Former Gujarat CM Vijay Rupani: కుప్ప‌కూలిన విమానం.. గుజ‌రాత్ మాజీ సీఎం ప‌రిస్థితి ఎలా ఉంది?

Former Gujarat CM Vijay Rupani

Former Gujarat CM Vijay Rupani: గుజరాత్‌లోని అహ్మదాబాద్‌లో గురువారం ఎయిర్ ఇండియా విమానం కుప్ప‌కూలిన విష‌యం తెలిసిందే. ఈ విమాన ఘ‌ట‌న‌లో గుజరాత్ మాజీ ముఖ్యమంత్రి విజయ్ రూపానీ (Former Gujarat CM Vijay Rupani) మరణించిన‌ట్లు వార్త‌లు వ‌స్తున్నాయి. రాజ్యసభ సభ్యుడు పరిమల్ నాథ్వానీ ఎక్స్‌లో పోస్ట్ చేసి ఈ సమాచారాన్ని తెలిపారు. ఎయిర్ ఇండియా ఫ్లైట్‌లో మాజీ సీఎం విజయ్ రూపానీ కూడా ఉన్నారు.

రాజ్యసభ సభ్యుడు పరిమల్ నాథ్వానీ ఎక్స్‌లో పోస్ట్ చేస్తూ.. “అహ్మదాబాద్ ఎయిర్‌పోర్ట్ సమీపంలో జరిగిన ఎయిర్ ఇండియా విమాన దుర్ఘటనలో గుజరాత్ మాజీ ముఖ్యమంత్రి విజయ్ రూపానీ మరణించారని తెలిసి బాధపడ్డాను. నేను ఆయనను గత కొన్ని సంవత్సరాలుగా వ్యక్తిగతంగా గుర్తిస్తున్నాను. ఆయన చాలా మంచి వ్యక్తి. ఆయన అకాల మరణంపై నాకు మాటలు రావడం లేదు. ఈ దుఖకర సమయంలో ఆయన కుటుంబానికి నా హృదయపూర్వక సానుభూతి తెలియజేస్తున్నాను. ద్వారకాధీశ్ భగవాన్ ఆయనకు శాంతిని ప్రసాదించాలని కోరుకుంటున్నాను. ఓం శాంతి” అని రాశారు. అయితే మాజీ సీఎం మృతిపై ఇప్ప‌టికీ ఎలాంటి అధికారిక ప్ర‌క‌ట‌న వెలువ‌డ‌లేదు. నాథ్వానీ పోస్ట్ పెట్టి వెంట‌నే డిలీట్ చేశారు.

Also Read: Ahmedabad : బీజే మెడికల్‌ కాలేజీ హాస్టల్‌పై పడిన విమానం.. పలువురు ఎంబీబీఎస్ విద్యార్థులు, డాక్టర్లు మృతి..!

श्री विजयभाई रूपानी, जिनके साथ गुजरात विधानसभा में एक साथी सदस्य के रूप में कम किया था उनकी आज की हादसे वाले हवाई जहाज में आखरी तस्वीर । pic.twitter.com/9ylxfdnpee

— Shaktisinh Gohil MP (@shaktisinhgohil) June 12, 2025

భార్యను తీసుకురావడానికి లండన్‌కు వెళుతున్న విజయ్ రూపానీ

మాజీ సీఎం విజయ్ రూపానీ ఎయిర్ టికెట్ కూడా వెలుగులోకి వచ్చింది. ప్రయాణికుల జాబితాలో ఆయన పేరు 12వ స్థానంలో ఉంది. విజయ్ రూపానీ భార్య అంజలి రూపానీ లండన్‌లో ఉన్నారని సమాచారం. ఆమెను తిరిగి తీసుకురావడానికి ఆయన లండన్‌కు వెళుతున్నట్లు తెలుస్తోంది.

అహ్మదాబాద్‌లో విమాన దుర్ఘటన

ఎయిర్ ఇండియా విమానం AI171 అహ్మదాబాద్ నుండి లండన్‌కు వెళుతోంది. టేకాఫ్ అయిన కొన్ని నిమిషాల్లోనే ఈ విమానం సాంకేతిక లోపం కార‌ణంగా కుప్ప‌కూలింది. ఈ దుర్ఘటన అహ్మదాబాద్ విమానాశ్రయం సమీపంలోని మేఘానీ నగర్‌లో జరిగింది. అక్కడ విమానం నేలకు కూలిన వెంటనే మంటలు చెలరేగాయి.

Follow us