Holi: హొలీ వేళ ఇవి చేస్తే.. జీవితంలోకి ఆనందం

Holi Celebrations

రంగుల పండగ హోలీ (Holi) మార్చి 8న వస్తోంది. జ్యోతిష్యశాస్త్రం ప్రకారం.. ఆ రోజున కొన్ని పనులు చేయడం ద్వారా మీకు ఆహ్లాదకరమైన ఫలితాలు లభిస్తాయి. కష్టాలన్నీ తొలగిపోతాయి. జీవితంలోకి ఆనందం అడుగు పెడుతుంది. అదృష్టం మీ ఇంటి తలుపు తడుతుంది. ఇందుకోసం మీరు పండుగ రోజు కొన్ని నివారణలు చేయాలి. అవేంటో ఇప్పుడు తెలుసుకుందాం..

వైవాహిక జీవితంలో సమస్యలు ఎదురైతే..

మీ వైవాహిక జీవితంలో సమస్యలు ఎదురైతే లేదా మీ జీవిత భాగస్వామితో కలిసిరాకపోతే హోలీ (Holi) రోజు రాత్రి ఇలా చేయండి. ఒక తెల్లటి గుడ్డను పర్చి.. దాని మీద పప్పులు, శనగలు, గోధుమలు వేసి వాటితో నవగ్రహాలు చేయండి. . దీని తరువాత ఈ గ్రహాలను పూజించండి. ఇలా చేయడం వల్ల వైవాహిక జీవితంలో సంతోషం కలుగుతుందని నమ్ముతారు.

ఆర్థిక ఇబ్బందులు ఉంటే..

హోలీ రోజున సంపదలకు దేవత అయిన లక్ష్మీ దేవిని పూజించడం విశేషంగా పరిగణించ బడుతుంది.  హోలికా దహనం రోజున ఆచార వ్యవహారాల ప్రకారం గణేశ-లక్ష్మిని పూజించాలి. దీనివల్ల భక్తులందరికీ ఆర్థిక ఇబ్బందులు తొలగిపోతాయి. జీవితంలో సుఖసంతోషాలు, శ్రేయస్సు లభిస్తాయి.

హోలికా దహన బూడిదతో..

హోలికా దహన కార్యక్రమంలో మిగిలే బూడిదతో కూడా కొన్ని నివారణలు చేయడం శుభప్రదం.  మతపరమైన విశ్వాసం ప్రకారం, హోలికా బూడిదను ఒక గుడ్డలో చుట్టి ఉంచండి. ఆ తర్వాత ఇంట్లోని ప్రతి మూలలో దాన్ని చల్లుకోండి. ఇలా చేయడం వల్ల ఇంటిలోని ప్రతికూలతలన్నీ తొలగిపోయి, ఇంటి వాతావరణం ఆహ్లాదకరంగా మారుతుంది.

శివుడి ఆరాధన..

హోలీ రోజున శివుడిని ఆరాధించడం పవిత్రమైనదిగా పరిగణించబడుతుంది. శివ లింగానికి హోలికా బూడిదను సమర్పించడం ద్వారా ప్రత్యేక ఆశీర్వాదాలు లభిస్తాయి. అంతే కాకుండా హోలిక భస్మాన్ని నీటిలో కలిపి స్నానం చేయడం కూడా శ్రేయస్కరం.

హోలీ (Holi) ఆడే ముందు..

ఈ హోలీ రోజున ఉదయం లేచి, శివుడు మరియు తల్లి పార్వతి విగ్రహం లేదా చిత్రపటం పై రంగు వేయండి. తర్వాత అదే రంగును కలపడం ద్వారా హోలీ ఆడండి. ఇలా చేయడం వల్ల మీరు ఆహ్లాదకరమైన ఫలితాలను పొందుతారు. మీ వైవాహిక జీవితంలోకి ఆనందం వస్తుంది.

అప్పుల బాధ ఉంటే..

మీరు ఎప్పుడూ ఆర్థికంగా ఇబ్బంది పడుతుంటే లేదా అప్పుల బాధతో ఇబ్బంది పడుతున్నట్లయితే, హోళీ రోజున కర్పూరంలో కొన్ని గులాబీ ఆకులను కాల్చండి. వాటిని ఇల్లు మొత్తం తిప్పండి. దీని తర్వాత హోలికా అగ్నిలోకి వాటి బూడిదను సమర్పించండి. ఇలా చేయడం వల్ల మీ ఆర్థిక ఇబ్బందులు తొలగిపోతాయి.

పాత చీపుర్లు.. పాత చెప్పులు

ఎప్పటి నుంచో వాడుతున్న పాత చీపుర్లను హోలీకి ముందురోజే మార్చేయాలి. వీలైతే పాత చీపురను గొయ్యితీసి పాతిపెట్టాలట. ఇలా చేయ‌డం వ‌ల‌న ల‌క్ష్మీదేవి సంతోషిస్తుంది. అదేవిధంగా ఇంట్లో వాడ‌కుండా ఉంచిన దుస్తుల‌ను ఎవ‌రికైనా దానం చేయ‌డం మంచిద‌ని పండితులు చెబుతున్నారు. ఇక‌, తెగిపోయిన పాత‌బ‌డిన చెప్పుల‌ను కూడా బ‌య‌ట‌ప‌డేయ్యాల‌ని పండితులు చెబుతున్నారు.

Also Read:  Cyber Criminals: ధోని , శిల్పాశెట్టి, ఇమ్రాన్ హష్మీల పాన్ కార్డు డీటెయిల్స్ తో క్రెడిట్ కార్డ్స్ పొందిన కేటుగాళ్లు

Follow us