Telugu States: తెలుగు రాష్ట్రాల్లో అత్యంత ధనవంతులు వీరే

Adani

Telugu States: హురున్ ఇండియా భారతదేశంలోని అత్యంత సంపన్నుల జాబితాను ప్రకటించింది. 360 వన్ వెల్త్‌తో సంయుక్తంగా ఈ జాబితాను విడుదల చేసింది. ఇందులో దిగ్గజ వ్యాపారవేత్త, రిలయన్స్ అధినేత ముఖేష్ అంబానీ అగ్రస్థానంలో నిలిచారు. గతేడాది అగ్రస్థానంలో ఉన్న అదానీ గ్రూప్‌ చైర్మన్‌ గౌతమ్‌ అదానీ రెండో స్థానానికి పడిపోయారు. ఆగస్టు 30 నాటికి, భారతదేశంలోని 138 నగరాల నుండి 1319 మంది వ్యక్తులు హురున్ జాబితాలో చేర్చబడ్డారు.

వీరిలో 105 మంది తెలుగు రాష్ట్రాల (ఆంధ్రప్రదేశ్, తెలంగాణ)కు చెందిన వారు. తెలుగు రాష్ట్రల్లో కూడా ధనవంతులు కూడా ఉన్నారు. ఈ 105 మందిలో ఐదుగురు మహిళలు ఉన్నారు. వారి మొత్తం సంపద విలువ రూ. 5.25 లక్షల కోట్లు. గతేడాదితో పోలిస్తే ఇది 33 శాతం అధికం. రెండు రాష్ట్రాల నుంచి 12 మంది బిలియనీర్లు ఉన్నారు. ఈ జాబితాలోని మొత్తం చూస్తే దివీస్ మురళి రూ. 55,700 కోట్ల సంపదతో అగ్రస్థానంలో నిలిచింది. మేఘా ఇంజినీరింగ్‌కు చెందిన పిచ్చిరెడ్డి రూ. 37,300 కోట్లతో రెండో స్థానంలో ఉంది. ఈ జాబితాలో మేధా సర్వో డ్రైవ్‌ల నుంచి ఐదుగురు ఉండటం గమనార్హం. తెలుగు రాష్ట్రాల నుంచి జాబితాలో ఉన్నవారిలో 83 శాతం మంది హైదరాబాద్‌లో నివసించేందుకు ఇష్టపడుతున్నారని హురున్ పేర్కొంది. ఈ 105 మందిలో 87 మంది హైదరాబాద్‌కు చెందిన వారు కావడం గమనార్హం.

మహిమా దాట్ల హురూన్ జాబితాలో అత్యంత సంపన్న మహిళ. ఆమె జీతం రూ. 5700 కోట్లు. ఫార్మా రంగానికి చెందిన వారు 33 మంది ఉన్నారు. టాప్-20లో వీరిని పరిశీలిస్తే, మనోజ్ నంబూరు, ప్రవీణ్ కుమార్‌తో పాటు జి.రవీంద్రరావు, కుటుంబం (యశోద హెల్త్‌కేర్ సర్వీసెస్- రూ. 5400 కోట్లు), ఎన్.విశ్వేశ్వర రెడ్డి, కుటుంబం (షిర్డీ సాయి ఎలక్ట్రికల్స్- రూ. 4600 కోట్లు. ), మరియు రూ. 4300 కోట్లతో సజ్జ కిషోర్ బాబు, ఆయన కుటుంబం తెలుగు రాష్ట్రాల నుంచి తొలిసారిగా హురున్ జాబితాలో చోటు దక్కించుకున్నారు.

Follow us