Strawberry: ముఖంపై ముడతలు తగ్గిపోవాలంటే.. స్ట్రాబెర్రీలను ఇలా ఉపయోగించాల్సిందే!

స్ట్రాబెరీ వల్ల ఎన్నో రకాల ప్రయోజనాలు ఉన్నాయి అన్న విషయం అందరికీ తెలిసిందే. వీటిని చిన్నపిల్లల నుంచి పెద్దవారి వరకు ప్రతి ఒక్కరు ఇష్టపడి తింటూ ఉంటారు. ఈ పండులో యాంటీ ఆక్సిడెంట్లు, విటమిన్ సి పుష్కలంగా ఉంటాయి. ఈ పండును తినడం వల్ల గుండె ఆరోగ్యంగా ఉంటుంది. ఈ పండు కొలెస్ట్రాల్ ను వదిలించుకోవడానికి, అధిక రక్తపోటును నియంత్రించడానికి, మధుమేహాన్ని నివారించడానికి ఎంతో సహాయపడుతుందని చెబుతున్నారు. స్ట్రాబెర్రీ లలో యాంటీ ఆక్సిడెంట్లు, విటమిన్లు, పొటాషియం, ఇతర ఖనిజాలు పుష్కలంగా ఉంటాయి.

స్ట్రాబెర్రీలు చర్మాన్ని మృదువుగా, అందంగా మార్చడానికి, మొటిమలను నివారించడానికి, చర్మంపై ముడతలను తొలగించడానికి, చర్మాన్ని అందంగా చేయడానికి సహాయపడుతుందట. స్ట్రాబెర్రీ లను తీసుకుని దీన్నుంచి జ్యూస్ ను తీయాలి. తర్వాత దీనిలో ఒకటిన్నర టేబుల్ స్పూన్ పెరుగు, ఒక టేబుల్ స్పూన్ తేనెను వేసి బాగా కలపాలి. ఈ మిశ్రమాన్ని ముఖానికి, మెడకు అప్లై చేసి 15 నుంచి 20 నిమిషాల పాటు అలాగే ఉంచి,తర్వాత గోరువెచ్చని నీటితో కడిగేయాలి. ఈ ప్యాక్ నల్ల మచ్చలు, మొటిమలను తొలగించి, మీ చర్మాన్ని మెరిసేలా చేస్తుంది. అలాగే రెండు టేబుల్ స్పూన్ల స్ట్రాబెర్రీ జ్యూస్ లో ఒక టేబుల్ స్పూన్ నిమ్మరసాన్ని మిక్స్ చేసి ముఖానికి అప్లై చేసి, 15 నిమిషాల తర్వాత గోరువెచ్చని నీటితో శుభ్రం చేయడం వల్ల వడదెబ్బ నుంచి శరీరాన్ని రక్షించుకోవచ్చు.

అదేవిధంగా రెండు టేబుల్ స్పూన్ల స్ట్రాబెర్రీ జ్యూస్ లో ఒక టీస్పూన్ బియ్యప్పిండి, రెండు టీస్పూన్ల పెరుగును కలిపీ, ఈ మిశ్రమాన్ని ముఖానికి అప్లై చేసి 15 నిమిషాల తర్వాత కడిగేయాలి. ఇది మీ ముఖాన్ని కాంతివంతంగా చేయడానికి సహాయపడుతుందట. స్ట్రాబెర్రీల జ్యూస్ లో ఒక టేబుల్ స్పూన్ శెనగపిండిని వేసి బాగా కలపాలి. ఈ మిశ్రమాన్ని ముఖానికి అప్లై చేయాలి. 15 నిమిషాల తర్వాత నీట్ గా కడిగేయాలి. ఈ ప్యాక్ జిడ్డుగల చర్మాన్ని తొలగించడానికి, చర్మాన్ని ప్రకాశవంతం చేయడానికి, రంగును మెరుగుపర్చడానికి సహాయపడుతుందని చెబుతున్నారు. రెండు టేబుల్ స్పూన్ల స్ట్రాబెర్రీ జ్యూస్ లలో ఒక టేబుల్ స్పూన్ తేనెను మిక్స్ చేసి ముఖానికి అప్లై చేయాలి. 15 నిమిషాల తర్వాత ముఖాన్ని నీట్ గా కడిగేసుకోవాలి. ఈ ప్యాక్ మొటిమలను వదిలించుకోవడానికి, మీ ముఖం మెరిసేలా చేయడానికి సహాయపడుతుందని చెబుతున్నారు.