Rajya Sabha : రాజ్యసభకు ఏకగ్రీవంగా ఎన్నికైన కమల్ హాసన్

ప్రముఖ సినీ నటుడు, మక్కల్ నీది మయ్యం పార్టీ అధ్యక్షుడు కమల్ హాసన్ (Kamal Haasan ) తాజాగా రాజ్యసభకు ఏకగ్రీవంగా ఎన్నికయ్యారు. ఆయన రాజకీయ ప్రయాణంలో ఇది ఒక ముఖ్యమైన మలుపుగా చెప్పవచ్చు. తమిళనాడులో అధికారంలో ఉన్న డీఎంకే పార్టీ (DMK) మిత్రపక్షంగా కమల్ హాసన్‌కు రాజ్యసభ సీటు కేటాయించింది. ఇది వారి రాజకీయ స్నేహానికి నిదర్శనంగా కనిపిస్తుంది.

Kakani Govardhan Reddy: మాజీ మంత్రి కాకాణిపై వరుస కేసులు..మరో రెండు నమోదు

తమిళనాడు నుంచి రాజ్యసభకు ఖాళీ అయిన సీటుకు ఇటీవల నామినేషన్ ప్రక్రియ ప్రారంభమైంది. డీఎంకే పార్టీ తరపున కమల్ హాసన్ పేరు ప్రకటించగా, ఆయన నామినేషన్ వేసారు. ఆసక్తికర విషయం ఏమంటే.. ఆ సీటుకు ఇతర అభ్యర్థులు ఎవరూ నామినేషన్ వేయలేదు. దీంతో ఎన్నికల కమిషన్ కమల్ హాసన్‌ను ఏకగ్రీవంగా ఎన్నికైనవారిగా ప్రకటించింది.

ఈ విజయం కమల్ హాసన్ రాజకీయ ప్రస్థానానికి బలాన్ని చేకూర్చనుంది. సినీ నటుడిగా తనకున్న ప్రజాదరణను రాజకీయ వేదికపై సార్థకంగా మలచుకునే అవకాశం ఇది. రాబోయే రోజుల్లో రాజ్యసభలో ఆయన మాట్లాడే మాటలు, ప్రతిపాదనలు దేశ రాజకీయ వర్గాల్లో ఆసక్తిని రేపే అవకాశం ఉంది. డీఎంకే మద్దతుతో ఆయనను ఎంపిక చేయడం, మిత్రపక్షాల మధ్య ఐక్యతను మరింత బలపరిచే అంశంగా భావించవచ్చు.