Womens Day : ‘అంతర్జాతీయ మహిళా దినోత్సవం’.. చరిత్ర, 2024 థీమ్ వివరాలివీ
Womens Day : మహిళలు ఇప్పుడు అన్ని రంగాల్లో రాణిస్తున్నారు. పురుషులకు ధీటుగా వనితలు తమ సత్తాను చాటుకుంటున్నారు.
- By Pasha Published Date - 08:43 AM, Sat - 2 March 24
Womens Day : మహిళలు ఇప్పుడు అన్ని రంగాల్లో రాణిస్తున్నారు. పురుషులకు ధీటుగా వనితలు తమ సత్తాను చాటుకుంటున్నారు. మహిళలకు వెరీవెరీ స్పెషల్గా నిలిచే ‘అంతర్జాతీయ మహిళా దినోత్సవం’ (Womens Day) ఈనెల 8న జరగనుంది. ఈఏడాది ‘అంతర్జాతీయ మహిళా దినోత్సవం’ థీమ్ ఏమిటో తెలుసా ? ‘‘ఇన్స్పైర్ ఇన్క్లూజన్’’!! విభిన్న నేపథ్యాలతో, వివిధ రంగాలలో రాణిస్తున్న మహిళామణులను గౌరవించడం, ప్రోత్సహించడమే ఈ థీమ్ లక్ష్యం. అలాంటి మహిళల విజయాలను మరింత మంది వనితలకు తెలియజేయడం కూడా ఈ థీమ్ లక్ష్యంలో భాగమే. రాజకీయాలు, వ్యాపారం, సేవాభావం వంటి వాటిపై మహిళల అభిప్రాయాలను తెలుసుకోవడం కూడా ఇందులో చాలా కీలకం. ప్రపంచంలో స్త్రీ, పురుష సమానత్వ భావజాలాన్ని వ్యాపింపజేయడం సైతం ఈసందర్భంగా అందరి బాధ్యత. మహిళల సాధికారత కోసం మద్దతునిస్తున్న స్వచ్ఛంద సేవా సంస్థలపై చర్చించడం అనేది ఈవారంలో చాలా ముఖ్యం.
We’re now on WhatsApp. Click to Join
చారిత్రక విశేషాలివీ..
- అంతర్జాతీయ మహిళా దినోత్సవం కార్మిక ఉద్యమం నుంచి పుట్టుకొచ్చింది.
- 1908లో తక్కువ పనిగంటలు, మెరుగైన జీతం, ఓటు హక్కు కోసం అమెరికాలోని న్యూయార్క్ సిటీలో 15 వేల మంది మహిళలు ప్రదర్శన చేశారు.
- నాడు మహిళల డిమాండ్లను దృష్టిలో పెట్టుకుని అమెరికాలోని సోషలిస్టు పార్టీ 1909వ సంవత్సరంలో జాతీయ మహిళా దినోత్సవాన్ని ప్రకటించింది.
- క్లారా జెట్కిన్ అనే ఒక మహిళ 17 దేశాల ఇంటర్నేషనల్ కాన్ఫరెన్స్ ఆఫ్ వర్కింగ్ ఉమెన్స్ సదస్సులో అంతర్జాతీయ మహిళా దినోత్సవాన్ని నిర్వహించాలని ప్రతిపాదన చేయగా దానికి కాన్ఫరెన్స్ కు వచ్చిన అన్ని దేశాల మద్దతు లభించింది.
- మహిళా దినోత్సవాన్ని 1975 సంవత్సరంలో ఐక్యరాజ్యసమితి గుర్తించి.. నాటి నుంచి ఏటా అధికారికంగా నిర్వహిస్తోంది.
- అంతర్జాతీయ మహిళా దినోత్సవాన్ని తొలిసారిగా 1911లో ఆస్ట్రియా, డెన్మార్క్, జర్మనీ, స్విట్జర్లాండ్ దేశాల్లో నిర్వహించారు.
- 2011లో అంతర్జాతీయ మహిళా దినోత్సవ శతాబ్ది వేడుకలు కూడా జరిగాయి.
అంతర్జాతీయ మహిళా దినోత్సవం రోజున అధికంగా ఊదారంగును ధరిస్తారు. ఊదారంగు (పర్పుల్), ఆకుపచ్చ, తెలుపు.. మహిళా దినోత్సవం రంగులని ఇంటర్నేషనల్ వుమెన్స్ డే వెబ్సైట్ చెబుతోంది. ‘‘ఊదారంగు న్యాయానికి, గౌరవానికి ప్రతీక. ఆకుపచ్చ ఆశాదృక్పథాన్ని సూచిస్తుంది. తెలుపు స్వచ్ఛతకు ప్రతిరూపం (ఇది వివాదాస్పద భావన అయినప్పటికీ). ఈ రంగులు 1908లో బ్రిటన్లోని వుమెన్స్ సోషల్ అండ్ పొలిటికల్ యూనియన్ (WSPU)లో పుట్టుకొచ్చాయని’’ అని చెబుతుంటారు.
Tags
Related News
Women’s Day : మహిళల ప్రాతినిధ్యం గురించి..
Women’s Day: కాలానుగుణంగా మారుతున్న పరిస్థితులు, ధోరణుల నేపథ్యంలో గతంతో పోలిస్తే మహిళల ప్రాతినిధ్యంలో ఎంత మెరుగుదల ఉందో తెలుసుకుదాం.. వివిధ రంగాల్లో మహిళల ప్రాతినిధ్యం గురించి ప్రస్తావిస్తే, గత కొన్నేళ్లుగా ప్రాతినిధ్యం పెరిగినట్లు ప్రభుత్వ గణాంకాలు చెబుతున్నాయి. మరింత నిశితంగా గమనిస్తే ఆ గణాంకాలు మరింత మెరుగుపడే అవకాశం ఉందని నిపుణులు అంటున్నారు. భారత్లో మహిళా శ్ర�