Sofa Set: మీ ఇంట్లో సోఫా లేదా సోఫా సెట్ కొనేముందు వీటిని దృష్టిలో ఉంచుకోండి!

Sofa Clean

సోఫా (Sofa) కొనడం అంటే మీరు మీ ఇంటి కోసం చేసే అత్యంత ముఖ్యమైన పెట్టుబడులలో ఒకటి అనే చెప్పాలి. లివింగ్‌ రూమ్‌లో విశ్రాంతి తీసుకోవడానికి, ప్రశాంతంగా బుక్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌ చదవడానికి, ఫ్రెండ్స్‌తో ముచ్చట్లు పెట్టడానికి, బెస్ట్‌ ప్లేస్‌ అంటే సోఫానే. సోఫాలో హాయిగా కూర్చొని టీవీ చూస్తుంటే.. వచ్చే ఫీలింగే వేరు. ఒకసారి సోఫాపై ఇన్వెస్ట్‌ చేస్తే.. ఏళ్ల తరబడి మన ఆనంద క్షణాలను దానిపై గడుపుతాం. మధ్యతరగతి కుటుంబాలలో సోఫాను ఏళ్లతరబడి వాడుతూనే ఉంటారు. సోఫాలు చిరిగిపోయి, విరిగిపోయే వరకు మార్చరు. అందుకే, వాటిని కొనేప్పుడు సౌకర్యవంతంగా, మన్నికైనదిగా, మన లైఫ్‌స్టైల్‌కు సరిపోయే విధంగా ఎంచుకోవాలి. సోఫా (Sofa) కొనేప్పుడు కొన్ని జాగ్రత్తలు తీసుకోవడం చాలా ముఖ్యమని నిపుణులు చెబుతున్నారు. కొత్త సోఫా కొనే ముందు పరిగణలోకి తీసుకోవలసిన విషయాల గురించి ఈ స్టోరీలో చూసేద్దాం.

రూమ్‌ కొలతలు తీసుకోండి:

సోఫా కొనడానికి.. షాప్‌కు వెళ్లే ముందు, గదిని కొలతలు తీసుకోవడం చాలా ముఖ్యం. చాలా మంది కొలతలు తీసుకోకుండా.. గదికంటే పెద్దది లేదా చిన్న సోఫా కొంటూ ఉంటారు. దీనివల్ల గది అందం పాడవుతుంది. గది కొలతలు తీసుకుంటే.. సోఫా ఎలా ఎరేంజ్‌ చెయ్యాలి, మిగిలిన వస్తువులు ఎలా సర్దాలి అనే ఐడియా ఉంటుంది. అలాగే, ఏ ప్రవేశ ద్వారం నుంచి సోఫా తీసుకువెళ్తున్నారో దాని కొలతలు కూడా తీసుకుంటే మంచిది. దీనివల్ల సోఫా డెలివరీలో ఇబ్బందులు ఉండవు.

గదికి తగ్గ రంగు ఎంచుకోండి:

సోఫా లివింగ్‌ రూమ్‌కు కొత్తు లుక్‌ తీసుకొస్తుంది. కానీ, మీరు సోఫా కొన్నప్పుడు దాని రంగుపై శ్రద్ధ చూపకపోతే.. మొత్తం గది అందం పాడవుతుంది. మీరు రూమ్‌ కలర్‌కు తగ్గట్టు సోఫా కలర్‌ ఎంచుకోండి. షోరూమ్‌లో కనిపించే సోఫా మీ ఇంటి సెట్టింగ్‌లో పూర్తిగా భిన్నంగా కనిపించవచ్చు.

మంచి ఫ్యాబ్రిక్‌‌ చూసి కొనండి:

సోఫా కొనుగోలు చేసేటప్పుడు ఫాబ్రిక్‌పై ప్రత్యేక శ్రద్ధ చూపాలని ఇంటీరియర్‌ డెకరేటర్స్‌ సూచస్తున్నారు. ముఖ్యంగా మీ ఇంట్లో పిల్లలు, పెట్స్‌ ఉంటే.. క్లీనింగ్‌ ఫ్లెండ్లీ ఫాబ్రిక్‌ ఎంచుకోవడం మంచిది. సోఫా ఫాబ్రిక్‌ మీ లైఫ్‌స్టైల్‌, కుటుంబ సభ్యుల అవసరాలుకు అనుగుణంగా ఉండాలని గుర్తుంచుకోండి. కాటన్, లినెన్, లెదర్ సోఫాలు.. ఇంటికి క్లాసిక్‌ లుక్‌ తీసుకువస్తాయి. మైక్రోఫైబర్ వంటి సింథటిక్ ఫ్యాబ్రిక్‌లు మన్నికగా ఉంటాయి, శుభ్రం చేసుకోవడానికి ఈజీగా ఉంటాయి.

దృఢమైన ఫ్రేమ్‌ను ఎంచుకోండి:

బట్టీలో ఎండబెట్టిన ఓక్, బీచ్, టేకు చెక్కలు ఎక్కువకాలం మన్నికగా ఉంటాయి. ఇవి కాస్ట్‌ ఎక్కువగా ఉన్నా.. బెస్ట్‌ ఇన్వెస్ట్‌మెంట్స్‌ అని చెప్పాలి. పైన్‌ చెక్క మృదువుగా ఉంటుంది, దీనితో తయారు చేసిన సోఫాలు ఎక్కువ కాలం మన్నవు. పార్టికల్‌బోర్డ్, ప్లాస్టిక్, మెటల్‌ సోఫాలు కొనొద్దు. వీటిలో పగుళ్లు అసౌకర్యంగా ఉంటాయి.

Also Read:  Moon: మన చంద్రుడికి ఒక టైం జోన్.. సన్నాహాలు వేగవంతం

Follow us