SRK tames GT: కేన్ మామ అదుర్స్…గుజరాత్ టైటాన్స్ బెదుర్స్..!!

భారీ పరాజయాలతో IPL-2022సీజన్ను ఆరంభించిన సన్ రైజర్స్ హైదరాబాద్…కాస్త లేటుగా అయినా కరెక్టు సమయంలోనే గాడిలో పడినట్లుగా కనిపిస్తోంది. గత మ్యాచ్ లో డిఫెండింగ్ ఛాంపియన్ను చిత్తుగా ఓడించిన సన్ రైజర్స్ హైదరాబాద్…ఈ మ్యాచ్ లో IPL-2022సీజన్ లో ఓటమి ఎరగని గుజరాత్ టైటన్స్ కు పరాజయాన్ని చూపించింది. వరుసగా రెండో మ్యాచ్ లోనూ 8 వికెట్ల తేడాతో భారీ విజయాన్ని అందుకుంది.

163పరుగుల లక్ష్యంతో మరోసారి సన్ రైజర్స్ హైదరాబాద్ కు ఓపెనర్లు శుభారంభం అందించారు. మొదటి వికెట్ కు 64పరుగులు జోడించిన తర్వాత అభిషేక్ శర్మ ఔటయ్యారు. 32 బంతుల్లో 6 ఫోర్లతో 42పరుగులు చేసిన అభిషేక్ శర్మ, రషీద్ ఖాన్ బౌలింగ్ లో సాయి సుదర్శన్ కు క్యాచ్ ఇచ్చాడు. 11 బంతుల్లో ఒక ఫోర్, ఒక సిక్సర్ తో 17 పరుగులు చేసిన రాహుల్ త్రిపాఠి, రాహుల్ తెవాటియా బౌలింగ్ లో భారీ సిక్ కొట్టాడు. గాయం కారణంగా త్రిపాఠి పెవిలియన్ చేరాడు. అతని స్థానంలో నికోసలస్ పూరన్ క్రీజులోకి వచ్చాడు.

46 బంతుల్లో 2 ఫోర్లు, 4 సిక్సర్లతో 57 పరుగులు చేశారు కేన్ విలియంసన్, హార్థిక పాండ్యా బౌలింగ్ లో రాహుల్ తెవాటియాకు క్యాచ్ ఇచ్చాడు. ఇప్పటికే SRH విజయానికి 24 బంతుల్లో 34 పరుగులు మాత్రమే ఉన్నాయి. ఆ ఓవర్లో హార్దిక్ పాండ్యా 6 పరుగులు మాత్రమే ఇచ్చాడు. దీంతో ఆఖరి 3 ఓవర్లలో సన్ రైజర్స్ హైదరాబాద్ విజయానికి 28 పరుగులు కావాల్సి ఉన్నాయి. లూకీ ఫర్గూసన్ వేసిన 18 వ ఓవర్లో ఒక ఫోర్, సిక్సర్ తో 15 పరుగులు చేశాడు నికోలస్ పూరన్.

దీంతో ఆఖరి 2 ఓవర్లలో 11 పరుగులు మాత్రమే కావాల్సి ఉంది. ఆ ఓవర్‌లో 12 పరుగులు వచ్చాయి. దీంతో ఆఖరి ఓవర్‌లో మ్యాచ్‌ ముగిసింది. నికోలస్ పూరన్ 18 బంతుల్లో 2 ఫోర్లు, 2 సిక్సర్లతో 34 పరుగులు చేశాడు. అయిడిన్ మార్క్‌రమ్ 8 బంతుల్లో ఒక ఫోర్‌తో 12 పరుగులు చేసి నాటౌట్‌గా నిలిచాడు.

ఇక అంతకుముందు టాస్ ఓడి తొలుత బ్యాటింగ్ చేసింది గుజరాత్ టైటాన్స్. నిర్ణీత 20 ఓవర్లలో 7 వికెట్ల కోల్పోయి 162 పరుగులు సాధించింది. కెప్టెన్ హార్ధిక్ పాండ్యా హాఫ్ సెంచరీతో మెరిసినా మరో ఎండ్‌తో వరుస వికెట్లు కోల్పోవడంతో గుజరాత్ టైటాన్స్ భారీ స్కోరు చేయలేకపోయింది. భువనేశ్వర్ కుమార్ తొలి ఓవర్‌లో వైడ్ల రూపంలో ఏకంగా 11 పరుగులు చేశాడు. భువీ వేసిన ఇన్నింగ్స్ మొదటి బంతికి మాథ్యూ వేడ్ ఫోర్ బాదాడు, ఆ తర్వాతి బంతికి వైడ్ల రూపంలోనే 5 పరుగులు వచ్చాయి. రెండో బంతికి లెగ్ బైస్ లో పరుగు కాగా మూడో బంతి వైడ్‌గా వెళ్లింది. ఐదో బంతికి లైన్ మిస్ అయిన భువీ, 5 వైడ్లు సమర్పించాడు…మొత్తానికి తొలి ఓవర్‌లో 9 బంతులు వేసిన భువీ, ఎక్స్‌ట్రాల రూపంలో 12 పరుగులు ఇచ్చాడు. ఇందులో వైడ్ల రూపంలోనే 11 పరుగులు వచ్చాయి.

IPL- 2022 సీజన్‌లో మొదటి ఓవర్‌లో అత్యధిక పరుగులు సమర్పించిన జట్టుగా సన్ రైజర్స్ హైదరాబాద్ నిలిచింది. ఇంతకుముందు సీఎస్‌కేపై లక్నో సూపర్ జెయింట్స్ తొలి ఓవర్‌లో 14 పరుగులు ఇచ్చింది. ఇప్పుడు సన్‌రైజర్స్ దాన్ని అధిగమించింది.

 

Trophies and heroes galore for our second win on the bounce. 🧡#SRHvGT #OrangeArmy #ReadyToRise #TATAIPL pic.twitter.com/Nj4iEoOJ7C

— SunRisers Hyderabad (@SunRisers) April 11, 2022