Actress Rambha: హీరోయిన్ రంభ కారుకు ప్రమాదం.!
సినీ నటి రంభ ప్రయాణిస్తోన్న కారు కెనడాలో రోడ్డు ప్రమాదానికి గురైంది.
- By Gopichand Published Date - 10:48 AM, Tue - 1 November 22
సినీ నటి రంభ ప్రయాణిస్తోన్న కారు కెనడాలో రోడ్డు ప్రమాదానికి గురైంది. తన పిల్లలను స్కూల్ నుంచి తీసుకొస్తుండగా వీరి కారును మరో వాహనం ఢీ కొట్టింది. ఈ ప్రమాదంలో రంభ స్వల్పంగా గాయపడగా.. ఆమె కుమార్తె ఆసుపత్రిలో చికిత్స పొందుతోంది. ఈ విషయాన్ని రంభ సోషల్ మీడియా వేదికగా వెల్లడించింది.
నేను పిల్లలను స్కూల్ నుండి పికప్ చేస్తున్నప్పుడు, మరొక కారు మా కారును ఢీకొట్టింది. నేను, పిల్లలు, అమ్మమ్మ ఆ కారులో ఉన్నాము. చిన్నపాటి గాయాలు అయ్యాయి. మేమంతా క్షేమంగా ఉన్నాము. కానీ నా చిన్న కూతురు సాషా మాత్రం ఆసుపత్రిలోనే ఉంది. బ్యాడ్ టైం బ్యాడ్ డేస్.మా కోసం ప్రార్థించండి. మీ ప్రార్థనలు చాలా ముఖ్యమైనవి అంటూ నటి రంభ సోషల్ మీడియా పోస్ట్ను షేర్ చేశారు. ఈ ఘటన ఎప్పుడు జరిగిందో రంభ ఎలాంటి సమాచారం ఇవ్వలేదు. పెళ్లి తర్వాత రంభ టొరంటోలో స్థిరపడింది. రంభకు ముగ్గురు పిల్లలు. మొదటి కూతురు లాన్య, రెండో కూతురు సాషా, కొడుకు శివిన్. ప్రస్తుతం రెండో కుమార్తె సాషా ఆస్పత్రిలో చికిత్స పొందుతోంది.
2010లో కెనడాలో జన్మించిన వ్యాపారవేత్త ఇంద్రకుమార్ పద్మనాదన్ను రంభ వివాహం చేసుకుంది. జగ్గేష్ నటించిన ‘సర్వర్ సోమన్న’ సినిమా ద్వారా రంభ కన్నడ సినీ రంగానికి పరిచయమైంది. రంభ మొదటి పేరు అమృత. రంభ తెలుగు, తమిళం, మలయాళం, హిందీ, బెంగాలీ, భోజ్పురి, ఆంగ్ల భాషా చిత్రాలలో నటించింది. స్టార్ నటీనటుల సినిమాల్లో హీరోయిన్ గా నటించింది రంభ. పెళ్లి తర్వాత రంభ సినిమా రంగానికి దూరంగా ఉంది. కుటుంబంతో సమయం గడుపుతున్న రంభ సోషల్ మీడియాలో యాక్టివ్గా ఉంటూ తరచూ కుటుంబం గురించి సమాచారం ఇస్తోంది.
Related News
Indian Student: విదేశాల్లో మరో దారుణం.. ఇండియన్ స్టూడెంట్ ను కాల్చి చంపేశారు
Indian Student: ఉన్నత విద్య కోసం విదేశాలకు వెళ్తున్న భారతీయ విద్యార్థులు అనుమానస్పదంగా చనిపోతుండటం కలిచివేస్తోంది. ఇప్పటికే 11 మంది భారతీయ విద్యార్థులు చనిపోయారు. అందులో అమ్మాయిలు, అబ్బాయిలు ఉన్నారు. వరుస ఘటనలతో ఏం జరుగుతుందో తెలియక తల్లిదండ్రులు భయాందోళనకు గురవుతున్నారు. తాజాగా కెనడాలో కెనడాలోని వాంకోవర్ లో 24 ఏళ్ల భారతీయ విద్యార్థిని కారులో కాల్చి చంపారు. చిరాగ్ అంటిల్ (24) అన�