Beauty Tips: ఫేషియల్ చేయించుకున్న తర్వాత ఆ పొరపాట్లు చేస్తున్నారా.. అయితే జాగ్రత్త!

మామూలుగా అమ్మాయిలు, అబ్బాయిలు తరచుగా బ్యూటీ పార్లర్ కు వెళ్తూ ఉంటారు. అబ్బాయిలతో పోల్చుకుంటే అమ్మాయిలు ఎక్కువగా బ్యూటీ పార్లర్లకు వెళుతూ ఉంటారు. అందాన్ని మరింత పెంచుకోవడం కోసం రకరకాల ఫేషియల్స్ చేయించుకుంటూ ఉంటారు. అయితే ఫేషియల్ చేయించుకోవడం మంచిదే కానీ ఫేషియల్ చేయించుకున్న తర్వాత పొరపాటున కూడా కొన్ని తప్పులు అస్సలు చేయకూడదట. మరి ఫేషియల్ చేయించుకున్న తర్వాత ఎలాంటి పొరపాట్లు చేయకూడదో ఇప్పుడు మనం తెలుసుకుందాం.. ఫేషియల్ తర్వాత మనం తీసుకునే జాగ్రత్తలను బట్టి మన ఫేస్ గ్లో నిలబడుతుందట.

లేదంటే మనం తెలియక చేసే చిన్న చిన్న పొరపాట్ల వల్ల చర్మం తిరిగి కాంతి విహీనంగా మారుతుందని చెబుతున్నారు. నిజానికి ఫేషియల్ చేయించుకోవడం చర్మానికి చాలా మంచిదట. చర్మంపై ఉండే రక్తప్రసరణను శోషరస ప్రసరణను మెరుగుపరుస్తుందని చెబుతున్నారు. ఫేషియల్ చేయించుకున్న తర్వాత పుష్కలంగా నీరు తాగాలని చెబుతున్నారు. శరీరాన్ని హైబ్రిటేట్ గా ఉంచుకోవాలి నాణ్యమైన యాంటీ ఆక్సిడెంట్లు తీసుకోవాలి. అలాగే ఫేషియల్ చేయించుకున్న తర్వాత మొత్తం ఎర్రగా మారిన మొటిమలు వంటి ఎలర్జీ వచ్చినా వెంటనే వైద్యులని సంప్రదించాలని చెబుతున్నారు. ఫేషియల్ తర్వాత చర్మం పొడిబారినట్లుగా అనిపిస్తుంది కాబట్టి తేమను పొందటానికి మాయిశ్చరైజర్ అప్లై చేసుకోవాలి.

అలాగే ఫేషియల్ అయిపోయిన వెంటనే మర్చిపోకుండా సన్ స్క్రీన్ లోషన్ రాసుకోవాలట. ఇది చర్మాన్ని యూవీ కిరణాల నుంచి కాపాడుతుందని చెబుతున్నారు. అలాగే ఫేషియల్ చేయించుకున్న తరువాత వెంటనే వ్యాక్సింగ్ చేయించుకోకూడదట. ఫేషియల్ చేయించుకోవడానికి రెండు రోజులు ముందే వ్యాక్సింగ్ చేయించుకోవాలట. ఫేషియల్ తర్వాత వ్యాక్సింగ్ చేస్తే చర్మ రంద్రాల్లోకి బ్యాక్టీరియా చేరుతుందని, అలాగే ఫేషియల్ చేయించుకున్న వెంటనే మేకప్ వేసుకోవడం, కాస్మెటిక్స్ వాడటం వల్ల అవి చర్మ రంధ్రాల్లోకి వెళ్తాయని ఇది మొటిమలు రావడానికి కారణం అవుతుందని చెబుతున్నారు. కాబట్టి వెంటనే మేకప్ వేయకూడదు. అలాగే మేకప్ అయిన వెంటనే చెమట పట్టే అంత వేడి ప్రాంతాల్లో ఉండకూడదట..అలాగే స్టీమ్ బాత్, హాట్ వాటర్ బాత్ చేయకూడదట. దీనివలన చర్మం ఎర్రబారే అవకాశం ఉందని చెబుతున్నారు.