Covid Report: ఇండియాపై కరోనా పంజా!

దేశంలో మళ్లీ కరోనా పంజా విసురుతోంది. ఫలితంగా కేసుల సంఖ్య రోజురోజుకూ పెరుగుతోంది. అన్ని రాష్ట్రాల్లో కేసులు వెలుగుచూస్తుండటంతో ప్రజలు ఒకింత భయాందోళనకు గురవుతున్నారు. గడిచిన 24 గంటల్లో 15,940 కేసులు నమోదయ్యాయి. క్రియాశీల  91,779కి పెరిగింది. మరో 20 మరణాలతో మరణాల సంఖ్య 5,24,974కి చేరుకుంది. యాక్టివ్ కేసులు ఒక రోజులో 3,495 పెరిగాయి. జాతీయ COVID-19 రికవరీ రేటు 98.58 శాతంగా నమోదైందని ఆరోగ్య మంత్రిత్వ శాఖ తెలిపింది.

వ్యాధి నుండి కోలుకున్న వారి సంఖ్య 4,27,61,481 కు పెరిగింది, అయితే కేసు మరణాల రేటు 1.21 శాతం. మంత్రిత్వ శాఖ ప్రకారం, దేశంలో ఇప్పటివరకు 196.94 కోట్ల కోవిడ్ వ్యాక్సిన్‌లు ఇవ్వబడ్డాయి. భారతదేశపు కోవిడ్-19 సంఖ్య ఆగస్టు 7, 2020న 20 లక్షలు, ఆగస్టు 23న 30 లక్షలు, సెప్టెంబర్ 5న 40 లక్షలు, సెప్టెంబర్ 16న 50 లక్షలు దాటింది. సెప్టెంబర్ 28న 60 లక్షలు, అక్టోబర్ 11న 70 లక్షలు దాటింది. అక్టోబర్ 29న 80 లక్షలు, నవంబర్ 20న 90 లక్షలు, డిసెంబర్ 19న కోటి మార్క్‌ను అధిగమించింది. దేశంలో పలు రాష్ట్రాల్లో కేసులు పెరుగుతుండటంతో కరోనా రూల్స్ కచ్చితంగా పాటించాలని ఆయా రాష్ట్ర ప్రభుత్వాలు గైడ్ లైన్స్ జారీ చేశాయి. ఈ నేపథ్యంలో చిన్నపిల్లలు, పెద్దలు అవసరమైతేనే బయట అడుగుపెట్టాలని తెలంగాణ ఆరోగ్య శాఖ సూచించింది.