Green Fund: హరితహరం కోసం ‘హరితనిధి’.. వేతనాల్లో కోత!
రాష్ట్రంలో హరిత ఉద్యమానికి నిధులు సమకూర్చేందుకు రూపొందించిన మొట్టమొదటి హరిత నిధి తెలంగాణ గ్రీన్ ఫండ్ కోసం రాష్ట్ర ప్రభుత్వం ఈ ఏడాది ఏప్రిల్ నుండి ప్రజా ప్రతినిధుల జీతాలు, గౌరవ వేతనం మరియు వేతనాల నుండి వన్ టైం వార్షిక కంట్రిబ్యూషన్ తీసివేయడం ప్రారంభించనుందని అధికారులు తెలిపారు.
- By Hashtag U Published Date - 11:09 AM, Sat - 19 February 22
రాష్ట్రంలో హరిత ఉద్యమానికి నిధులు సమకూర్చేందుకు రూపొందించిన మొట్టమొదటి హరిత నిధి తెలంగాణ గ్రీన్ ఫండ్ కోసం రాష్ట్ర ప్రభుత్వం ఈ ఏడాది ఏప్రిల్ నుండి ప్రజా ప్రతినిధుల జీతాలు, గౌరవ వేతనం మరియు వేతనాల నుండి వన్ టైం వార్షిక కంట్రిబ్యూషన్ తీసివేయడం ప్రారంభించనుందని అధికారులు తెలిపారు. వన్-టైమ్ కంట్రిబ్యూషన్ ప్రతి సంవత్సరం ఏప్రిల్లో తీసుకోని మే లో చెల్లిస్తారు.
తెలంగాణకు హరితహారం కార్యక్రమాన్ని రాష్ట్రంలో సమర్థవంతంగా అమలు చేసేందుకు గత అక్టోబర్లో రాష్ట్ర అసెంబ్లీలో ముఖ్యమంత్రి కెసిఆర్ టీజీఎఫ్ను ఏర్పాటు చేస్తున్నట్లు ప్రకటించారు. పర్యావరణ పరిరక్షణ, మొక్కలు నాటే బాధ్యతను ప్రజలు తీసుకోవాలని ఆయన కోరారు. దీనిలో భాగంగానే ప్రతి సంవత్సరం ఏప్రిల్లో తెలంగాణలోని రాష్ట్ర ప్రభుత్వం, ఆల్ ఇండియా సర్వీస్ ఆఫీసర్లు, కార్పొరేషన్లు, సొసైటీలు, గ్రాంట్-ఇన్-ఎయిడ్ మరియు ఇతర సంస్థలు, విశ్వవిద్యాలయాలు మరియు పాఠశాలలతో సహా రాష్ట్ర ప్రభుత్వ సంస్థలకు చెందిన అన్ని వర్గాల ఉద్యోగుల జీతాల నుండి గ్రీన్ ఫండ్ సహకారం అందివ్వనున్నారు.
హరితనిధికి విరాళాల ఉత్తర్వులు జారీ చేసినదాని ప్రకారం ఎంపీలు, ఎమ్మెల్సీలు, ఎమ్మెల్యేలు, మేయర్లు ఏడాదికి 6000రూపాయలు, జెడ్పీ ఛైర్ పర్సన్లు, కార్పోరేషన్ల ఛైర్మన్లు ఏడాదికి 1200 రూపాయలు, ఎంపీపీలు, జెడ్పీటీసీలు ఏడాదికి 600 రూపాయలు, ఎంపీటీసీలు, మున్సిపల్ కౌన్సిలర్లు 120రూపాయల విరాళం అందివ్వనున్నారు.
ఇంజనీరింగ్ కాంట్రాక్టుల నుంచి 0.01శాతం, నియోజకవర్గ అభివృద్ధి నిధుల నుంచి 10శాతం, స్టాంపులు – రిజిస్ట్రేషన్ల శాఖ ఒక్కో రిజిస్ట్రేషన్ కు 50 రూపాయలు, వాణిజ్య సముదాయాల ఒక్కో అనుమతికి వెయ్యి రూపాయలు, బార్లు, మద్యం దుకాణాల ఒక్కో అనుమతికి వెయ్యి రూపాయలు విరాళం సేకరించనున్నారు.
తెలంగాణ గ్రీన్ ఫండ్ కోసం విద్యార్థుల నుండి కూడా విరాళాలు సేకరించనున్నారు. పదోతరగతి వరకు విద్యార్థులు పది రూపాయల విరాళం, ఇంటర్ విద్యార్థుల విరాళం 15 రూపాయలు, డిగ్రీ విద్యార్థుల విరాళం 25 రూపాయలు, ప్రొఫెషనల్ కోర్సుల విద్యార్థుల విరాళం 100 రూపాయలు అందివ్వనున్నారు.
Tags
Related News
Summer Holidays : తెలంగాణ విద్యార్థులకు వేసవి సెలవులు ప్రకటించిన ప్రభుత్వం
Summer Holidays: తెలంగాణ(Telangana)లో ఎండలు భగ్గుమంటున్నాయి. దీంతో ఉక్కపోత కూడా ఎక్కువైంది. ఈ నేపథ్యంలోనే తెలంగాణ ప్రభుత్వం(Telangana Govt) విద్యార్థులకు వేసవి సెలవుల(Summer Holidays)ను ప్రకటించింది. రేపటి నుంచి అంటే ఏప్రిల్ 24 నుంచి వేసవి సెలవులు ప్రారంభం కానున్నాయి. దీంతో.. వేసవి సెలవులను హాయిగా ఎంజాయ్ చేసేందుకు విద్యార్థులు సిద్ధమవుతున్నారు. పెరుగుతున్న ఉష్ణోగ్రతల నేపథ్యంలో తెలుగు రాష్ట్రాల్లో హాఫ్ డ