Rape Case: 12 ఏళ్ళ బాలికపై అత్యాచారం.. నగ్నంగా సాయం కోసం ఇంటింటికి

Rape Case:  మధ్యప్రదేశ్ లో హృదయ విదారక సంఘటన వెలుగు చేసింది మధ్యప్రదేశ్ లోని ఉజ్జయినిలో 12 ఏళ్ళ బాలిక అత్యాచారానికి గురైంది. ఆ తరువాత రక్తపు మరకలతో బాలిక సహాయం కోసం పరిసర ప్రాంతంలోని ప్రతి ఇంటి గడప తట్టింది. ఏ ఒక్కరు కనికరించలేదు. బాలిక వీధుల్లో నగ్నంగా తిరుగుతూ ఉన్నప్పుడు కొందరు వీడియోలు చిత్రీకరించారు. మరికొందరు బాలికను తరిమేశారు. దిక్కుతోచని స్థితిలో ఆ బాలిక చివరకు రక్తపు మడుగులో అపస్మారక స్థితిలోకి వెళ్ళింది. స్థానికుల సమాచారంతో పోలీసులు వచ్చి బాలికను స్థానిక ఆస్పత్రిలో చేర్పించారు. ఆ తర్వాత దర్యాప్తు ప్రారంభించారు.

సోషల్ మీడియాలో వైరల్ అవుతున్నబాలిక వీడియో సమాజం సిగ్గుతో తలదించునే విధంగా ఉంది. రక్తస్రావంతో నగ్న స్థితిలో బాలిక సహాయం కోరుతూ ఇంటింటికీ వెళుతున్న తీరు అత్యంత బాధాకరం. కేసుని సీరియస్ గా తీసుకున్న పోలీసులు ఆ దిశగా దర్యాప్తు చేపట్టారు. కొన్ని గంటల్లోనే గుర్తు తెలియని వ్యక్తులపై కేసు నమోదు చేశారు. ఈ ఘటనపై ఎవరికైనా పూర్తి సమాచారం ఉంటే తమను సంప్రదించాలని ఎస్పీ ప్రజలకు విజ్ఞప్తి చేశారు. బాలిక వివరాలు ఇంకా తెలియరాలేదు. మధ్యప్రదేశ్‌లోని ఉజ్జయినీకి 15 కిలోమీటర్ల దూరంలోని బద్‌నగర్ రోడ్డు వద్ద ఉన్న సీసీటీవీ కెమెరాలో ఈ దృశ్యాలు రికార్డయ్యాయి.

Also Read: khairatabad Ganesh Immersion : ఖైరతాబాద్ మహాగణపతి శోభాయాత్ర ఫుల్ డీటెయిల్స్