Sikkim Floods: సిక్కింలో కుండపోత వర్షాలు.. వరదల కారణంగా కొట్టుకుపోయిన వంతెన

Sikkim Floods: సిక్కింలో కుండపోత వర్షాలు (Sikkim Floods) విధ్వంసం సృష్టించాయి. అనేక రహదారులు, ఆస్తులను ప్రభావితం చేశాయి. ఇప్పటి వరకు పశ్చిమ సిక్కిం జిల్లాలో అనేక చోట్ల కొండచరియలు విరిగిపడటం వల్ల సుమారు 100 ఇళ్లు దెబ్బతిన్నాయి. వంతెనలు కొట్టుకుపోయాయి. ఈ మేరకు అధికారులు సమాచారం అందించారు.

వరదల కారణంగా వంతెన కొట్టుకుపోయింది

భారీ వర్షాల కారణంగా కాలేజ్ ఖోలా వ్యాలీ ఎగువ ప్రాంతాల్లో వరదలు సంభవించాయని, సింఫోక్ ఎక్కువగా ప్రభావితమైందని అధికారులు ఆదివారం తెలిపారు. ఇక్కడ వరదల కారణంగా పెద్ద వంతెన కొట్టుకుపోయింది.

రోడ్లు, ఇళ్లు దెబ్బతిన్నాయి

గ్యాల్‌షింగ్ జిల్లా పరిధిలోని దంటం సబ్ డివిజన్‌లో కూడా కొండచరియలు విరిగిపడి వందలాది ఇళ్లు, రోడ్లు దెబ్బతిన్నాయని అధికారులు తెలిపారు. వ్యవసాయ భూములు, పశువులు కూడా దెబ్బతిన్నాయి.

Also Read: Snakes Therapy : కొండ చిలువలు, బల్లులతో ట్రీట్మెంట్, మసాజ్

రోడ్డు, వంతెన పునరుద్ధరణ పనులు ప్రారంభమయ్యాయి

కొండచరియలు విరిగిపడటంతో లోయర్ సపుంగ్‌లోని కాలేజీ ఖోలాపై ఉన్న వంతెన కూడా కొట్టుకుపోయిందని అధికారులు తెలిపారు. బాధితులకు తక్షణ సాయం అందించిన అధికారులు రోడ్లు, వంతెనల పునరుద్ధరణ పనులు ప్రారంభించినట్లు సమాచారం.

2500 మందికి పైగా పర్యాటకులను రక్షించారు

జూన్ 16న లాచెన్, లాచుంగ్, చుంగ్‌తంగ్ లోయలలో భారీ కుండపోత వర్షాలు కురిసాయి. దీనివల్ల చుంగ్‌తాంగ్‌లో కొండచరియలు విరిగిపడ్డాయి. ఈ సమయంలో 2500 మందికి పైగా పర్యాటకులు అక్కడ చిక్కుకున్నారు. వారిని రెస్క్యూ టీమ్ సురక్షితంగా బయటకు తీశారు. రోడ్డు నిర్మాణ పనులు జరుగుతున్న ప్రాంతాలకు వెళ్లేందుకు ఎవరికీ అనుమతులు ఇవ్వడం లేదని అధికారులు తెలిపారు.