Dog Temple : ఆలయంలో శునకానికి విగ్రహం.. ఎక్కడ ? ఎందుకు ?

Dog Temple : అక్కడి ఓ గుడిలో కుక్క విగ్రహాన్ని పూజిస్తున్నారు. కుక్క విగ్రహానికి పూజలు ఈరోజో.. రేపో.. మొదలుకాలేదు. దాదాపు వందేళ్ల కిందటి నుంచే కుక్క విగ్రహాన్ని ఆ ప్రాంత ప్రజలు పూజిస్తున్నారు. ఇంతకీ ఎక్కడ ? ఉత్తరప్రదేశ్​లోని బులంద్​ షహర్​లో ఉన్న సికందరాబాద్‌లో ఈ అరుదైన ఆలయం ఉంది. ఈ గుడిలో శునకం విగ్రహానికి పూజలు చేయడానికి ఒక బలమైన కారణం ఉందని భక్తులు విశ్వసిస్తారు. అదేమిటో ఇప్పుడు తెలుసుకుందాం..

We’re now on WhatsApp. Click to Join.

దాదాపు 100 ఏళ్ల కిందట సికందరాబాద్‌లో బాబా లటూరియా ఉండేవారట. ఆయన సొంతంగా ఒక దేవాలయాన్ని నిర్మించారు. అందులోనే ఉంటూ.. ఇక కుక్కను బాబా లటూరియా పెంచుకునేవారు. ఆ కుక్కను..  ‘బైరో బాబా’గా పిలిచేవారు. ఓ రోజు బాబా లటూరియా తాను నిర్మించిన గుడిలోనే సజీవ సమాధి అయ్యేందుకు రెడీ అయ్యారట. ఈ సమయంలో బైరో బాబా(శునకం) కూడా సజీవ సమాధిలోకి దూకిందని చెబుతారు.