Biryani: ఇండియాలో ఈ 5 రకాల బిర్యానీలు ఫేమస్.. మీరు కూడా వీటిని ఒక్కసారి రుచి చూడాల్సిందే..!

Mutton Biryani

Biryani: భారతదేశం వంటకాలు, వాటి ప్రత్యేక రుచి ప్రపంచవ్యాప్తంగా ప్రసిద్ధి చెందాయి. భారతదేశంలో అనేక రకాల వంటకాలు ప్రసిద్ధి చెందాయి. ఈ ప్రసిద్ధ వంటకాల్లో బిర్యానీ (Biryani) ఒకటి. ఇది అందరికీ నచ్చే వంటకం. బిర్యానీ అనేది ఒక వంటకం మాత్రమే కాదు.. ప్రపంచవ్యాప్తంగా మిలియన్ల మంది ప్రజలతో పంచుకునే భావోద్వేగం. బిర్యానీకి ఉన్న ఈ ప్రాముఖ్యతను దృష్టిలో ఉంచుకుని ప్రతి సంవత్సరం జూలై మొదటి ఆదివారాన్ని ప్రపంచ బిర్యానీ దినోత్సవంగా జరుపుకుంటారు. ఈ ప్రత్యేక సందర్భంలో ఈ రోజు భారతదేశంలో దొరికే 5 బిర్యానీల గురించి మనం తెలుసుకుందాం. అవి వాటి రుచికి ప్రపంచవ్యాప్తంగా ప్రసిద్ధి చెందాయి.

హైదరాబాదీ బిర్యానీ

హైదరాబాదీ బిర్యానీ భారతదేశంలోని అత్యంత ప్రసిద్ధ, ఐకానిక్ బిర్యానీలలో ఒకటి. హైదరాబాదీ బిర్యానీ రుచి, బాస్మతి బియ్యం, సుగంధ ద్రవ్యాల సంపూర్ణ సమ్మేళనానికి ప్రసిద్ధి చెందింది. ఇది సాంప్రదాయకంగా చికెన్ లేదా మటన్ తో తయారు చేయబడుతుంది. తరచుగా వేయించిన ఉల్లిపాయలు, ఉడికించిన గుడ్లతో హైదరాబాదీ బిర్యానీ గార్నిష్ చేస్తారు.

లక్నో బిర్యానీ

లక్నో బిర్యానీకి కూడా మంచి పేరుంది. ఈ వంటకం పురాతన కాలంలోని నవాబులు, ప్రభువులచే ఎక్కువగా ప్రచారం చేయబడిందని చెబుతారు. దీన్ని తాజా సుగంధ ద్రవ్యాలతో కలిపి వండుతారు. మెరినేట్ చేసిన చికెన్ ను జోడించి వెరైటీ టెక్నిక్ తో చేసే ఈ బిర్యానీ అద్భుత రుచిని తెస్తుంది. లక్నో బిర్యానీ సాధారణంగా బాస్మతి బియ్యం, చికెన్ లేదా మటన్‌తో తయారు చేస్తారు.

కోల్‌కతా బిర్యానీ

కోల్‌కతా బిర్యానీకి ప్రత్యేకమైన రుచి ఉంటుంది. ఇది అవధి, మొఘలాయ్ వంటకాలచే ప్రభావితమవుతుంది. ఇది సుగంధ బాస్మతి బియ్యం, మాంసం (సాధారణంగా చికెన్ లేదా మటన్), సుగంధ ద్రవ్యాల మిశ్రమంతో తయారు చేయబడుతుంది. బంగాళదుంపలు, దాల్చినచెక్క, జాజికాయ వంటి సుగంధాలను ఉపయోగించడం కోల్‌కతా బిర్యానీని విభిన్నంగా చేస్తుంది. బెంగాల్ నవాబులు సాంప్రదాయ బిర్యానీకి బెంగాలీ టచ్ ఇచ్చారని, ఫలితంగా దీనికి అవధి బిర్యానీ అని పేరొచ్చినట్టు సమాచారం. ఇందులో పెరుగు, మాంసం, బంగాళాదుంపలు, ఉడికించిన గుడ్లతో పాటు తేలికపాటి సుగంధ ద్రవ్యాలతో వండుతారు.

Also Read: Floating Restaurant : ఇండియాలో మరో తేలియాడే రెస్టారెంట్.. టూర్ ప్యాకేజ్ వివరాలివీ

మలబార్ బిర్యానీ

కేరళలోని మలబార్ ప్రాంతంలో మలబార్ బిర్యానీ ప్రత్యేకం. సుగంధ ద్రవ్యాలు, కొబ్బరి, చిన్న గింజలతో కూడిన జీరకసాల బియ్యంతో తయారు చేయబడిన ఇది ప్రత్యేకమైన రుచికి ప్రసిద్ధి చెందింది. మలబార్ బిర్యానీని సాధారణంగా చికెన్, మటన్ లేదా చేపలతో తయారుచేస్తారు. తరచుగా రహితా (పెరుగు చట్నీ) లేదా ఊరగాయతో వడ్డిస్తారు.

సింధీ బిర్యానీ

సింధీ బిర్యానీ అనేది సింధ్ ప్రాంతం (ప్రస్తుతం పాకిస్తాన్‌లో భాగం) నుండి వచ్చిన సింధీ వంటకాల ప్రత్యేక వైవిధ్యం. ఇది సుగంధ ద్రవ్యాలు, బాస్మతి బియ్యం, మాంసం (సాధారణంగా మటన్ లేదా చికెన్)తో తయారు చేయబడిన రుచికరమైన, స్పైసీ బిర్యానీ. సింధీ బిర్యానీ బిర్యానీలన్నింటిలోనూ భిన్నంగా ఉంటుంది. సింధీ బిర్యానీలో మెత్తగా కోసిన మిరపకాయలు, కొత్తిమీర, తాజా పుదీనా, కాల్చిన మసాలాలను వేస్తారు. డ్రై ఫ్రూట్స్, గింజలు, ఉల్లిపాయ రింగులతో ఈ డిష్ చూస్తేనే తినేయాలనిపిస్తుంది.

Follow us