లారీ ప్రమాదానికి గురైంది. ఆ లారీ థమ్స్ అప్ బాటిల్స్ లోడ్ తో వెళుతోంది. థమ్స్ అప్ బాటిల్స్ లోడ్ ని తీసుకుని వెళుతున్న ఈ లారీ టైర్ పేలడంతో.. ఒక్కసారిగా అది అదుపు తప్పింది. దీంతో రింగ్ రోడ్డులోని డివైడర్ ఢీకొట్టింది.

బోల్తాపడింది. దీంతో లారీలోని థమ్స్ అప్ కూల్ డ్రింక్స్ బాటిల్స్ అన్నీ ఒక్కసారిగా పడిపోయాయి. రోడ్డుకు ఇరువైపులా పడ్డాయి. ఈ ప్రమాదంలో లారీ డ్రైవర్ తోపాటు క్లీనర్ కు స్వల్పంగా గాయాలయ్యాయి. అయినా వారిని ఎవరూ పట్టించుకోలేదు. నిజానికి ప్రమాదం జరిగిన సమయంలో ఈ ప్రాంతం మీదుగా కొన్ని వాహనాలు వెళుతున్నాయి. అటుగా వెళ్తున్న వాహనదారులు.. వెంటనే తమ వాహనాలను అక్కడే ఆపేశారు. దీంతో అప్పటికే గాయపడిన డ్రైవర్, క్లీనర్ లు.. తమను కాపాడడానికే వాళ్లు ముందుకొస్తున్నారని ఆశపడ్డారు. వెంటనే ట్రీట్ మెంట్ అందుతుందని ఊహించారు. కానీ వాళ్ల అంచనాలను పూర్తిగా తలకిందులు చేశారు ఆ వాహనదారులు. తమ బండ్లను అక్కడే పక్కకు పార్క్ చేసిన వాహనదారులు.. లారీ డ్రైవర్, క్లీనర్ లు గాయాలతో బాధపడుతున్నా సరే లెక్కచేయలేదు. పైగా అక్కడ చెల్లాచెదురుగా పడిఉన్న థమ్స్ బాటిల్స్ ను ఎత్తుకెళ్లడానికి ఎగబడ్డారు. అందినకాడికి పట్టుకెళ్లిపోయారు. దీంతో కాసేపటికే లారీ లోడు మొత్తం ఖాళీ అయిపోయింది. ఆ తరువాత అక్కడికి చేరుకున్న పోలీసులు విషయం తెలుసుకుని షాకయ్యారు.

Follow us