Anant Ambani: అనంత్ అంబానీ పెళ్లి చేసుకోబోతున్న అమ్మాయి ఎవరో తెలుసా?
దేశంలోనే అత్యంత సంపన్నుల జాబితాలో ఎప్పుడూ పోటీపడే ముకేశ్ అంబానీ ఇంట పెళ్లి సందడి మొదలైంది.
- By Nakshatra Published Date - 10:06 PM, Thu - 19 January 23
Anant Ambani: దేశంలోనే అత్యంత సంపన్నుల జాబితాలో ఎప్పుడూ పోటీపడే ముకేశ్ అంబానీ ఇంట పెళ్లి సందడి మొదలైంది. ముకేశ్ అంబానీ, నీతా అంబానీల ముద్దుల కొడుకు అనంత్ అంబానీ త్వరలోనే ఓ ఇంటి వాడు కాబోతున్నాడు. అనంత్ అంబానీ త్వరలో రాధిక మర్చంట్ తో ఏడడుగు నడవబోతున్నాడు. ముకేశ్ అంబానీ ఇంట జరగబోయే ఈ వివాహానికి సంబంధించి గురువారం నిశ్చితార్థ కార్యక్రమం జరిగింది.
గురువారం అంగరంగ వైభవంగా.. అతి కొద్దిమంది బంధువులు, స్నేహితుల సమక్షంలో అనంత్ అంబానీ రాధిక మర్చంట్ ల నిశ్చితార్థ వేడుక జరిగింది. ముందుగా అనంత్ అంబానీ సొదరి అయిన ఈషా అంబానీ మర్చంట్ ఇంటికి వెళ్లి వారిని వేడుకకు ఆహ్వానించడంతో నిశ్చితార్థం వేడుక సంప్రదాయ బద్దంగా ప్రారంభమైంది. ముందుగా అంబానీ కుటుంబం, మర్చంట్ కుటుంబం శ్రీకృష్ణ మందిరానికి వెళ్లి అక్కడ దేవుడి ఆశీర్వాదం తీసుకున్నారు.
అనంత్ అంబానీ తల్లిదండ్రులైన ముకేశ్ అంబానీ, నీతా అంబానీలతో పాటు అతని సోదరుడు, సోదరి, వారి కుటుంబ సభ్యులు ఈ వేడుకలో పాల్గొన్నారు. ఇక రాధిక మర్చంట్ తల్లిదండ్రులైన విరెన్ మర్చంట్, శైల దంపతులతో పాటు వారి బంధువులు, స్నేహితులు ఈ నిశ్చితార్థ వేడుకకకు విచ్చేశారు. సంప్రదాయ బద్ధంగా అన్ని కార్యక్రమాలు ముగిసిన తర్వాత వివాహ ఆహ్వాన పత్రికను అందరికీ చదివి వినిపించారు.
అనంతరం నీతా అంబానీతో పాటు పలువురు కుటుంబ సభ్యులు, బంధువులు సంగీత్ లాంటి కార్యక్రమాన్ని నిర్వహించినట్లు తెలుస్తోంది. ఇందులో నీతా అంబానీతో పాటు పలువురు తమ డ్యాన్స్ తో అలరించినట్లు సమాచారం. కుటుంబ సభ్యుల, బంధువుల, సన్నిహితుల ఆనందం నడుమ అనంత్ అంబానీ, రాధిక మర్చంట్ లు ఉంగరాలు మార్చుకున్నారు. రాబోయే కొన్ని నెలల్లోనే వీరి వివాహం మరింత అంగరంగ వైభవంగా జరగనుంది.
Tags
Related News
Mukesh Ambani Tears : కన్నీళ్లు పెట్టుకున్న ముకేశ్ అంబానీ.. కొడుకు అనంత్ స్పీచ్ విని ఎమోషనల్
Mukesh Ambani Tears : ఎమోషన్.. ఎవ్వరికైనా ఒక్కటే. డబ్బులేని పేదవాడికైనా.. డబ్బులున్న ముకేశ్ అంబానీకైనా అది ఒక్కటే.