Russia-Ukraine War: ఉక్రెయిన్ మ్యూజియాన్ని పేల్చేసిన రష్యా

New Web Story Copy (40)

Russia-Ukraine War: రష్యా మరియు ఉక్రెయిన్ మధ్య యుద్ధం ప్రారంభమై సంవత్సరం దాటింది. ఇప్పటికీ రెండు దేశాల మధ్య వైర్యం కొనసాగుతూనే ఉంది. దీంతో దేశ ప్రజలు తీవ్ర ఇబ్బందులు ఎదుర్కొన్నారు. ఎంతోమంది అమాయకులు మరణించారు. ఈ నాటికీ యుద్ధం కొనసాగుతూనే ఉంది. బాంబులు, క్షిపణి దాడులు రోజురోజుకూ ప్రాణాంతకంగా మారుతున్నాయి. ఈ సందర్భంగా ఇరు దేశాలకు చెందిన లక్షలాది మంది సైనికులు మరణించారు.ఇదిలావుండగా ఉక్రెయిన్ నగరంలోని మ్యూజియం భవనాన్ని రష్యా క్షిపణి ఢీకొట్టిందని, దానిలో ఒక ఉద్యోగి మరణించాడని మరియు 10 మంది గాయపడ్డారని ఉక్రెయిన్ అధికారులు మంగళవారం తెలిపారు.

నగరం నడిబొడ్డున ఉన్న మ్యూజియం ఆఫ్ లోకల్ హిస్టరీపై రష్యా దళాలు దాడి చేసినట్లు ఉక్రేనియన్ అధికారులు నివేదించారు. ఖార్కివ్ ప్రాంతంలోని కుపియాన్స్క్‌పై దాడి చేయడానికి వారు S-300 ఎయిర్ డిఫెన్స్ క్షిపణులను ఉపయోగించారని చెప్పారు. ఉక్రేనియన్ ప్రెసిడెంట్ వోలోడిమిర్ జెలెన్స్కీ సైట్ నుండి ఒక వీడియోను పోస్ట్ చేసారు, దెబ్బతిన్న భవనం పరిసరాలు భయంకరంగా మారాయి. గోడలు కూలి, శకలాలు చెల్లాచెదురయ్యాయి. భవనం కిటికీలు, తలుపులు, గోడలు ఎలా విరిగి పడి ఉన్నాయో వీడియోలో చూడవచ్చు.

Kupyansk, local history museum. 🇷🇺 missile strike. So far, it is known about the dead employee of the museum and ten wounded. There are still people under the rubble.
The terrorist country is doing everything to destroy 🇺🇦 completely. We have no right to forget about it for a… pic.twitter.com/U2bt5RtxnL

— Volodymyr Zelenskyy / Володимир Зеленський (@ZelenskyyUa) April 25, 2023

అధ్యక్షుడు జెలెన్స్కీ మాట్లాడుతూ… ఉగ్రవాద రాష్ట్రం మమ్మల్ని పూర్తిగా నాశనం చేయడానికి ప్రయత్నిస్తుంది. అందుకోసం ఎంతకైనా తెగిస్తుంది. “మన చరిత్ర, మన సంస్కృతి, మన ప్రజలను సర్వనాశనం చేశారంటూ ఫైర్ అయ్యారు. కాగా.. దాడిలో ముగ్గురు వ్యక్తులు ఆసుపత్రి పాలయ్యారని ఖార్కివ్ ప్రావిన్స్ గవర్నర్ ఒలేహ్ సినిహుబోవ్ తెలిపారు. అదే సమయంలో ఏడుగురికి స్వల్ప గాయాలయ్యాయి. మరో ఇద్దరు శిథిలాల కింద ఉన్నట్టు అనుమానిస్తున్నారు.

Read More: Hello Alexa: అలెక్సా అదుర్స్.. పిల్లల్లో పెరుగుతున్న కమ్యూనికేషన్!

Follow us