BreakUp: బ్రేకప్ తర్వాత చేయకూడని పనులు ఇవే..

BreakUp: ప్రేమికుల మధ్య కొన్ని విషయాలు చిచ్చు పెడుతున్నాయి. గొడవలు, మనస్పర్ధల కారణంగా కొన్ని రోజుల తర్వాత తమ ప్రేమ బంధాన్ని తెంచేసుకుంటున్నారు. దీనిని బ్రేకప్ అని అంటూ ఉన్నారు. ప్రేమికుల మధ్య బ్రేకప్‌కు అనేక విషయాలు కారణం అవుతున్నాయి. పని ఒత్తిడిలో సరిగ్గా మాట్లాడుకోకపోవడం, ఒకరి పనికి మరొకరు సపోర్ట్ చేయకపోవడం లాంటి వల్ల దూరం అవుతున్నారు. కానీ బ్రేకప్ తర్వాత ప్రేమికులు ఒకరి గురించి ఒకరు మర్చిపోవడానికి చాలా రోజులు పడుతుంది.

అయితే బ్రేకప్ తర్వాత కొంతమంది ఆవేశంతో తమ మాజీ లవర్‌కు హాని చేయాలని చూడటం, తాము ప్రేమ ఉన్నప్పుడు తీసుకున్న ఫొటోలు, వీడియోలను చూపించే బ్లాక్‌మెయిల్ చేయడం, బెదిరింపులకు గురి చేయడం, వేధించడం లాంటివి చేస్తూ ఉంటారు. అయితే ఒక్కసారి బ్రేకప్ చేసుకున్న తర్వాత అలాంటివి చేయడం మంచిది కాదు. బ్రేకప్ తర్వాత మాజీలపై కోపం వస్తుంది. ఈ కోపం అనేక పనులు చేస్తూ ఉంటారు. ఇలా చేయడం వల్ల మానసికి ఒత్తిడికి గురై మీకే ప్రమాదం.

ఇక ఒకసారి విడిపోయిన తర్వాత మీ మాజీల గురించి తప్పుగా మాట్లాడకూడదు. ఇలా చేయడం వల్ల మీకు తాత్కాలికంగా బాధ తగ్గినా.. తర్వాత మీకే ఎక్కువగా నష్టం చేకూర్చుతుంది. దీంతో అందరి దగ్గర మాజీల గురించి తప్పుగా మాట్లడవద్దు. అలాగే బ్రేకప్ తర్వాత మాజీల గురించి సోషల్ మీడియాలో నెగిటివ్ స్ప్రెడ్ చేయడం మంచిది కాదు. వారి గురించి నెగిటివ్ పోస్టులు పెట్టి అందరికీ తెలిసేలా కించపర్చడం సరికాదు.

బ్రేకప్ తర్వాత చాలామంది బాధతో ఒంటరిగా ఉంటారు. ఎవరితో కలవరు. అలా ఉండటం వల్ల మీకు చెడు ఆలోచనలు వచ్చే అవకాశం. బ్రేకప్ తర్వాత ఆల్కహాల్‌కు చాలామంది బానిసలుగా మారుతారు. అలా ఎడిక్ట్ అవ్వడం వల్ల ఆరోగ్యం దెబ్బతింటుంది.