Beggars : బిచ్చగాళ్లే లేని దేశం ఏదో తెలుసా..?

ఇప్పుడు ఎక్కడ చూసిన బిచ్చగాళ్లు (Beggars ) అనేవారు కనిపిస్తూనే ఉంటారు. ఒకప్పుడు కాళ్లు చేతులు లేనివారు ,గుడ్డివారు బిక్షాటన చేస్తూ కనిపించేవారు..కానీ ఇప్పుడు అంత మంచి గా ఉండి కూడా బిక్షం ఎత్తుకుంటున్నారు. కొందరు తమ ఆకలిని తీర్చుకోవడానికి అడుక్కుంటే మరికొందరు అవయవాలు లేక, వృద్దాప్యంలో ఏ పని చేసుకోలేక బిక్షాటన చేస్తుంటారు. భారతదేశంలో ఎక్కువ మంది యాచకులు ఉన్న రాష్ట్రంగా పశ్చిమ బెంగాల్ మొదటి స్థానంలో నిలువగా..అసలు బిచ్చగాళ్లు లేని దేశం కూడా ఒకటి ఉందనే సంగతి మీకు తెలుసా..?

మన పొరుగు దేశం భూటాన్ (Bhutan) లో నిలువ నీడ లేనివారు, బిచ్చగాళ్లు ఏమాత్రం కనిపించరు. ప్రపంచంలోని అత్యంత సంతోషకరమైన దేశాల జాబితాలో క్రమం తప్పకుండా చోటు సంపాదిస్తుంటుంది ఈ దేశం. అక్కడి ప్రజల కనీస అవసరాల్ని ప్రభుత్వమే తీరుస్తుంది. వారికి నివాసం, భూమి, ఆహార భద్రత వంటివన్నీ చూసుకుంటుంది. దీంతో ఇతర దేశాల్లో కనిపించే సహజమైన సమస్యలు అక్కడ కనిపించవు.

అసలు ఈ దేశంలో బిచ్చగాళ్లను ఒక్కర్ని అయినా చూద్దామంటే కనిపించరు. ఈ ప్రత్యేకతకు కారణం అక్కడి సాంప్రదాయాలు, జీవన విధానం, మరియు ప్రభుత్వ విధానాలు. భూటాన్ లో తమ పౌరులకు జీవనాధారాన్ని కల్పించడం కోసం మంచి సంక్షేమ విధానాలు అమలు చేస్తోంది. అందుకే అక్కడ ప్రతి వ్యక్తి తగిన జీవనోపాధిని పొందగలుగుతున్నాడు. భూటాన్ ప్రజలు బౌద్ధమతం ఆచారాలు, విలువలు పాటిస్తూ జీవిస్తారు. ఈ సాంప్రదాయాలు మనసు తక్కువ కావాలని, దానధర్మం చేయాలని ప్రోత్సహిస్తాయి. ఎవరైనా అవసరంలో ఉన్నప్పుడే సహాయం చేస్తారు, పిచ్చివారిని చులకన చేయరు. వనరుల వినియోగం మరియు వృత్తులలో సమతుల్యత ఉండటం వల్ల, ప్రతి వ్యక్తి స్వయం సమృద్ధిగా జీవించగలడు. అటు వ్యవసాయం, గృహకార్మికులు, సాదారణ వ్యాపారాలు చేస్తున్న వారు పట్ల సమానమైన గౌరవం ఏర్పరచుకుంటారు.

భూటాన్‌ ప్రజలు సంపద కంటే సంతోషం ముఖ్యమని నమ్ముతారు. ఈ విధానం ద్వారా సంతోషకరమైన, ఆర్థికంగా స్థిరమైన జీవనం విధానాన్ని అనుసరిస్తుంటారు. దీని వల్ల బిచ్చగాళ్ల అవసరం తక్కువగా ఉంటుంది. ఎవరికైనా అవసరమున్నపుడు స్నేహితులు, కుటుంబసభ్యులు, లేదా సమాజం సహాయం అందిస్తారు. దీంతో బిచ్చం ఎత్తుకోవాల్సిన అవసరం వారికీ ఉండదు.

ఇక భూటాన్ లో చూడదగ్గ పర్యాటక ప్రదేశాలు ఎన్నో ఉన్నాయి. స్వచ్ఛమైన ప్రకృతి, చారిత్రక కట్టడాలు, ఆధ్యాత్మికతతో కూడిన దేవాలయాలు, పర్వతాలు వంటి అందాలను కలిగి ఉండడంతో నిత్యం పర్యాటకులతో సందడి గా ఉంటుంది. ఇక్కడ కొన్ని ముఖ్యమైన ప్రదేశాల గురించి తెలుసుకుందాం:

1. టైగర్ నెస్ట్ మోనాస్టరీ (తక్త్సాంగ్ బుద్ధిక క్షేత్రం):

భూటాన్‌లో అత్యంత ప్రసిద్ధమైన పుణ్యక్షేత్రం. ఇది పర్వతపు పైభాగంలో 10,000 అడుగుల ఎత్తులో ఉంది. పర్వతాల్లో వేలాడుతున్నట్లుగా కనిపించే ఈ ఆలయం ఆధ్యాత్మికత, శాంతి కోసం ప్రసిద్ధి చెందింది. దీనిని చేరుకోవాలంటే కొంత ప్రయాణం చేయాల్సి ఉంటుంది, కానీ అందమైన పర్వత దారులు మీకు అందమైన అనుభూతినిస్తుంది.

2. పారో డ్జాంగ్:

ఇది భూటాన్‌లో అత్యంత ప్రసిద్ధ మరియు చారిత్రక కట్టడాలలో ఒకటి. ఇక్కడ ఇప్పటికీ సాంప్రదాయ పూజలు, బౌద్ధ ఆచారాలు నిర్వహించబడుతాయి. ఇది భూటాన్ యొక్క సంప్రదాయ శిల్ప కళకు ఉదాహరణగా నిలుస్తుంది.

3. తింపూ:

భూటాన్ రాజధాని తింపూ అందమైన లోయల్లో ఉంది. ఇక్కడ బుద్ధ దోర్డెన్ స్ట్యాచ్యూ అనే ప్రపంచంలోనే అతిపెద్ద బుద్ధ విగ్రహం ఉంది. ఈ విగ్రహం ఆధ్యాత్మికతకు ప్రతీకగా నిలుస్తూ పర్యాటకులను ఆకర్షిస్తుంది. తింపూలోని స్థానిక మార్కెట్లు, సంప్రదాయ కళా ప్రదర్శనలు చూడదగ్గవి.

4. పునాఖా డ్జాంగ్:

పునాఖా డ్జాంగ్ భూటాన్‌లో అత్యంత అందమైన డ్జాంగ్‌లలో ఒకటిగా పేరు పొందింది. భూటాన్ రాజులు, ముఖ్యమంత్రులు ఇలా ఎంతో మంది ఇక్కడ తాము తమ రాజకీయ, ధార్మిక విధులు నిర్వహించారు. ఈ డ్జాంగ్ పునాఖా, మొచు నదుల సంగమస్థలంలో ఉండటం కూడా దీని ప్రత్యేకతను పెంచింది.

5. బుమ్తాంగ్ లోయలు:

బుమ్తాంగ్ లోయలు భూటాన్‌లోని ఆధ్యాత్మిక ప్రదేశాలలో ముఖ్యమైనవి. ఇక్కడ అనేక పుణ్యక్షేత్రాలు, పగోడాలు, మరియు పౌరాణిక కథలతో పాటు పర్వత దారులు ఉన్నాయి. భౌతిక పరిరక్షణలో భాగంగా భూమి అందాలు, పచ్చని లోయలు సందర్శకులను ఆకట్టుకుంటాయి.

6. హా వ్యాలీ:

భూటాన్‌లోని ప్రకృతి రమణీయతతో పాటు సంప్రదాయ జీవనానికి ప్రసిద్ధి పొందిన ప్రాంతం. ఇక్కడి పర్వతాలు, చారిత్రక ఆలయాలు మరియు నదులు పర్యాటకులను విశేషంగా ఆకర్షిస్తాయి. హా వ్యాలీకి పర్యటన ద్వారా భూటాన్ పల్లె జీవితాన్ని దగ్గరగా చూస్తూ ప్రకృతితో అనుబంధం పొందవచ్చు.

7. చీమీ లఖాంగ్:

ఇది “ఫెర్టిలిటీ టెంపుల్” గా ప్రసిద్ధి పొందింది. పిల్లలు పుట్టాలనుకునే దంపతులు ఇక్కడ పూజలు చేస్తారు. ఇది భూటాన్‌లోని వినూత్నమైన ఆలయాల్లో ఒకటి. చీమీ లఖాంగ్ వద్ద చారిత్రక దేవాలయ కళాఖండాలు, సంప్రదాయ చిత్రాలు చూడవచ్చు.

8. ఫొబ్జికా వ్యాలీ:

పర్వతాలతో చుట్టుముట్టిన ఫొబ్జికా వ్యాలీ ప్రకృతి అందాలను ఆస్వాదించాలనుకునే వారికి మంచి గమ్యం. ఇందులో ప్రసిద్ధ బ్లాక్ నెక్ట్ క్రేన్లు వలస వచే ప్రాంతం, వాటిని చూస్తూ ఆనందించే అవకాశాన్ని కల్పిస్తుంది.

9. ట్రోన్స్ా డ్జాంగ్:
ఇది భూటాన్‌లో అతి పెద్ద డ్జాంగ్‌గా పేరుగాంచింది. చారిత్రక పరంగా ఇది భూటాన్ భూభాగాన్ని సంరక్షించే కోటగా ఉండేది. టిబెటన్ శిల్పకళకు ఒక ఉదాహరణగా నిలుస్తూ, దీనికి గొప్ప చారిత్రక ప్రాధాన్యత ఉంది.

10. లునానా ప్రాంతం:

సాహసయాత్రికులకు ప్రత్యేకంగా భూటాన్‌లోని లునానా ప్రాంతం అన్వేషణా ఆసక్తికి తగిన గమ్యం. ఈ ప్రదేశం 12,000 అడుగుల ఎత్తులో ఉండి, కఠినమైన వాతావరణం, కదిలే మంచు మేఘాలతో అందమైన సన్నివేశాలను అందిస్తుంది.

Read Also : Anushka’s Ghaati First Look: ఘాటీ ఫస్ట్ లుక్ వచ్చేసింది.. చుట్టా వెలిగించిన స్వీటీ!