Nallala Odelu: టీఆర్ఎస్ కు షాక్.. కాంగ్రెస్ లోకి నల్లాల ఓదెలు!
టీఆర్ఎస్ మాజీ ఎమ్మెల్యే నల్లాల ఓదెలు, ఆయన సతీమణి మంచిర్యాల జిల్లా పరిషత్ (జెడ్పీ) చైర్పర్సన్ నల్లాల భాగ్యలక్ష్మి కాంగ్రెస్లో చేరారు.
- Author : Balu J
Date : 19-05-2022 - 4:43 IST
Published By : Hashtagu Telugu Desk
టీఆర్ఎస్ మాజీ ఎమ్మెల్యే నల్లాల ఓదెలు, ఆయన సతీమణి మంచిర్యాల జిల్లా పరిషత్ (జెడ్పీ) చైర్పర్సన్ నల్లాల భాగ్యలక్ష్మి గురువారం న్యూఢిల్లీలో కాంగ్రెస్ అధినేత రాహుల్గాంధీతో సమావేశమై ఆయన సమక్షంలో కాంగ్రెస్లో చేరారు. వారి వెంట టీపీసీసీ అధ్యక్షుడు రేవంత్రెడ్డి, కాంగ్రెస్ మాజీ మంత్రి దామోదర రాజనర్సింహ రాహుల్ వద్దకు వెళ్లారు. 2009, 2014లో టీఆర్ఎస్ గుర్తుపై ఓదెలు ఎమ్మెల్యేగా గెలుపొందారు. 2014లో ఎమ్మెల్యే అయిన తర్వాత ప్రభుత్వ విప్గా పనిచేశారు. 2010లో ఎమ్మెల్యే పదవికి రాజీనామా చేసి ఉప ఎన్నికల్లో మళ్లీ గెలుపొందారు. ముఖ్యంగా చెన్నూరు నియోజకవర్గం ఎమ్మెల్యే బాల్క సుమన్తో టీఆర్ఎస్ నేతలతో విభేదాల కారణంగా ఆయన టీఆర్ఎస్ని వీడారు. పైగా గత ఎన్నికల్లో ఎమ్మెల్యే టిక్కెట్ ఇవ్వకపోవడంతో టీఆర్ఎస్ నాయకత్వంపై ఓదెలు అసంతృప్తితో ఉన్నారు. కాంగ్రెస్లో చేరేందుకు ముందు ఆయన గత కొన్ని రోజులుగా కుటుంబ సభ్యులు, అనుచరులతో వరుస సమావేశాలు నిర్వహించారు. ఉమ్మడి ఆదిలాబాద్ జిల్లాలో ఓదెలు టీఆర్ఎస్ని వీడడం హాట్ టాపిక్గా మారింది.
Follow us
