Election Code: ఎలక్షన్ కోడ్ ఎఫెక్ట్, పోలీసులు ఎన్ని కోట్లు సీజ్ చేశారో తెలుసా
తెలంగాణలో ఎలక్షన్ కోడ్ అమలులో ఉన్న విషయం తెలిసిందే. ఈ కారణంగా పోలీసులు, ప్రత్యేక అధికారులు ముమ్మురంగా తనిఖీలు చేస్తున్నారు.
- By Balu J Published Date - 11:48 AM, Wed - 1 November 23
Election Code: తెలంగాణలో ఎలక్షన్ కోడ్ అమలులో ఉన్న విషయం తెలిసిందే. ఈ కారణంగా పోలీసులు, ప్రత్యేక అధికారులు ముమ్మురంగా తనిఖీలు చేస్తున్నారు. ఈ నేపథ్యంలో భారీగా డబ్బు పట్టుబడుతుండటంతో అధికారులే షాక్ అవుతున్నారు. ఎన్నికల కారణంగా జరిపిన తనిఖీలో ఇప్పటి వరకు రూ.400 కోట్ల మార్కును దాటిందని అధికారులు తెలిపారు. మంగళవారం ఉదయం 9 గంటలతో ముగిసిన 24 గంటల వ్యవధిలో రూ.16.16 కోట్ల విలువైన నగదు, బంగారం, మద్యాన్ని ఎన్ఫోర్స్మెంట్ అధికారులు స్వాధీనం చేసుకున్నారు.
దీంతో అక్టోబరు 9 నుంచి మొత్తం జప్తు రూ.412.46 కోట్లకు చేరింది. ఇంత తక్కువ వ్యవధిలో స్వాధీనం చేసుకున్న సొమ్ము.. దేశంలో ఇదే అత్యధికమని చెప్పారు. తెలంగాణలో 2018 ఎన్నికల్లో మొత్తం ఎన్నికల ప్రక్రియలో మొత్తం నగదు, బంగారం స్వాధీనం కేవలం రూ.103 కోట్లు మాత్రమే.
ఎన్నికల సంఘం ఎన్నికల షెడ్యూల్ను ప్రకటించడంతో మోడల్ కోడ్ ఆఫ్ కండక్ట్ అమలులోకి వచ్చిన అక్టోబర్ 9న ఎన్ఫోర్స్మెంట్ ఏజెన్సీలు తనిఖీలు ప్రారంభించాయి. 24 గంటల వ్యవధిలో రూ.5.60 కోట్లకు పైగా నగదు పట్టుబడింది. మొత్తం నగదు స్వాధీనం ఇప్పుడు రూ.145.32 కోట్లకు చేరుకుంది. చీఫ్ ఎలక్టోరల్ ఆఫీసర్ కార్యాలయం విడుదల చేసిన డేటా ప్రకారం, అక్టోబర్ 30 ఉదయం 9 నుండి అక్టోబర్ 31 ఉదయం 9 గంటల మధ్య రూ.2.76 కోట్ల విలువైన లోహాలను స్వాధీనం చేసుకున్నారు. అయితే అందులో సామాన్య ప్రజల డబ్బు కూడా ఉండటంతో వారి డబ్బును తిరిగి ఇవ్వాలనే డిమాండ్ వినిపిస్తోంది.
Related News
Ladies Hostel: షాకింగ్.. లేడీస్ హాస్టల్ లో మహిళ స్నానం.. రహస్యంగా ఫోన్ లో చిత్రీకరణ
Ladies Hostel: ఉద్యోగం, చదువు, ఇతర అవసరాల కోసం ఎంతోమంది మహిళలు, అమ్మాయిలు హైదరాబాద్ కు వస్తుంటారు. అయితే వారంతా ఎక్కువగా హాస్టల్ లో ఉంటూ చదువుకోవడమో, జాబ్ చేయడమో చేస్తుంటారు. హాస్టళ్లలో ఎన్ని రక్షణ చర్యలు తీసుకుంటున్నా.. అమ్మాయిలకు భద్రత లేకుండా పోతోంది. తాజాగా వెంగళరావునగర్ లోని ఓ హాస్టల్ లో ఓ మహిళ స్నానం చేస్తుండగా చిత్రీకరించిన గుర్తుతెలియని వ్యక్తులపై మధురానగర్ పోలీసులు కే