Green Ganesha: పసుపుతో వినాయకుడిని చేసిన హీరోయిన్.. ఆమె ట్యాలెంట్ కు నెటిజన్స్ ఫిదా!

ఎవడబ్బ సొత్తు కాదు రా టాలెంటు.. ఈ పాటలో మనం వినే ఉంటాం. ఈ పాటలో రాసిన విధంగా టాలెంట్ అన్నది ఏ ఒక్కరి సొంతం కాదు. ఒక్కొక్కరిలో ఒక్కొక్క రకమైన టాలెంట్ ఉంటుంది. అది సమయం సందర్భం బట్టి బయటపడుతూ ఉంటుంది. ఈ మధ్యకాలంలో సోషల్ మీడియా బాగా డెవలప్ అవ్వడంతో చాలామంది వారిలో ఉన్న టాలెంట్ ని ఈ సోషల్ మీడియా వేదిక బయట పెడుతున్నారు. ఇలా సామాన్యులు మాత్రమే కాకుండా సెలబ్రిటీలు సైతం వారిలో ఉన్న చిన్నచిన్న టాలెంట్లను బయటపెడుతున్నారు.

తాజాగా టాలీవుడ్ హీరోయిన్ వరుణ్ సందేశం భార్య వితికా షేరు కూడా తనలో ఉన్న టాలెంట్ ని సోషల్ మీడియా వేదికగా పంచుకుంది. రేపు అనగా ఆగస్టు 31వ తేదీన వినాయక చవితి పండుగ సందర్భంగా ఆమె పిండి పసుపుతో కలిపి వినాయకుడి విగ్రహాన్ని ఎంతో అద్భుతంగా తయారు చేసింది. ఆ తయారీ విధానాన్ని వీడియో తీసి సోషల్ మీడియాలో పోస్ట్ చేసింది. అందుకు సంబంధించిన వీడియో ప్రస్తుతం సోషల్ మీడియాలో తెగ వైరల్ అవుతోంది. ఆ వీడియోలో వితికా ముందుగానే పసుపు పిండి కలిపిన మిశ్రమాన్ని ఒక పిండిలా తయారు చేసుకుని వాటితో ఒక చిన్న బుజ్జి గణేశుని తయారు చేసింది.

 

 

View this post on Instagram

 

A post shared by Vithika Sheru (@vithikasheru)

అంతే కాకుండా ఆ చిట్టి గణనాథుడికి సహజసిద్ధమైన రంగులు వేసింది. అనంతరం అందుకు సంబంధించిన వీడియో ని సోషల్ మీడియాలో పోస్ట్ చేస్తూ పర్యావరణ హిత గణేశుడిని ప్రతిష్టించండి అని రాసుకొచ్చింది. ఆ వీడియోని చూసిన అన్ని డిజైన్స్ వితికా టాలెంట్ పై ప్రశంసలు కురిపిస్తున్నారు. కాగా వితికా తయారుచేసిన ఆ విగ్రహం అచ్చం మార్కెట్ లో లభించే విగ్రహం లాగా కనిపిస్తోంది. దీంతో పలువురు ఆమె పై కామెంట్ల వర్షం కురిపిస్తున్నారు.