Congress: రెండురోజుల్లో రెండో సారి ఆజాద్ నివాసంలో జీ23 నేతల సమావేశం
- By HashtagU Desk Published Date - 09:52 AM, Fri - 18 March 22
ఇటీవల జరిగిన ఐదు రాష్ట్రాల అసెంబ్లీ ఎన్నికల్లో ఘోర పరాజయం పాలవడంపై కాంగ్రెస్ పార్టీ సినియర్లు తీవ్ర అసంతృప్తితో ఉన్నారు. పార్టీలో జరిగిన బహిరంగ విభేదాల మధ్య కొందరు అసమ్మతి సీనియర్ కాంగ్రెస్ నేతలు బుధవారం రాజ్యసభలో మాజీ ప్రతిపక్ష నేత గులాం నబీ ఆజాద్ నివాసంలో వరుసగా రెండో రోజు సమావేశమయ్యారు. కాంగ్రెస్ అధినాయకత్వంలో మార్పు రావాలని వారు పిలుపునిచ్చారు. ఈ సమావేశానికి హాజరైన వారిలో కపిల్ సిబల్, భూపీందర్ సింగ్ హుడా, ఆనంద్ శర్మ ఉన్నారు. అంతకుముందు కాంగ్రెస్ మాజీ అధ్యక్షుడు రాహుల్ గాంధీని హుడా కలిశారు.
కాంగ్రెస్ ముందున్న ఏకైక మార్గం సమిష్టి, సమ్మిళిత నాయకత్వం, నిర్ణయాన్ని అనుసరించడమేనని జీ23 నాయకులు తెలిపారు. 18 మంది నాయకులు సంతకం చేసిన ప్రకటనలో అసెంబ్లీ ఎన్నికల ఫలితాలు, పార్టీ కార్యకర్తల నిరంతర వలసల గురించి చర్చించడానికి ఈ సమావేశం నిర్వహించబడింది. కాంగ్రెస్ వర్కింగ్ కమిటీ (సిడబ్ల్యుసి) సమావేశంలో పార్టీ తాత్కాలిక అధ్యక్షురాలిగా సోనియా గాంధీనే కొనసాగాలని ఏకగ్రీవంగా నిర్ణయించిన నేపథ్యంలో ఈ సమావేశం జరిగింది.అయితే సీనియర్ నేత గులాంనబీ ఆజాద్ త్వరలో సోనియా గాంధీని కలవనున్నారు. పార్టీలో కొన్ని దిద్దుబాటుపై ప్రతిపాదనలు ఉన్నాయని… తన నివాసంలో జరిగిన సమావేశం ఉద్దేశాలను తెలియజేయడానికి పార్టీ అధ్యక్షుడితో కూడా మాట్లాడినట్లు సమాచారం.
Related News
Rahul Gandhi Marriage: ఎన్నికల తర్వాత రాహుల్ గాంధీ పెళ్లి…?
ఓ చిన్నారి రాహుల్ గాంధీని పెళ్లి గురించి ప్రశ్న వేసింది. ఆ తర్వాత రాహుల్ గాంధీ చెప్పిన సమాధానం చూస్తుంటే రాహుల్ గాంధీ ఎన్నికల తర్వాత పెళ్లి చేసుకోవచ్చని తెలుస్తుంది.