Clove Benefits : చాక్లెట్, చూయింగ్ గమ్‌కు బదులుగా రోజూ రెండు లవంగాలను నమలండి..!

వంటగదిలో ఉండే మసాలాలు కేవలం రుచి కోసమే కాదు, ఎన్నో అద్భుతమైన ఆరోగ్య ప్రయోజనాలను కలిగి ఉన్నాయని ఆయుర్వేద నిపుణులు అంటున్నారు. అందుకే ఆయుర్వేదం ఏళ్ల తరబడి వంటగదిలో లభించే అనేక సుగంధ ద్రవ్యాలను ఉపయోగిస్తుంది. కాబట్టి కృత్రిమ తీపి పదార్థాలతో తయారు చేసిన చాక్లెట్ , చూయింగ్ గమ్‌లకు బదులుగా, ప్రతిరోజూ రెండు లవంగాలను నమలాలని నిపుణులు సూచిస్తున్నారు. లవంగాలలో ఎన్నో ఔషధ గుణాలున్నాయి. వీటిలో యాంటీఆక్సిడెంట్లు, విటమిన్ సి పుష్కలంగా ఉంటాయి, రోగనిరోధక శక్తిని పెంచడంలో సహాయపడతాయి. వీటిలో యాంటీ ఇన్‌ఫ్లమేటరీ గుణాలు ఉంటాయి, దగ్గు, జలుబును నివారిస్తుంది.

We’re now on WhatsApp. Click to Join.

లవంగం జీర్ణ సంబంధిత రుగ్మతలు, దంత రుగ్మతలకు మంచి ఔషధంగా పనిచేస్తుంది. లవంగాలను కామోద్దీపనగా కూడా ఉపయోగిస్తారు. రోజువారీ ఆహారంలో లవంగాలను చేర్చుకోవడం వల్ల జీవక్రియ,  రోగనిరోధక శక్తి మెరుగుపడుతుంది. లవంగాలను ఉపయోగించడం జీర్ణక్రియకు మంచిది. ఎంజైమ్ స్రావాన్ని నియంత్రించడం ద్వారా లవంగాలు సహజంగా జీర్ణక్రియను మెరుగుపరుస్తాయి. భోజనం చేసిన తర్వాత రెండు లవంగాలను తీసుకుంటే కడుపు ఉబ్బరం, గ్యాస్ట్రిక్ ఇరిటేషన్, అజీర్ణం, వికారం వంటి సమస్యలు తగ్గుతాయి. ఇది జీవక్రియను మెరుగుపరచడంలో కూడా సహాయపడుతుంది. అలాగే, లవంగాలు ఇన్సులిన్ స్థాయిలను నియంత్రిస్తాయి. రోగనిరోధక శక్తిని పెంచుతుంది.

ఎముకల ఆరోగ్యానికి కూడా మంచిదని నిపుణులు చెబుతున్నారు. లవంగం,  దాని రసం కీళ్ల నొప్పుల నుండి ఉపశమనాన్ని అందిస్తాయి. ఎముకల ఆరోగ్యాన్ని మెరుగుపరచడంలో గ్రేట్. లవంగాలలో యూజినాల్, ఫ్లేవనాయిడ్స్ వంటి హైడ్రో-ఆల్కహాలిక్ సమ్మేళనాలు పుష్కలంగా ఉంటాయి. ఇవి ఎముకల సాంద్రతను మెరుగుపరచడంలో సహాయపడతాయి. లవంగం నూనె జుట్టు ఆరోగ్యానికి కూడా చాలా మంచిది. లవంగం నూనెను తలకు పట్టించడం వల్ల రక్త ప్రసరణ బాగా జరుగుతుంది. ఇది జుట్టు రాలడం,  జుట్టు పెరుగుదలను తగ్గించడంలో సహాయపడుతుంది.

గమనిక: ఆరోగ్య నిపుణులు లేదా పోషకాహార నిపుణుడిని సంప్రదించిన తర్వాత మాత్రమే ఆహారంలో మార్పులు చేయండి.

Read Also : Hyderabad Poor Drainage System: రోడ్లు మోరీలైతున్నయ్.. అస్తవ్యస్తంగా హైదరాబాద్ డ్రైనేజీ వ్యవస్థ