Nahida Khan Retirement: క్రికెట్‌కు వీడ్కోలు పలికిన పాకిస్థాన్ క్రికేటర్

New Web Story Copy (82)

Nahida Khan Retirement: పాకిస్థాన్‌ ప్రముఖ క్రీడాకారిణి నహిదా ఖాన్ అంతర్జాతీయ క్రికెట్‌కు వీడ్కోలు పలికింది. ఈ రోజు గురువారం తాను రిటైర్ అవుతున్నానని ప్రకటించి అభిమానులకు షాకిచ్చింది. ఈ సమయంలో నహిదా తన 14 ఏళ్ల అంతర్జాతీయ కెరీర్‌కు ఫుల్ స్టాప్ పెట్టింది. ఆమె వన్డే మరియు టీ20 ఫార్మాట్లలో పాకిస్తాన్ తరపున ప్రాతినిధ్యం వహించింది.

బలూచిస్థాన్‌ నుంచి పాకిస్థాన్‌ తరఫున ఆడిన ఏకైక మహిళా క్రీడాకారిణి నహిదా. 2009లో అంటే 23 ఏళ్ల వయసులో ఆమె పాకిస్థాన్ తరఫున అరంగేట్రం చేసింది. నహిదా శ్రీలంకపై తన మొదటి మ్యాచ్ ఆడింది. నహిదా 66 వన్డేలు మరియు 54 టి20 లు ఆడింది. వరుసగా 23.50 సగటుతో 1410 పరుగులు చేసిన ఆమె 13.13 సగటుతో 604 పరుగులు చేసింది. మూడు వన్డే ప్రపంచ కప్‌లు (2013, 2017 2022) ఆడింది. ఇది కాకుండా 2012 నుండి 2018 వరకు నాలుగు టి20 ప్రపంచ కప్‌లు ఆడింది. నహిదా చివరిసారిగా 2022 వన్డే ప్రపంచకప్‌లో పాకిస్థాన్ తరఫున ఆడింది.

తాజాగా నహిదా ఖాన్ మాట్లాడుతూ “నా కెరీర్‌లో నాకు లభించిన మద్దతుకు నేను కృతజ్ఞురాలిని. నా పట్ల విశ్వాసం ఉంచిన నా కుటుంబం, సహచరులు, కోచ్‌లు మరియు పాకిస్తాన్ క్రికెట్ బోర్డుకు ధన్యవాదాలు. ప్రపంచవ్యాప్తంగా నా ప్రయాణంలో నాకు మద్దతుగా నిలిచిన ఉద్వేగభరితమైన అభిమానులకు కూడా నేను కృతజ్ఞతలు చెప్పాలనుకుంటున్నాను అంటూ తన వీడ్కోలును ప్రకటించింది.

Read More: Asia Cup 2023: జట్టులోకి స్టార్ ప్లేయర్స్.. టీమిండియాలో పూర్వ వైభవం?

Follow us