Shocking : విమానంలో ఫేక్ పైలట్.. బయటడ్డ అసలు నిజం

Fake Pilot

Shocking : ఫ్లోరిడాకు చెందిన టిరాన్ అలెగ్జాండర్ అనే వ్యక్తి, విమానయాన రంగాన్ని ఉక్కిరిబిక్కిరి చేసిన మోసం కేసుతో వార్తల్లోకెక్కాడు. అతడు పైలట్‌గా లేదా ఫ్లైట్ అటెండెంట్‌గా నటిస్తూ ఏకంగా ఆరు సంవత్సరాల కాలంలో 120కు పైగా విమాన ప్రయాణాలు ఉచితంగా చేసినట్లు అమెరికా డిపార్ట్‌మెంట్ ఆఫ్ జస్టిస్ వెల్లడించింది. అలెగ్జాండర్‌పై ప్రస్తుతం వైర్ ఫ్రాడ్, గుర్తింపు దొంగతనం, విమానయాన సంస్థలను మోసం చేసిన కేసులతో పాటు పలు తీవ్రమైన అభియోగాలు ఎదురవుతున్నాయి.

అలెగ్జాండర్, ఏడు వేర్వేరు విమానయాన సంస్థల ఉద్యోగిగా తనను తాను చూపించుకుంటూ, ఉద్యోగులకు మాత్రమే అందుబాటులో ఉండే ‘నాన్-రెవెన్యూ ట్రావెల్’ (Non-Rev) సదుపాయాన్ని వంచనగా వినియోగించుకున్నాడు. ఇందుకోసం ఆయా సంస్థలకు చెందిన అసలైన ఉద్యోగుల క్రెడెన్షియల్స్‌ను, బ్యాడ్జ్ నంబర్లను దొంగిలించి టికెట్లు బుక్ చేసుకున్నాడు. ముఖ్యంగా స్పిరిట్ ఎయిర్‌లైన్స్ ఉద్యోగుల అంతర్గత ట్రావెల్ పోర్టల్‌ను వాడుతూ, ఇతర విమానయాన సంస్థల్లో కూడా ప్రయాణాలు ఈజీ చేసుకున్నాడు.

Yadagirigutta: ఇక నుంచి లడ్డు ఫ్రీ.. అంతేకాదు పులిహోర కూడా

అతడు వాడిన పద్ధతులు విమానయాన రంగాన్ని ఉలిక్కిపడేలా చేశాయి. సంస్థల మధ్య ఉన్న పరస్పర ఒప్పందాలను తన ప్రయోజనాలకు వినియోగించుకున్న అలెగ్జాండర్, సుమారు 30 మంది అసలైన ఉద్యోగుల వివరాలను అక్రమంగా సేకరించాడు. వారు ఉద్యోగంలో చేరిన తేదీ, సంస్థ పేరు, బ్యాడ్జ్ నంబర్ వంటి కీలక సమాచారం ఆధారంగా స్పిరిట్ ఎయిర్‌లైన్స్ ద్వారా ప్రయాణాల బుకింగ్‌ చేశాడు. అతడు తన దొంగ సమాచారాన్ని వెబ్‌సైట్‌లలో నమోదు చేయడంతో ఎయిర్‌లైన్స్ అతడిని వాస్తవ ఉద్యోగిగా గుర్తించి టికెట్లను మంజూరు చేశాయి.

కోర్టు పత్రాల ప్రకారం, 2018 నుండి 2024 వరకు అలెగ్జాండర్ ఈ మోసపూరిత కార్యకలాపాలకు పాల్పడ్డాడు. ప్రత్యేకంగా స్పిరిట్ ఎయిర్‌లైన్స్‌లోనే అతడు 34 ప్రయాణాలు చేసినట్టు అధికారులు గుర్తించారు. అతడిపై ఉన్న ఆరోపణలు నిజమని రుజువైతే, అతడికి గరిష్టంగా 20 ఏళ్ల వరకు జైలు శిక్ష విధించే అవకాశం ఉంది. అలాగే, భారీ జరిమానా కూడా ఎదురవవచ్చు.

ఈ ఘటన విమానయాన సంస్థల్లో సైబర్ భద్రతపై తీవ్రమైన ప్రశ్నలను తెరపైకి తెచ్చింది. ఉద్యోగుల వ్యక్తిగత సమాచారం సురక్షితంగా ఉండాలని, అంతర్గత టికెట్ వ్యవస్థలను మరింత కఠినంగా పర్యవేక్షించాలని నిపుణులు సూచిస్తున్నారు. ఇక టిరాన్ అలెగ్జాండర్ కేసు ప్రస్తుతం కోర్టులో విచారణకు ఎదురవుతోంది.

APSRTC : ఆర్టీసీ బస్సుకు ఘోర రోడ్డు ప్రమాదం.. నలుగురు మృతి .. ఇద్దరు సీరియస్

Follow us