Boat From Kuwait: గేట్‌వే ఆఫ్ ఇండియా సమీపంలో అనుమానాస్పద బోట్‌.. ముగ్గురు అరెస్ట్‌..!

Safeimagekit Resized Img (2) 11zon

Boat From Kuwait: ముంబైలో సముద్ర భద్రతపై పెద్ద ప్రశ్న తలెత్తింది. ముంబై పోలీసుల పెట్రోలింగ్ బృందం అరేబియా సముద్రంలో గేట్‌వే ఆఫ్ ఇండియా సమీపంలో అనుమానాస్పద పడవ (Boat From Kuwait)లో ముగ్గురు వ్యక్తులను అరెస్టు చేసింది. ఈ ముగ్గురు వ్యక్తులు ఒక పడవలో కువైట్ నుండి బయలుదేరారు. భారత ప్రాదేశిక జలాల్లోకి ప్రవేశించిన తరువాత వారు ఎటువంటి ఆటంకం లేకుండా ముంబై చేరుకున్నారు. ఈ ముగ్గురి అరెస్ట్‌తో కలకలం రేగింది. 2008లో ముంబైలో ప్రవేశించి భయంకరమైన విధ్వంసం సృష్టించిన ఉగ్రవాది అజ్మల్ కసబ్, అతని సహచరులు పడవలో సముద్రం ద్వారా ఇక్కడికి చేరుకున్న విష‌యం మ‌న‌కు తెలిసిందే. దీని తరువాత అన్ని ప్రభుత్వాలు సముద్ర భద్రతను పటిష్టం చేయాలని నిరంతరం వాదనలు చేస్తున్నాయి. ముంబై పోలీసులు తెలిపిన వివరాల ప్రకారం.. అరెస్టయిన ముగ్గురూ భారతీయ సంతతికి చెందినవారే. వారిని విచారిస్తున్నారు.

ముగ్గురు నిందితులు తమిళనాడు వాసులు

పిటిఐ ప్రకారం.. ముంబై పోలీసు అధికారులు మంగళవారం కువైట్ నుండి వస్తున్న పడవను పట్టుకున్నారని అందులో ముగ్గురు వ్యక్తులు ఉన్నారని చెప్పారు. ముగ్గురూ తమిళనాడులోని కన్యాకుమారి జిల్లాకు చెందిన తమిళ జాలర్లు.. ఆంటోనీ, నిడిసో డిట్టో, విజయ్ ఆంటోనీ. బోటును పరిశీలించగా అనుమానాస్పదంగా ఏమీ లభించలేదు. తదుపరి విచారణ జరుపుతున్నారు. ముగ్గురిని కూడా విచారిస్తున్నారు.

Also Read: RLD – BJP : ‘ఇండియా’కు మరో షాక్.. బీజేపీతో చెయ్యి కలిపిన ఆ పార్టీ !

జీతం రాకపోవడంతో పడవను దొంగిలించారు

ముంబై పోలీసు అధికారులు తెలిపిన వివరాల ప్రకారం.. ముగ్గురు మత్స్యకారులు కువైట్‌లో పనిచేస్తున్నందుకు తమకు జీతం రావడం లేదని విచారణలో చెప్పారు. దీంతో అబ్దుల్లా షరీఫ్ అనే బోటును దొంగిలించి అక్కడి నుంచి భారత్‌కు పారిపోయారు. దారి తప్పిపోవడంతో ముంబై చేరుకున్నారు. అయితే ఈ విషయాన్ని ధ్రువీకరిస్తున్నట్లు పోలీసు అధికారులు చెబుతున్నారు.

We’re now on WhatsApp : Click to Join

కసబ్, అతని స‌హచరులు కూడా ఈ మార్గం గుండా వ‌చ్చారు

అజ్మల్ కసబ్, అతని తొమ్మిది మంది పాకిస్తానీ ఉగ్రవాద సహచరులు నవంబర్ 2008లో పాకిస్తాన్‌లోని కరాచీ నుండి పడవలో ముంబైలోకి ప్రవేశించారు. ఈ వ్యక్తులు నవంబర్ 26, 2008న విచక్షణారహితంగా కాల్పులు జరిపారు. ముంబైలోని తాజ్ హోటల్‌తో సహా అనేక ప్రదేశాలలో విధ్వంసం సృష్టించారు. ఈ కారణంగా ముంబై పోలీసులు, భద్రతా దళాలకు చెందిన 18 మంది సిబ్బందితో సహా మొత్తం 166 మంది మరణించారు. దీని తరువాత సముద్ర భద్రతను కట్టుదిట్టం చేయాలనే వాదనలు ఉన్నాయి. అయితే ఈ మత్స్యకారులు కువైట్ నుండి ముంబైకి చేరుకున్న తర్వాత ఈ వాదనలు ఇప్పుడు బహిర్గతమయ్యాయి.

Follow us