APSRTC : ఆర్టీసీ బస్సుకు ఘోర రోడ్డు ప్రమాదం.. నలుగురు మృతి .. ఇద్దరు సీరియస్

APSRTC : కర్ణాటక రాష్ట్రంలోని బెంగళూరు రూరల్ జిల్లాలో శుక్రవారం ఉదయం జరిగిన ఘోర రోడ్డు ప్రమాదం అందర్నీ కలచివేసింది. తిరుపతి నుంచి బెంగళూరుకి వస్తున్న ఏపీఎస్ ఆర్టీసీ బస్సు, ఓ లారీని వెనక నుంచి ఢీకొనడంతో జరిగిన ఈ ప్రమాదంలో ఇద్దరు చిన్నారులతో పాటు నలుగురు అక్కడికక్కడే మరణించారు. మరో 16 మంది తీవ్రంగా గాయపడినట్టు సమాచారం. వీరిలో ఇద్దరి పరిస్థితి విషమంగా ఉందని తెలుస్తోంది.

ఈ ఘటన బెంగళూరు శివార్లలోని హోస్కోటే తాలూకా ప్రాంతంలోని గొట్టిపుర గేట్ వద్ద — కోలార్-హోస్కోటే జాతీయ రహదారిపై చోటుచేసుకుంది. మృతుల్లో ఆంధ్రప్రదేశ్‌కి చెందిన చిత్తూరు జిల్లా వాసులు కేశవ రెడ్డి (44), తులసి (21), నాలుగేళ్ల చిన్నారి ప్రణతి, ఏడాది పసికందు మరియా ఉన్నారు.

Israel-Iran: ఇరాన్‌ రాజధాని టెహ్రాన్‌పై ఇజ్రాయెల్ వైమానిక దాడులు

బస్సు తిరుపతి నుంచి బెంగళూరుకు వస్తుండగా, అదే దారిలో వెళ్తున్న లారీని ఓవర్‌టేక్ చేయడానికి ప్రయత్నించిన బస్సు అకస్మాత్తుగా అదుపుతప్పి లారీకి వెనుక నుంచి బలంగా ఢీకొంది. బస్సు డ్రైవర్ నిద్రమత్తులో ఉండొచ్చన్న అనుమానాన్ని పోలీసులు వ్యక్తం చేస్తున్నారు. ఢీకొన్న తీరుకు బస్సు ముందు భాగం పూర్తిగా ధ్వంసమైపోయింది.

ప్రమాదంలో గాయపడినవారిని హుటాహుటిన హోస్కోటేలోని ప్రైవేట్‌ ఆసుపత్రికి తరలించారు. పోలీసులు కేసు నమోదు చేసి దర్యాప్తు ప్రారంభించారు.

ఇటీవలి రోజుల్లో కర్ణాటకలో వరుసగా జరుగుతున్న రోడ్డు ప్రమాదాలు తీవ్ర ఆందోళన కలిగిస్తున్నాయి. మే 21న విజయపుర జిల్లాలో జరిగిన బస్సు, ఎస్‌యూవీ, లారీ ఢీకొన్న ఘటనలో ఆరుగురు చనిపోయారు. అలాగే మే 12న చిత్రదుర్గ జిల్లాతో పాటు బెంగళూరు సమీపంలోని హోస్కోటే పట్టణాల్లో వేర్వేరు రోడ్డు ప్రమాదాల్లో ఐదుగురు ప్రాణాలు కోల్పోయారు. ఈ ప్రమాదాలపై ప్రభుత్వం, ట్రాన్స్‌పోర్ట్ శాఖ తగిన చర్యలు తీసుకోవాల్సిన అవసరం ఉంది.

Ahmedabad Plane Crash : విమాన ప్రమాదంపై దర్యాప్తుకు అమెరికా బృందం