Karnataka: జైల్లో ఉన్న భర్తకు గంజాయి సప్లై చేసిన మహిళ.. చివరికి?

మామూలుగా భార్య భర్తల మధ్య గొడవలు ప్రేమలు అన్నది సహజం. కొందరు ఇప్పటికీ ప్రేమగా అలాగే ఉంటే మరి కొందరు తిట్టుకుంటూ కొట్టుకుంటూ మళ్ళీ వెంటనే కలిసిపోతూ ఉంటారు. ఎలాంటి కష్టం వచ్చినా కూడా ఒకటి ఒకరు పంచుకుంటూ చెప్పుకుంటూ ఉంటారు. ఇక కొందరు భార్యాభర్తలు ఒకరిమీద మరొకరు ఎనలేని ప్రేమను చూపిస్తుంటారు. అడిగిన వెంటనే తెచ్చి ఇవ్వడం, కాదని చెప్పలేకపోవడం, ప్రేమగా తమ తోడుని చూసుకుంటూ ఉంటారు. అయితే భార్యభర్తల మధ్య ఎంత ప్రేమ ఉన్నప్పటికీ ప్రతీ దానికి ఒక హద్దు ఉంటుంది.

దాన్ని దాటితే లేనిపోని చిక్కుల్లో పడా​ల్సి వస్తుంది. అది ప్రేమ అయినా కోపం అయినా మరేదైనా. తాజాగా ఇలాంటి ఘటనే ఒకటి కలబురగిలో చోటు చేసుకుంది. జైల్లో ఉన్న భర్త కోసం గంజాయి అందివ్వాలని ఒక భార్య పథకం వేసింది. అనుకన్నట్టే గంజాయి సిద్ధం చేసి ఇవ్వటానికి వెళ్లిన ఆ మహిళ చివరికి తనిఖీల్లో పట్టుబడింది. పట్టణంలోని కేంద్ర కారాగారంలో జాలేంద్రనాథ్‌ కావళెకి అనే వ్యక్తి ఖైదీగా ఉన్నాడు. సోమవారం భర్తను కలవటానికి వచ్చిన భార్య సునీత రెండు జీన్స్‌ ప్యాంట్స్‌ అందజేసింది.

భద్రతా సిబ్బంది బ్యాగును పరిశీలించగా గంజాయి లభ్యమైంది. దీంతో ఆమెను అరెస్ట్‌ చేశారు. భర్తను చూడడానికి అని వెళ్లి ఆమె కూడా అరెస్ట్ అయింది. ఈ వార్త సోషల్ మీడియాలో వైరల్ అవ్వడంతో కొందరు ఈ వార్తపై స్పందిస్తూ ఆదర్శ మహిళ అని కామెంట్స్ చేస్తుండగా ఇంకొందరు రిస్క్ అని తెలిసినా కూడా భర్త కోసం అలాంటి పని చేయడానికి సిద్ధమయ్యింది హ్యాట్సాఫ్ అని అంటున్నారు.