Female Doctors Treatment: మగ డాక్టర్లు వద్దు.. మహిళా వైద్యులే ముద్దు.. షాకింగ్ విషయాలు వెల్లడి..!
మహిళా వైద్యులు చికిత్స చేస్తే మరణాల రేటు తక్కువగా ఉంటుందని 'అన్నల్స్ ఆఫ్ ఇంటర్నల్ మెడిసిన్' జర్నల్లో ప్రచురించిన అధ్యయనం పేర్కొంది.
- By Gopichand Published Date - 10:47 AM, Sun - 28 April 24
Female Doctors Treatment: మహిళా వైద్యులు చికిత్స (Female Doctors Treatment) చేస్తే మరణాల రేటు తక్కువగా ఉంటుందని ‘అన్నల్స్ ఆఫ్ ఇంటర్నల్ మెడిసిన్’ జర్నల్లో ప్రచురించిన అధ్యయనం పేర్కొంది. అధ్యయనం ప్రకారం.. మగ వైద్యులచే చికిత్స పొందిన రోగుల కంటే మహిళా వైద్యుల నుండి చికిత్స పొందుతున్న రోగులు తక్కువ మరణాల రేటును కలిగి ఉంటారు. మహిళా వైద్యుల నుండి సంరక్షణ పొందిన రోగులు ఆసుపత్రికి తిరిగి వచ్చే అవకాశం తక్కువ అని ఆ నివేదిక పేర్కొంది.
2016- 2019 మధ్య US ఆసుపత్రులలో చికిత్స పొందిన 4,58,100 మంది మహిళలు, 3,18,800 మంది పురుషులు సహా 7,76,000 మంది రోగులపై ఈ అధ్యయనం నిర్వహించబడింది. మహిళా వైద్యుల ద్వారా చికిత్స పొందిన మహిళా రోగుల మరణాల రేటు 8.15 శాతం కాగా, మగ రోగుల మరణాల రేటు 10.15 శాతంగా ఉంది. ఇదిలా ఉంటే మగ వైద్యులు చికిత్స చేసే మహిళా రోగుల మరణాల రేటు 8.38 శాతం, పురుషుల మరణాల రేటు 10.23 శాతంగా ఉంది.
Also Read: Rishabh Pant Banned: ఢిల్లీకి బిగ్ షాక్.. పంత్పై ఒక మ్యాచ్ నిషేధం..?
ఇంతకుముందు మరొక అధ్యయనంలో మహిళా వైద్యులు సగటున రోగికి 23 నిమిషాలు ఇవ్వగా, పురుష వైద్యులు 21 నిమిషాలు ఇచ్చారు. 65 ఏళ్లు అంతకంటే ఎక్కువ వయస్సు గల వ్యక్తులపై నిర్వహించిన ఒక అధ్యయనంలో మహిళా వైద్యులచే చికిత్స పొందిన 8.15% మంది మహిళలు 30 రోజుల్లో మరణించారు. మగ వైద్యులు చికిత్స చేసిన వారిలో 8.38% మంది మరణించారు.
We’re now on WhatsApp : Click to Join
మహిళా వైద్యులు అందించే జాగ్రత్తలు, సాంకేతిక చికిత్సకు మించిన వారి ప్రవర్తనే ఇందుకు కారణమని అధ్యయనంలో భాగమైన యూసుకి సుగావా చెబుతున్నారు. మగ వైద్యులతో పోలిస్తే మహిళా వైద్యులు రోగులతో మెరుగైన సంభాషణను కలిగి ఉంటారు. వారు రోగులతో మాట్లాడటానికి, శ్రద్ధ వహించడానికి ఎక్కువ సమయాన్ని వెచ్చిస్తారు. మహిళా రోగులకు మహిళా వైద్యులపై నమ్మకం ఎక్కువ. ఈ కారణాలన్నీ మరణాల తగ్గుదలకు దోహదం చేస్తాయని లీడ్ స్టడీ రచయిత్రి డాక్టర్ లిసా రోటెన్స్టెయిన్ చెప్పారు.
Related News
కొత్త డ్రెస్ కోడ్ పై డాక్టర్ల ఆగ్రహం… తగ్గేదేలే అంటున్న ఆరోగ్యశాఖ
విజయవాడ వైద్య ఆరోగ్య శాఖ లో సోమవారం నుంచి కొత్త డ్రెస్ కోడ్ అమల్లోకి రానుంది.ప్రభుత్వ ఆసుపత్రుల్లో పని చేసే వారికి కొత్త డ్రెస్ కోడ్ తో రావాలని ఇప్పటికే ఆదేశాలు జారీ అయ్యాయి.