Paneer Jalebi: పిల్లలు ఎంతగానో ఇష్టపడే పనీర్ జిలేబి.. ఇంట్లోనే చేసుకోండిలా?

మాములుగా ఇంట్లో చిన్న పిల్లలు పెద్దవారు ఎప్పుడూ ఒకే రకమైన స్వీట్లు కాకుండా అప్పుడప్పుడు కొత్త కొత్త స్వీట్లు తినాలని ఆశ పడుతూ ఉంటారు. దాంతో ఆడవారు ఎటువంటి స్వీట్లు చేయాలో తెలియక బయట స్వీట్ షాప్ లో దొరికే రకరకాల స్వీట్లను తీసుకువచ్చి పిల్లలకు ఇస్తూ ఉంటారు. అయితే అలా కాకుండా ఇంట్లోనే తయారు చేసుకోవాలి అనుకునే వారి కోసం ఈ రెమిడి. ఇంట్లోనే పనీర్ జిలేబి ఎలా తయారు చేసుకోవాలో ఇప్పుడు మనం తెలుసుకుందాం

పనీర్ జిలేబీ కావలసిన పదార్థాలు:

పాలు – ఒక లీటరు
బొంబాయి రవ్వ – రెండు చెంచాలు
మైదా – ఒక చెంచా
నిమ్మరసం – ఒక చెంచా
మిల్క్ పౌడర్ – మూడు చెంచాలు
యాలకుల పొడి – ఒక చెంచా
బేకింగ్ పౌడర్ – చిటికెడు
నెయ్యి – ఒక చెంచా
చక్కెర – ఒకటిన్నర కప్పు
నీళ్లు – ఒకటిన్నర కప్పు
నూనె – వేయించడానికి సరిపడా

పనీర్ జిలేబీ తయారీ విధానం:

మొదట మూడు నాలుగు చెంచాల పాలలో బొంబాయి రవ్వ వేసి ఉంచాలి. మిగతా పాలను స్టౌ మీద పెట్టాలి. కాగిన తరువాత నిమ్మరసం వేయాలి. పాలు విరిగిపోయిన తరువాత ఒక పల్చని బట్టలో వేసి గట్టిగా కట్టి, దానిమీద బరువు పెట్టాలి. నీరంతా పోయి గట్టి పదార్థం మిగులుతుంది. దీనిని సాఫ్ట్ గా అయ్యేవరకూ చేతితో బాగా మెదపాలి. తర్వాత దీన్ని ఒక బౌల్ లో వేసి పాలలో నానబెట్టిన బొంబాయి రవ్వ, మిల్క్ పౌడర్, నెయ్యి, యాలకుల పొడి వేసి బాగా కలపాలి. ఈ మిశ్రమాన్ని కొద్దికొద్దిగా తీసుకుని, అరచేతుల మధ్య ఉంచుకుని మెదుపుతూ, సన్నగా పొడుగ్గా చేసుకోవాలి. తర్వాత వాటిని చుట్టాలి. ఎక్కడా పగుళ్లు లేకుండా చూసుకోవాలి. అన్నిటినీ అలా చేసుకున్న తరువాత నూనెలో డీప్ ఫ్రై చేసుకోవాలి. చక్కెరలో నీళ్లు పోసి స్టౌమీద పెట్టాలి. లేత పాకం అయ్యాక వేయించుకున్న జిలేబీలను వేయాలి. అంతే ఎంతో టేస్టీగా ఉండే పనీర్ జిలేబి రెడీ.