శ‌ర్వానంద్ బైక‌ర్ మూవీ ఎలా ఉందంటే?!

Biker

Biker Review: శర్వానంద్, డాక్టర్ రాజశేఖర్ ప్రధాన పాత్రల్లో అభిలాష్‌ రెడ్డి దర్శకత్వంలో తెరకెక్కిన స్పోర్ట్స్ డ్రామా బైక‌ర్ మూవీ ఈరోజు ప్రేక్ష‌కుల ముందుకు వ‌చ్చింది. ఆ సినిమా ఎలా ఉందో ఇప్పుడు తెలుసుకుందాం..! ఈ సినిమాలో యాంగ్రీ మ్యాన్ రాజశేఖర్ కీలక పాత్ర పోషించారు.

కథ

వికాస్ నారాయణ్ అలియాస్ విక్కీ (శర్వానంద్) ఒక టాప్ క్లాస్ మోటోక్రాస్ రేసర్. చిన్నప్పటి నుండి తన తండ్రి సునీల్ నారాయణ్ (రాజశేఖర్) దగ్గర కఠినమైన శిక్షణ పొందుతాడు. అయితే అనూహ్యంగా విక్కీ రేసింగ్‌ను వదిలేసి, తన తండ్రిని ఇబ్బందుల్లో నెట్టేస్తాడు. విక్కీ రేసింగ్‌ను ఎందుకు వదిలేశాడు? అనన్య (మాళవిక నాయర్) ఎవరు? ఆమెకు విక్కీ జీవితంతో ఉన్న సంబంధం ఏంటి? రేసింగ్‌కు దూరమైన తర్వాత విక్కీ జీవితంలో ఏం జరిగింది? అనేదే ఈ చిత్ర కథాంశం.

Also Read: ఈరోజు బ్యాంక్‌ల‌కు హాలిడే ఉందా?

Expectations ki chinnadhi kuda taggaledu mawa 🥵 🔥

Visuals and racing scenes goosebumps 🔥 ilanti genres super vuntai but mana tollywood nunchi kuda ravatam kirrack 🔥 sharwa anna dedication and efforts kanipistunai movie lo 🔥#Biker 4/5 ⭐ pic.twitter.com/apBM8uYmPv

— SANDY (@yeageristsandy) April 2, 2026

ప్లస్ పాయింట్స్

టాలీవుడ్‌లో ఇప్పటికే చాలా స్పోర్ట్స్ డ్రామాలు వచ్చాయి. కానీ ‘మోటోక్రాస్ రేసింగ్’ నేపథ్యాన్ని ఎంచుకోవడం ఈ సినిమాకు అతిపెద్ద ప్లస్. తెలుగు ప్రేక్షకులకు ఇది ఒక కొత్త అనుభూతినిస్తుంది. రేసింగ్ సన్నివేశాలను చిత్రీకరించిన విధానం, కొరియోగ్రఫీ అద్భుతంగా ఉన్నాయి. కొన్ని సీన్లు ప్రేక్షకులను సీటు అంచున కూర్చోబెడతాయి.

శర్వానంద్ తన కెరీర్‌లో అత్యుత్తమ శారీరక దృఢత్వంతో కనిపించారు. రేసర్‌గా, ఎమోషనల్ సీన్లలో ఆయన నటన చాలా సహజంగా ఉంది. ఇక రాజశేఖర్ తన వయస్సుకు తగ్గ పాత్రలో హుందాగా నటించారు. క్యారెక్టర్ రోల్స్ చేయడానికి ఆయనకు ఇది ఒక గొప్ప ఆరంభం అని చెప్పొచ్చు. సినిమా రెండో భాగం ఎమోషనల్ డెప్త్‌తో చాలా ఆసక్తికరంగా సాగుతుంది. మాళవిక నాయర్ తన పరిధి మేరకు బాగా నటించింది.

మైనస్ పాయింట్స్

కొన్ని కీలక ఘట్టాల్లో సినిమా పాత స్పోర్ట్స్ డ్రామా ఫార్ములాలోనే సాగుతుంది. హీరో లక్ష్యాన్ని చేరుకోవడం చాలా సులభంగా అనిపిస్తుంది. ఇది వాస్తవికతను కొంత తగ్గిస్తుంది. హీరో రేసింగ్‌లో ఎదుర్కొనే అంతర్గత సంఘర్షణను ఇంకా బాగా చూపిస్తే బాగుండేది. స్పాన్సర్‌షిప్ కి సంబంధించిన సీన్లు అంత ప్రభావవంతంగా లేవు. సినిమా ఫస్ట్ హాఫ్ అక్కడక్కడ నెమ్మదిగా సాగుతుంది. హీరో, హీరోయిన్ల మధ్య ఉన్న కాన్ఫ్లిక్ట్ పాయింట్‌ను ఇంకాస్త మెరుగ్గా ఉపయోగించుకోవాల్సింది.

సాంకేతిక విభాగం

జిబ్రాన్ అందించిన నేపథ్య సంగీతం థ్రిల్లింగ్ సీన్లలో ప్రాణం పోసింది. సినిమాటోగ్రాఫర్ యువరాజ్ రేసింగ్ సీన్లను విజువల్ గ్రాండ్‌గా చూపించారు. నిర్మాణ విలువలు చాలా రిచ్‌గా ఉన్నాయి. దర్శకుడు అభిలాష్ రెడ్డి ఒక క్లిష్టమైన క్రీడను ఎంచుకుని, దానికి ఎమోషన్స్ జోడించి ప్రేక్షకులను మెప్పించడంలో విజయం సాధించారు.

మొత్తంగా చెప్పాలంటే, ‘బైకర్’ ఒక ఆకట్టుకునే స్పోర్ట్స్ డ్రామా. మోటోక్రాస్ రేసింగ్ నేపథ్యం, శర్వానంద్ – రాజశేఖర్ ల అద్భుతమైన నటన ఈ సినిమాను నిలబెట్టాయి. మొదటి భాగం కొంచెం నెమ్మదిగా ఉన్నప్పటికీ రేసింగ్ సీన్లు, సెకండ్ హాఫ్‌లోని ఎమోషన్స్ సినిమాను విజయతీరాలకు చేర్చాయి. స్పోర్ట్స్ డ్రామాలను ఇష్టపడే వారికి ‘బైకర్’ ఒక మంచి ఛాయిస్.

• సినిమా పేరు: బైకర్
• నటీనటులు: శర్వానంద్, డాక్టర్ రాజశేఖర్, మాళవిక నాయర్, తదితరులు
• దర్శకత్వం: అభిలాష్ రెడ్డి
• నిర్మాతలు: వంశీ, ప్రమోద్ ఉప్పలపాటి
• సంగీతం: జిబ్రాన
• సినిమాటోగ్రఫీ: యువరాజ్
• ఎడిటర్: అనిల్ పసల
• రేటింగ్: 3/5

Follow us